ऑस्ट्रेलिया आणि दक्षिण आफ्रिका यांच्यात ११ जून २०२५ पासून लॉर्ड्स येथे जागतिक कसोटी अजिंक्यपद स्पर्धेचा अंतिम सामना अर्थात WTC Final होणार आहे. या निमित्ताने होणाऱ्या विशेष सोहळ्यातच अँडरसन-तेंडुलकर ट्रॉफीचे उद्घाटन होणार आहे. या सोहळ्याला इंग्लंडचा जेम्स अँडरसन आणि भारताचा दिग्गज क्रिकेटपटू सचिन तेंडुलकर उपस्थित राहणार असल्याचे वृत्त आहे.
जेम्स अँडरसनने कसोटी क्रिकेटमध्ये १८८ सामने खेळून ७०४ बळी घेतले आहेत. तर सचिन तेंडुलकरने कसोटी क्रिकेटमध्ये २०० सामने खेळून १५ हजार ९२१ धावा केल्या आहेत. यात ५१ शतके आणि ६८ अर्धशतकांचा समावेश आहे. अँडरसनने १४ कसोटी सामन्यांमध्ये सचिनला नऊ वेळा बाद केले होते. १९८९ ते २०२४ या कालावधीत सचिन आणि अँडरसन यांनी एकत्रितपणे ३८८ कसोटी सामने खेळले. यामुळेच ट्रॉफीला अँडरसन-तेंडुलकर ट्रॉफी असे नाव देण्याचा निर्णय झाला आहे.
इंग्लंड विरुद्ध भारत पाच कसोटी सामन्यांची मालिका २०२५
पहिली कसोटी २० ते २४ जून - हेडिंग्ले, लीड्स
दुसरी कसोटी २ ते ६ जुलै - एजबॅस्टन, बर्मिंगहॅम
तिसरी कसोटी १० ते १४ जुलै - लॉर्ड्स, लंडन
चौथी कसोटी २३ ते २७ जुलै - एमिरेट्स ओल्ड ट्रॅफर्ड, मँचेस्टर
पाचवी कसोटी ३१ जुलै ते ४ ऑगस्ट - केनिंग्टन ओव्हल, लंडन