जालिंदर सुपेकरांची गृहरक्षक दलात बदली

पुणे : वैष्णवी हगवणे प्रकरणात आरोपींना मदत करणारे पोलीस अधिकारी म्हणून जालिदर सुपेकर यांच्यावर टीका होत आहे. या पार्श्वभूमीवर विशेष पोलीस महानिरीक्षक कारागृह विभाग जालिंदर सुपेकर यांची बदली करण्यात आली आहे. आता त्यांची नियुक्ती गृहरक्षक दलात उपमहासमादेशक या पदावर करण्यात आली आहे.

जालिंदर सुपेकर हे वैष्णवीचा पती शशांक हगवणेचे मामा आहेत. हगवणे बंधुंना म्हणजेच शशांक आणि सुशील या दोघांना पुणे ग्रामीण पोलिसांकडून शस्त्र परवाना मिळत नव्हता. अखेर दोघांनी बनावट पत्त्याची कागदपत्रे तयार करुन पुणे शहर पोलिसांकडे शस्त्र परवान्यासाठी अर्ज केला. दोघांचे अर्ज मंजूर व्हावे यासाठी पडद्यामागून जालिंदर सुपेकर यांनीच हालचाल केली होती. तसेच कारागृह विभागात अधिकारी म्हणून कार्यरत असताना सुपेकर यांनी कैद्यांसाठी खरेदी करायच्या वस्तूंच्या व्यवहारात कोट्यवधी रुपयांचा घोटाळा केल्याचा आरोप होत आहे. या पार्श्वभूमीवर विशेष पोलीस महानिरीक्षक कारागृह विभाग जालिंदर सुपेकर यांची गृहरक्षक दलात उपमहासमादेशक या पदावर बदली झाली आहे.

याआधी सुपेकरांकडे कारागृह विभागाच्या तीन अंतर्गत विभागांचा अतिरिक्त कारभार दिलेला होता. हा कारभार राज्य शासनाने दोन दिवसांपूर्वीच काढून घेतला होता. आता त्यांची बदली करण्यात आली आहे. सुपेकर हे पोलीस महानिरीक्षक दर्जाचे अधिकारी आहेत. त्यांची बदली करताना त्यांना त्यांच्या मूळ विभागात राज्य पोलीस दलात पाठवण्यात आलेले नाही. तसेच त्यांची पदावनती करुन त्यांना उप महासमादेशक पद देण्यात आले आहे.

शस्त्र परवान्यासाठी बनावट कागदपत्रे सादर करुन फसवणूक केल्याप्रकरणी वैष्णवी हगवणेचा पती शशांक विरोधात वारजे आणि दीर सुशील विरोधात कोथरूड पोलीस ठाण्यात फसवणुकीचा गुन्हा नोंदवण्यात आला आहे. या प्रकरणात स्थानिक पोलीस ठाण्याचे अधिकारी हेच फिर्यादी आहेत. पोलिसांनी शशांक आणि सुशीलचा शस्त्र परावाना रद्द करण्याची प्रक्रिया सुरू केली आहे. पोलिसांनी हगवणे कुटुंबाचा नातलग नीलेश चव्हाण याचाही शस्त्र परवाना रद्द करण्याची प्रक्रिया सुरू केली आहे. शशांक, सुशील आणि नीलेश या तिघांचे शस्त्र पोलिसांनी जप्त केले आहे. नीलेशला नेपाळ सीमेजवळ अटक करण्यात आली आहे.
Comments
Add Comment

अमेरिका-चीन भेटीआधीच ड्रॅगनची डरकाळी! गरज पडल्यास बळाचा वापर करण्यासही मागेपुढे पाहणार नाही, चीनची अमेरिकेला स्पष्ट धमकी

ट्रम्प यांच्यासोबतच्या भेटीपूर्वी चीनचे राष्ट्राध्यक्ष शी जिनपिंग झाले आक्रमक बीजिंग: अमेरिकेचे

'द ताज स्टोरी' वादात! हायकोर्टाचा तातडीच्या सुनावणीस नकार; काय आहे नेमकं प्रकरण?

नवी दिल्ली : अभिनेते परेश रावल यांची प्रमुख भूमिका असलेला आगामी चित्रपट 'द ताज स्टोरी' प्रदर्शनापूर्वीच वादाच्या

Maharashtra Local Body Election : १० नोव्हेंबरआधी आचारसंहिता लागू होणार? मोठी अपडेट आली समोर

मुंबई : महाराष्ट्रातील स्थानिक स्वराज्य संस्थांच्या निवडणुकांसंदर्भात एक अत्यंत महत्त्वपूर्ण आणि मोठी माहिती

Narayan Rane : 'कोण आदित्य ठाकरे?' "बाळासाहेबांनंतर शिवसेना राहिली नाही! नारायण राणेंचा उद्धव गटावर हल्लाबोल

चिपळूण : भाजप खासदार नारायण राणे (Narayan Rane) यांनी आज चिपळूण दौऱ्यादरम्यान शिउबाठा नेतृत्वावर अत्यंत कडक शब्दांत टीका

Police Encounter : इतिहासातील सर्वात मोठ्या एन्काऊंटरचा थरार! एका रात्रीत ६४ गुंडांचा खात्मा, कारवाईने देश हादरला

साओ पावलो, ब्राझील : एक काळ असा होता जेव्हा मुंबईत अंडरवर्ल्डची मोठी दहशत होती. ही दहशत मोडून काढण्यासाठी प्रदीप

Donald Trump : "पंतप्रधान मोदींबद्दल अत्यंत आदर", लवकरच भारतासोबत मोठा व्यापार करार करणार डोनाल्ड ट्रम्प यांची घोषणा

सियोल : अमेरिकेचे राष्ट्राध्यक्ष डोनाल्ड ट्रम्प यांनी लवकरच भारतासोबत मोठा व्यापार करार (Trade Deal) करण्याची घोषणा