मुलांच्या धाडसामुळे आई बिबट्याच्या हल्ल्यातून बचावली
अकोले :अकोले तालुक्यातील देवठाण गावातील काळे वस्तीवर भक्ष्याच्या शोधार्थ बिबट्या घरात घुसला व घरातील मायलेकावर हल्ला केल्याची खळबळ जनक घटना गुरुवारी राञी दिड वाजन्याच्या सुमारास घडली.दोन्ही मुलांच्या धाडसा मुळे आई बिबट्याच्या हल्यातून बचावली.या घटने मुळे देवठाण व परीसरात घबराटीचे वातावरण पसरले आहे.
किसनाबाई रामहारी काळे (वय -५७) व वैभव रामहारी काळे ( वय २७)अशी बिबट्याच्या हल्ल्यात जखमी झालेल्या व्यक्तींची नावे आहेत. देवठाण येथील पाटाच्या कडेला असणाऱ्या काळे वस्तीवरील घरात रात्री जेवणानंतर सर्व जन झोपलेले होते. रात्री दीड वाजेच्या सुमारास मांजराच्या मागे बिबट्या लागला.तो दरवाजा तोडून थेट घरात गेला.घराचे दरवाजाचा आवाज आल्यामुळे किसनाबाई या उठल्या.त्यांनी बिबट्या पाहिल्या वर आरडा ओरडा केला. त्यामुळे त्यांची मुले उठली.त्यांनी आई किसनाबाई हिचे वर सुरू असणारा बिबट्याचा हल्ला परतावून लावला.पण या हल्ल्यात बिबट्याचा पंजा लागल्याने किसनाबाई यांचे डोक्याला गंभीर इजा झाली आहे.डोक्यातून मोठा रक्तस्राव वाहत होता.
उपचारा नंतर त्यांच्या डोक्याला दहा टाके पडले आहेत तर वैभवच्या पाठीवर व हाताला बिबट्याचा दात लागल्याने तोही जखमी झाला.या सर्व गोंधळात बिबट्या काही वेळ घरातील आतील खोली मध्ये शिरला.काही वेळ घरात थांबून होता. नंतर त्याने तेथून अलगद पोबारा केला.या घटनेची माहिती देवठाण गावचे माजी सरपंच व माजी पंचायत समिती सदस्य अरुण शेळके यांना मिळताच त्यांनी अकोले वनविभागाचे धिंदळे यांना फोन केला.त्यानंतर लगेचच धिंदळे व त्यांचे सहकारी अर्ध्या तासात घटनास्थळी दाखल झाले. त्यांनी घटनास्थळ व परिसराची पाहणी केली.
जखमींना प्रथमोउपचारासाठी किसनाबाई रामहारी काळे व वैभव रामहारी काळे यांना देवठाण प्राथमिक आरोग्य केंद्रात दाखल करुन नंतर नाशिक येथिल सिव्हिल रूग्णालयात येथे हलवण्यात आले होते. तेथून अकोले येथील डॉ. भांडकोळी हॉस्पटल मध्ये दाखल करण्यात आले आहे.बिबट्याच्या या हल्ल्यामुळे देवठाण गाव व वस्ती परिसरात घबराट निर्माण झाली आहे. किसनाबाई रामहारी काळे व वैभव रामहारी काळे यांना वनविभागाकडुन तातडीने उपचार व मदत मिळावी पाहिजे व काळे वस्तीवर तातडीने पिंजरा लावावा अशी मागणी देवठाण ग्रामस्थांनी केली आहे.