निर्यातदारांशी संबंध मजबूत करण्यासाठी एक महत्वपूर्ण पाऊल
मुंबई : आंतरराष्ट्रीय पोस्टल (डाक) लॉजिस्टिक्स वाढविण्यासाठी आणि निर्यातदारांशी संबंध मजबूत करण्यासाठी एक महत्त्वपूर्ण पाऊल म्हणून, महाराष्ट्र पोस्टल सर्कलने मंगळवारी मुंबईतील मॅरियटच्या अझूर फेअरफील्ड येथे इंडिया पोस्ट : एक्स्पो सिम्पोजियमचे आयोजन केले.
जागतिक ई-कॉमर्स आणि सीमापार व्यापाराच्या वाढीसह, विशेषतः लघु आणि मध्यम उद्योगांमध्ये (एसएमई) या संगोष्ठीने आंतरराष्ट्रीय निर्यात आणि लॉजिस्टिक्स इकोसिस्टममधील प्रमुख भागधारकांना एकत्र आणून सहयोगी वाढीच्या संधींचा शोध घेतला.
संवाद आणि नवोन्मेषासाठी एक गतिमान व्यासपीठ म्हणून आयोजित केलेल्या या कार्यक्रमामुळे भारतीय डाक विभागाला मोठ्या प्रमाणात निर्यातदारांशी थेट संपर्क साधता आला आणि ईएमएस (स्पीड पोस्ट सर्व्हिस), इंटरनॅशनल ट्रॅक्ड पॅकेट आणि इंटरनॅशनल बिझनेस पार्सल यासह त्यांच्या अत्याधुनिक जागतिक वितरण सेवा प्रदर्शित करता आल्या. यावेळी अमिताभ सिंह मुख्य पोस्टमास्टर जनरल, महाराष्ट्र सर्कल; आर के मिश्रा, परराष्ट्र व्यापार महासंचालनालय; सुश्री केया अरोरा, संचालक डाक सेवा, मुंबई क्षेत्र, सुश्री सिमरन कौर, संचालक डाक सेवा (मुख्यालय) मुंबई आणि अभिजीत इचके, संचालक डाक सेवा, नवी मुंबई क्षेत्र या मान्यवरांनी या कार्यक्रमाला उपस्थिती लावली.
या कार्यक्रमात बोलताना, महाराष्ट्र सर्कलचे मुख्य पोस्टमास्टर जनरल अमिताभ सिंह यांनी जागतिक बाजारपेठेत नेव्हिगेट (संचार) करणाऱ्या भारतीय व्यवसायांसाठी सर्वात विश्वासार्ह आणि सुलभ निर्यात लॉजिस्टिक्स भागीदार बनण्याच्या संस्थेच्या ध्येयावर भर दिला. ते पुढे म्हणाले, भारतीय डाक विभाग आधुनिक निर्यातदारांच्या गरजांनुसार टप्प्याटप्प्याने विकसित होत आहे. एक्स्पो सिम्पोजियम आंतरराष्ट्रीय व्यापार लॉजिस्टिक्समधील अंतर भरून काढण्यासाठी आणि एसएमई क्षेत्राला सक्षम करण्यासाठी भारतीय डाक विभागाच्या वचनबद्धतेवर प्रकाश टाकते.