राहाता : शहरातील नगरपरिषद हद्दीतील मिळकत क्रमांक ३०००६०१ मधील सुमारे १०० ते १२५ वर्षांपूर्वीची असलेली इमारतीची अवस्था अत्यंत वाईट झाल्याने सदरची इमारत केव्हाही कोसळू शकते परिणामी कुठलेही वाईट दुर्घटना घडू शकते त्यामुळे खबरदारी म्हणून नगरपरिषद प्रशासनाने तात्काळ संबंधित मिळकत धारक यांना सदरची इमारत जमीन उध्वस्त करण्याच्या सूचना द्याव्यात तसेच शहरातील इतर अनेक वर्षापासून जीर्ण झालेल्या बांधकामाची प्रशासनाने पाहणी करून संबंधित मिळकत धारकांना खबरदारीचे उपाय घेण्याबाबत सूचना द्याव्यात असे निवेदन शहरातील ग्रामस्थांनी मुख्याधिकारी वैभव लोंढे यांना दिले आहे.
मुख्याधिकारी लोंढे यांना दिलेल्या निवेदनात म्हटले आहे की राहाता शहरातील गावठाण हद्दीतील मिळकत क्रमांक ३०००६०१ व जुना ग्रामपंचायत मिळकत क्रमांक ७५४ मध्ये असलेले इमारतीचे बांधकाम जवळपास शंभर ते सव्वाशे वर्षांपूर्वीचे असल्याने सदरच्या इमारतीची अवस्था ही जीर्ण झाल्याने ही इमारत कुठल्याही क्षणी कोसळू शकते या ठिकाणी हनुमान मंदिर तसेच मज्जित असल्याने शहरातील मोठ्या प्रमाणात नागरिक या ठिकाणी येतात. तसेच हा परिसर वर्दळीच्या ठिकाणी असल्याने येथे नागरिक दैनंदिन कामासाठी रस्त्यावरून ये जा करत असतात. इमारतीची अवस्था अत्यंत जीर्ण झाल्यामुळे सध्याच्या पावसाळ्यात सदर इमारत केव्हाही कोसळू शकते परिणामी या इमारतीमुळे मोठी दुर्घटना घडू शकते.नगरपरिषदेने तात्काळ सदर इमारतीची पाहणी करून संबंधित मिळकत धारकाला सदर इमारत काढून टाकण्याच्या सूचना द्याव्यात तसेच शहरातील अनेक वर्षापासून जीर्ण झालेल्या बांधकामाची प्रशासनाने पाहणी करून संबंधित बांधकाम धारकांना खबरदारीचे उपाय घेण्याच्या सूचना द्याव्यत अशी मागणी व्यापारी असोसिएशनचे अध्यक्ष भाऊसाहेब सदाफळ, राहुल सदाफळ, सागर सदाफळ,जय आग्रे, सुरज गायकर, अँड रामनाथ सदाफळ, सागर बोठे, उत्तम बोठे, योगेश रुईकर, बबनराव गायकवाड व आदी शहरातील ग्रामस्थांनी निवेदनाद्वारे केली आहे.