पालघर : मुंबई अहमदाबाद राष्ट्रीय महामार्गावर वाडा खडकोना परिसरात तीन वाहनांमध्ये झालेल्या विचित्र अपघातात तिघांचा मृत्यू झाला असून दोन प्रवासी गंभीर जखमी झाले आहेत.ही घटना शनिवारी दुपारी १२ वाजता घडली आहे.
मुंबई अहमदाबाद महामार्गावरील मुंबई वाहिनीवर प्रवास करणाऱ्या प्रवासी कार चालकाने वाडा खडकोना गावाच्या हद्दीत समोर असणाऱ्या एका कंटेनरला जोरदार धडक दिली. यावेळी मागून येणाऱ्या अवजड वाहनाने कारला मागून धडक दिली. त्यामुळे अपघातग्रस्त कार दोन वाहनांच्या मध्ये चिरडल्या गेले. या घटनेत तिघांचा दुर्दैवी मृत्यू झाला आहे. अपघात ग्रस्त वाहनात अडकलेल्या प्रवाशाला काढण्यासाठी परिसरातील नागरिकांना व पोलिसांना कटरचा वापर करावा लागला.
अपघाताच्या या घटनेत ग्लोरिया वलेस (७३), क्लायटोन वलेस (४३), फबोलिया वलेस (४५) या तिघांचा मृत्यू झाला आहे. मनोर पोलीस ठाणे हद्दीत हा अपघात घडला असून मनोर पोलिस पुढील कारवाई करीत आहेत.