रेल्वेची विविध कामे करण्यासाठी रेल्वे प्रशासनाचा निर्णय
मुंबई : मध्य रेल्वे, मुंबई विभागाने रविवार दि. ८ जून रोजी विविध अभियांत्रिकी आणि देखभालीची कामे करण्यासाठी त्यांच्या उपनगरीय विभागांवर मेगा ब्लॉक घेण्यात येणार आहे.विद्याविहार आणि ठाणे स्थानकांदरम्यान सकाळी ८.०० ते दुपारी १.३० पर्यंत ५ व्या आणि ६ व्या मार्गावर मेगाब्लॉक घेण्यात येणार आहे.
यामुळे पुढील अप मेल/ एक्सप्रेस गाड्या ठाणे येथे अप जलद मार्गावर वळवण्यात येतील. लोकमान्य टिळक टर्मिनस येथे जाणाऱ्या गाड्या विद्याविहार स्थानकावर सहाव्या मार्गावर पुन्हा वळवण्यात येतील. पुणे - छत्रपती शिवाजी महाराज टर्मिनस सिंहगड एक्सप्रेस, पुणे- छत्रपती शिवाजी महाराज टर्मिनस डेक्कन क्वीन, पटना- लोकमान्य टिळक टर्मिनस एक्सप्रेस, काकीनाडा- लोकमान्य टिळक टर्मिनस एक्सप्रेस, पुणे- छत्रपती शिवाजी महाराज टर्मिनस प्रगती एक्सप्रेस, नागपूर - छत्रपती शिवाजी महाराज टर्मिनस एक्सप्रेस, सोलापूर- छत्रपती शिवाजी महाराज टर्मिनस वंदे भारत एक्सप्रेस, बनारस- लोकमान्य टिळक टर्मिनस एक्सप्रेस, हावडा- छत्रपती शिवाजी महाराज टर्मिनस एक्सप्रेस, हटिया -लोकमान्य टिळक टर्मिनस एक्सप्रेस, सोलापूर -छत्रपती शिवाजी महाराज टर्मिनस वंदे भारत एक्सप्रेस तर पुढील डाउन मेल/एक्सप्रेस गाड्या विद्याविहार स्टेशनवर डाउन जलद मार्गावर वळवल्या जातील आणि पाचव्या मार्गावर ठाणे येथे पुन्हा वळवल्या जातील. यामध्ये लोकमान्य टिळक टर्मिनस- गोरखपुर एक्सप्रेस, लोकमान्य टिळक टर्मिनस- जयनगर एक्सप्रेस, लोकमान्य टिळक टर्मिनस -तिरुवनंतपुरम नेत्रावती एक्सप्रेस, लोकमान्य टिळक टर्मिनस- काकीनाडा एक्सप्रेस या गाड्या वळवण्यात येतील.
हार्बर लाईन ब्लॉक विभागाने पनवेल येथून छत्रपती शिवाजी महाराज टर्मिनस येथे जाणाऱ्या अप हार्बर लाईनवरील सेवा सकाळी १०.३३ ते दुपारी ३.४९ पर्यंत आणि छत्रपती शिवाजी महाराज टर्मिनस येथून पनवेल/बेलापूर येथे जाणाऱ्या डाउन हार्बर लाईनवरील सेवा सकाळी ९.४५ ते दुपारी ३.१२ पर्यंत रद्द राहतील.
ट्रान्स हार्बर लाईन ब्लॉक विभागाने पनवेल येथून ठाणे येथे जाणारी अप ट्रान्स- हार्बर लाईन सेवा ११.०२ ते १५.५३ पर्यंत आणि ठाणे येथून पनवेल येथे जाणारी डाउन ट्रान्स-हार्बर लाईन सेवा १०.०१ ते १५.२० पर्यंत रद्द राहतील. यावेळी छत्रपती शिवाजी महाराज टर्मिनस मुंबई- वाशी विभागात विशेष लोकल चालवल्या जातील. ब्लॉक काळात
ठाणे- वाशी/ नेरूळ स्थानकांदरम्यान ट्रान्स- हार्बर लाईन सेवा उपलब्ध असतील. ब्लॉक काळात बेलापूर/ नेरूळ आणि उरण स्थानकांदरम्यान पोर्ट लाईन सेवा उपलब्ध असतील. पायाभूत सुविधांच्या देखभाल दुरुस्ती आणि सुरक्षिततेसाठी हे मेगाब्लॉक घेण्यात येणार आहेत.