मुंबई: अंजीरामध्ये मोठ्या प्रमाणात पोषकतत्वे असतात. हे केवळ एक ड्रायफ्रुट्सच नाही तर सुपरफूड आहे. खासकरून उन्हाळ्यामध्ये अंजीर शरीराला थंड, ऊर्जा आणि अनेक प्रकारचे फायदे मिळवून देते. तुम्ही सुके अथवा ओले कसेही अंजीर खाऊ शकता. मात्र ड्रायफ्रुट्सच्या रूपात हे भिजवून खाल्ल्यास याचे अनेक फायदे मिळतात.
यासाठी तुम्ही अंजीर रात्रभर पाण्यात भिजत ठेवा आणि सकाळी रिकाम्या पोटी खा. तुम्ही अंजीर दुधात उकळूनही खाऊ शकता. जर तुम्हाला डायबिटीजचा त्रास असेल तर खाण्याआधी डॉक्टरांचा सल्ला जरूर घ्या.
जाणून घ्या अंजीरचे फायदे
पचनक्षमता सुधारते
अंजीरमध्ये फायबरचे प्रमाण अधिक असते यामुळे पाचशक्ती सुधारण्यास मदत होते. अंजीर बद्धकोष्ठता, अपचन, गॅस आणि पोटदुखीसारख्या समस्यांपासूनही दिलासा देते.
हाडे होतात मजबूत
अंजीरमध्ये कॅल्शियम फॉस्फरस, मॅग्नेशियम सारखी पोषकतत्वे असतात. यामुळे हाडे मजबूत राहण्यास मदत होते.
रोगप्रतिकारक क्षमता वाढते
अंजीरामध्ये अँटीऑक्सिडंट असतात यामुळे शरीराचा फ्री रॅडिकल्सपासून बचाव होतो. तसेच रोगप्रतिकारक क्षमता वाढते.
वजन कमी करण्यात फायदेशीर
अंजीरमध्ये कॅलरीजचे प्रमाण कमी आणि फायबर अधिक असतात. यामुळे वजन कमी करण्यास मदत होते. भिजवलेले अंजीर खाल्ल्याने वजन कमी होण्यास मदत होते. कारण यात फायबर असते.