Stock Market News: शेअर बाजारात दबावाचा 'अंडरकरंट' सेन्सेक्स १३३.३४ तर निफ्टी ६७.२० अंशाने घसरला

  69

मुंबई : आज सकाळच्या सत्रात इक्विटी बेंचमार्क निर्देशांकात बीएसई सेन्सेक्स (Sensex) निर्देशांकात घसरण झाली आहे. सेन्सेक्स १३३.२४ अंशाने घसरून ८२३८१.९० पातळीवर पोहोचला आहे तर निफ्टी ५० (Nifty 50) निर्देशांकातही ६७.२० अंशाने घसरण होत निर्देशांक २५०७०.९० पातळीवर पोहोचला आहे. काल अखेरच्या सत्रात बँक निर्देशांकात घसरण कायम राहिल्याने बाजारात सपोर्ट लेवल (Support Level) राखण्यास मदत झाली नाही. परिणामी बाजारात मर्यादित वाढ झाली होती.

सकाळच्या सत्रात गिफ्ट निफ्टी (Gift Nifty) मध्ये घसरण झाल्याने त्यांचे पडसाद आज बाजारात पहायला मिळत आहे. सेन्सेक्स बँक निर्देशांकात गेल्या २ दिवसातील पडझड कायम राहिली आहे. सकाळी सेन्सेक्स बँक निर्देशांक ०.०५ % घसरण होऊन पातळी ५६५२९.५५ पातळीवर पोहोचला. बीएसई (BSE) मिडकॅप व स्मॉलकॅपमध्ये अनुक्रमे ०.३८% व ०.०८% घसरण झाली आहे. तर निफ्टी मिडकॅप व स्मॉलकॅपमध्ये अनुक्रमे ०.३१% व ०.४५% ने घसरण झाली आहे. विशेषतः आज तीन दिवस घसरलेला भारतीय अस्थिरता निर्देशांक (Volatility Index VIX) मात्र सकाळी ०.६९% पातळीवर पोहोचला आहे.

सकाळी बाजार उघडताना निफ्टी क्षेत्रीय निर्देशांक (Nifty Sectoral Indices) मध्ये सर्वाधिक वाढ हेल्थकेअर (१.१९%), मिडिया (०.९०%), मिडस्मॉल हेल्थकेअर (०.९१%) झाली आहे तर घसरण आयटी (१.०%),तेल व गॅस (०.५७%), रिअल्टी (०.५७%) समभागात (Shares) मध्ये झाली आहे.

सकाळच्या सत्रात सर्वाधिक वाढ टानला प्लॅटफॉर्म (Tanla Platforms) (१०.५%), नवा (६.९९%), रेडिंगटन (४.११%), किर्लोस्कर ब्रदर्स (३.५%), टाटा टेलिकॉम (३.२८%), रेडिको खैतान (२.६६%), झी एंटरटेनमेंट (२.०४%), एशियन पेंटस (२.०१%), बजाज फिनसर्व्ह (१.८४%), ओएनजीसी (१.८४%), सनफार्मा (१.७४%) या समभागात झाली आहे तर नुकसान सी ई इन्फो सिस्टिम (८.२४%), वन ९७ (७.१८%), एचपीसीएल (४.२६%), बीपीसीएल (३.५८%), क्रिसील (२.६२%), सोनाटा सॉफ्टवेअर (२.४१%), भारत पेट्रोलियम (३.४१%), इंडियन ऑइल (२.०४%), जेल इंडिया (१.६७%), अदानी पॉवर (१.५४%), इन्फोसिस (१.४८%) या समभागात झाली आहे.

युएस हेडलाईन्स इन्फ्लेशन (महागाई दर) हा कमी होत २.४% व मुख्य महागाई दर (Core Inflation Rate) हा २.८% यावर मर्यादित राहिल्याने बाजारात महागाई व अतिरिक्त दबाव कमी होण्याची शक्यता आहे. आंतरराष्ट्रीय बाजारातील व्यापारी संबंध, रशिया युक्रेन वाद, भारत - युएस डील, युएस- चीन व्यापार चर्चा या मुद्यांचा एकत्रित दबाव असला तरी आता अमेरिकेन टेरिफ विवाद संपुष्टात आला होता. त्यामुळे इतर देशांवर अतिरिक्त टेरिफ वाढवण्याच्या निर्णयाला न्यायालयाने हिरवा कंदील दाखवल्याने आता बाजारात संदिग्धता कायम आहे.

परकीय बाजारात एस अँड पी ५०० फ्युचर निर्देशांक ०.३% ने घसरला आहे तर आशियाई बाजारात निकेयी (NIKKEI 225)०.६१% व हेंगसेंग (Heng Seng) ०.३८ पातळीवर घसरला होता. आज शेअर बाजारातील वीआयएक्सची हालचाल पाहता अखेरच्या सत्रात बाजार कुठल्या दिशेने वाटचाल करेल हे पाहणे महत्त्वाचे ठरणार आहे.
Comments
Add Comment

मनोज जरांगे असलेल्या लिफ्टचा अपघात, लिफ्ट जमिनीवर कोसळली

बीड : मराठा नेते मनोज जरांगे पाटील ज्या लिफ्टमध्य होते त्या लिफ्टचा अपघात झाला. लिफ्ट जमिनीवर धाडकन कोसळली. मनोज

युगेंद्र पवारांचा साखरपुडा, मुंबईत पवार कुटुंब एकत्र

मुंबई : काही दिवसांपूर्वी अजित पवार यांचे पुत्र जय पवार यांच्या पुण्यात साखरपुडा झाला. आता अजित पवार यांचे भाऊ

'हिंदूंना बदनाम करण्याचा काही राजकारण्यांचा कट'

मुंबई : काँग्रेस आणि राष्ट्रवादी काँग्रेस शरदचंद्र पवार या दोन्ही पक्षांच्या निवडक नेत्यांनी हिंदूंना बदनाम

मुंबईत अपघात; कार उलटली, दुभाजक ओलांडून पलिकडच्या रस्त्यावर गेली आणि...

मुंबई : रविवार म्हणजे अनेकांसाठी सुटीचा, विश्रांतीचा दिवस. यामुळे मुंबईकर निवांत असतात. पण आजच्या रविवारची

श्री तुळजाभवानी मंदिरातील तलवार चोरीच्या बातम्या खोट्या, अफवांवर विश्वास ठेवू नका!

धाराशिव : श्री तुळजाभवानी मंदिरात सध्या जतन,संवर्धन व विविध विकासकामे मोठ्या प्रमाणावर सुरू असून,या अनुषंगाने

पाकिस्तानमधून आरडीएक्सने राम मंदिर उडवण्याचा मेसेज; गुन्हा दाखल

बीड : उत्तर प्रदेशातील अयोध्येतील श्री राम मंदिर उडवण्याचा मेसेज थेट पाकिस्तानातून बीड जिल्ह्यातील एका तरुणाला