पोलिसांनी दिलेल्या माहितीनुसार, तीन दलित मुलांवर एका मुलीला अश्लील संदेश पाठवल्याचा आरोप करण्यात आला. मुलांची बाजू ऐकून घेण्याऐवजी त्यांना खांबाला बांधून बेदम चोपण्यात आले. दोरी, चप्पल आणि काठ्यांनी बेदम मारहाण करण्यात आली.
पोलिसांनी हरोगेरी गावातील घटनेप्रकरणी एससी/एसटी (अत्याचार प्रतिबंधक) कायदा आणि भारतीय न्याय संहितेच्या कलमांखाली गुन्हा नोंदवला आहे. आतापर्यंत आठ जणांना अटक करण्यात आली आहे, तर शुक्रवारी आणखी चार आरोपींना अटक करण्यात आली आहे. अनेक आरोपी अजूनही फरार आहेत. पोलिसांनी POCSO कायद्यांतर्गत ३० जणांविरोधात स्वतंत्र गुन्हा नोंदवला आहे.