Pakistani Spy Arrested : हनी ट्रॅप मध्ये अडकला नेव्हल डॉकचा फिटर, बनला पाकिस्तानी गुप्तहेर

  37

ठाणे: नेव्हल डॉकमध्ये फिटर म्हणून कामाला असलेला कर्मचारी रवी वर्माला पाकिस्तासाठी हेरगिरी (Pakistani Spy in thane) करण्याच्या आरोपाखाली अटक करण्यात आली आहे. रवी वर्मा हा ठाण्यातील कळवा येथे राहणारा असून, हनी ट्रॅप प्रकरणद्वारे त्याने अनेक गोपनीय माहिती पाकिस्तानला दिल्याचा संशय आहे.

ऑपरेशन सिंदूरनंतर पाकिस्तानसाठी हेरगिरी करणाऱ्या गद्दारांच्या शोध कारवाईला युध्दपातळीवर सुरुवात झाली आहे.  या कारवाईत आत्तापर्यंत वेगवेगळ्या राज्यातील हेर ताब्यात घेण्यात आले आहेत. महाराष्ट्रात देखील यासंदर्भात कारवाई करण्यात आली असून, ठाणे जिल्ह्यातील कळवा येथून रवी कुमार वर्मा या हेराला अटक करण्यात आलं आहे. रवी हा नेव्हल डॉकमध्ये फिटर म्हणून कामाला होता. तो वर्षभरापासून फेसबुकच्या माध्यमातून एका महिलेच्या संपर्कात होता. ती मुलगी व्हिडिओच्या माध्यमातून त्याला तिचे अश्लील व्हिडिओ पाठवत असत. ज्यामुळे त्याला हनी ट्रॅपमध्ये अडकवत, त्याच्याकडून अनेक गुप्त माहिती पाकिस्तानी गुप्तचर संघटनेने मिळवली असण्याची शक्यता आहे.

रवी नेवल डॉकमध्ये फिटर म्हणून कामाला असल्याने त्याला संपूर्ण परिसराची माहिती होती. या व्यतिरिक्त तो केरळ, कोची आणि अलिबाग येथे देखील कामानिमित होता. त्यानं या भागातील काही गोपनीय माहिती पाकिस्तानी मुलीला दिली होती.

तपासात काय आढळले?


रवी वर्माची आज (३० मे) पुन्हा एकदा चौकशी करण्यात आली. आत्तापर्यंतच्या तपासात असे आढळून आले की आरोपीने नोव्हेंबर २०२४ ते मार्च २०२५ दरम्यान व्हॉट्सॲप आणि फेसबुकच्या माध्यमातून पाकिस्तानी गुप्तचर अधिकाऱ्यांसोबत एका मोठ्या संघटनेची संवेदनशील माहिती शेअर केली होती. रवी पाकिस्तानमधील दोन फेसबुक अकाऊंटच्या संपर्कात होता. पायल शर्मा आणि इस्प्रीत या नावांची ही पाकिस्तानी खाती आहेत. रवीनं तब्बल १४ पाणबुड्या आणि युद्धनौकांची माहिती या फेसबुक खात्यांना पाठवली होती. युद्धनौका तसेच इतर जहाजाची माहिती आणि चित्रही बनवून पाकिस्तानला पाठवली. तो नोव्हेंबर २०२४ पासून त्यांच्या संपर्कात होता. नेव्हल डॉकमधल्या परिसरात मोबाईल नेण्यास बंदी असल्याने आरोपी रवी युद्धनौकांचे स्ट्रक्चर आणि इतर माहिती लक्षात ठेवत असे. त्यानंतर तो पायल शर्मा आणि इस्प्रीत या अकाउंटला पाठवत असे. रवी ही सर्व माहिती ऑडियो आणि टेक्स्ट स्वरूपात तसेच चित्र काढून पाठवायचा असेही तपासात आढळले आहे. पाकिस्तानी इंटेलिजन्स ऑपरेटिव्हची फेसबुक अकाऊंट असलेल्या पायल शर्मा आणि इस्प्रित या खात्यावरून एका प्रोजेक्टसाठी युद्धनौकांची माहिती हवी आहे, अशी मागणी रवी वर्माकडे होत होती. हनी ट्रॅपमध्ये अडकलेला रवी वर्मा ही माहिती पायल शर्मा आणि इस्प्रितला वारंवार पाठवत होता, असे तपासात आढलले आहे.
Comments
Add Comment

Bangluru News : बंगळूरूत रील बनवता बनवता तोल गेला अन्... थेट १३व्या मजल्यावरून खाली

२० वर्षीय तरुणीचा जागीच मृत्यू बंगळूरू : बंगळुरूमध्ये रील बनवताना एका २० वर्षीय तरुणीचा बांधकाम सुरू असलेल्या

Amitabh Bachchhan : सावधान! 'सायबर ठगी से बचें'...आता फोन केल्यावर बिग बींचा आवाज ऐकू येणार नाही

सरकारकडून सायबर फसवणुकीची कॉलर ट्यून झाली बंद... नवी दिल्ली : बॉलिवूडचे शहेनशाह अमिताभ बच्चन यांचा दमदार आवाज

नववी नापास रिंकू सिंह झाला शिक्षण अधिकारी

लखनऊ : कोलकाता नाईट रायडर्स संघाने २०२५ च्या लिलावात तीन कोटी रुपये मोजून ज्या रिंकू सिंहला आपल्यासोबतच

CBSE 10th Board Exam New Rules : CBSC विद्यार्थ्यांना आधार! सीबीएसई दहावीची परीक्षा २०२६ पासून दोनवेळा घेणार; नव्या नियमांना मंजुरी

नवी दिल्ली : केंद्रीय माध्यमिक शिक्षा बोर्डानं दहावीच्या परीक्षेसंदर्भात महत्वाचा निर्णय घेतला आहे. CBSEच्या

Uttarakhand: रुद्रप्रयागमध्ये अलकनंदा नदीत कोसळली बस, बद्रीनाथ हायवेवर मोठा अपघात

डेहराडून: उत्तराखंडमध्ये रुद्रप्रयाग-बद्रीनाथ हायवेवर घोलतीर जवळ भीषण रस्ते अपघात झाल्याची माहिती समोर येत

Himachal Pradesh: हिमाचलमध्ये ढगफुटी झाल्याने हाहाकार! अचानक आलेल्या पुराने २ जणांचा मृत्यू, २० जण गेले वाहून

मंडी: हिमाचल प्रदेशात बुधवारी ढगफुटी झाल्याने अचानक पूर आला आणि मुसळधार पावसामुळे २ जणांचा मृत्यू झाला. तर २० जण