नागपूर : समृद्धी महामार्गावर मध्यरात्रीच्या सुमारास एक भीषण अपघात घडला. भरधाव वेगात असलेली कार नागपूर कॉरिडॉरवरील डोणगावजवळ ट्रकला मागून जोरात धडकली. या भीषण धडकेत कारचा अक्षरशः चुराडा झाला असून चालकाचा जागीच मृत्यू झाला आहे. मृत व्यक्तीची ओळख भूषण बळीराम मगर (रा. मानका, जिल्हा वाशिम) अशी आहे. ते छत्रपती संभाजीनगरहून वाशिमकडे परतत होते.
हिंगोलीतील एक प्रमुख नेता शरद पवारांची साथ सोडणार, हातात घालणार अजित पवारांचे घडयाळ! हिंगोली: गेल्या काही वर्षांमध्ये महाराष्ट्रात पक्ष फोडाफोडीची ...
प्राथमिक तपासानुसार, चालकाला डुलकी आल्यामुळे वाहनाचा ताबा सुटून हा अपघात घडल्याची शक्यता वर्तवण्यात येत आहे. अपघातानंतर काही काळ महामार्गावरील वाहतूक विस्कळीत झाली होती. घटनास्थळी पोलीस आणि आपत्कालीन पथकाने तत्काळ धाव घेतली आणि परिस्थिती नियंत्रणात आणली. ही घटना पाहता, समृद्धी महामार्गासारख्या उच्चगती मार्गांवर वाहनचालकांनी वेगावर नियंत्रण ठेवणे आणि प्रवासादरम्यान योग्य विश्रांती घेणे किती आवश्यक आहे, हे पुन्हा एकदा अधोरेखित झाले आहे.