अभिनेता मुकुल देवचे ५४ व्या वर्षी निधन

मुंबई : मॉडेल आणि अभिनेता म्हणून अनेकांना माहिती असलेल्या मुकुल देवचे ५४ व्या वर्षी निधन झाले. मुकलच्या मृत्यूचे कारण अद्याप समजलेले नाही. हिंदी, पंजाबी आणि दाक्षिणात्य चित्रपटांमधून तसेच टीव्ही मालिकांमधून मुकुलने काम केले होते.

मागील काही दिवसांपासून मुकुल देव आजारी होता. आजारपणाबाबत त्याने कोणतीही माहिती सार्वजनिक केलेली नव्हती. पण आजारी असल्यामुळे मागील काही काळापासून मुकुल सार्वजनिक कार्यक्रमांमध्ये दिसत नव्हता. यामुळे त्याच्या मृत्यूचे कारण हे आजारपण असण्याची शक्यता आहे.

विंदू दारा सिंगने एक्स पोस्ट करुन मुकुल देवच्या निधनाची माहिती दिली. अभिनेत्री दीपशिका नागपाल हिने मुकुलच्या निधनाची बातमी ऐकून स्वतःच्याच कानांवर विश्वास बसत नसल्याची प्रतिक्रिया दिली. अभिनेता मनोज वाजपेयी यानेही मुकुलच्या आकस्मिक निधनाची बातमी ऐकून धक्का बसल्याचे सांगितले.

मुकुलचा जन्म नवी दिल्लीत १७ सप्टेंबर १९७० रोजी झाला. त्याने हिंदी, पंजाबी, तेलुगू, तामीळ, कन्नड, बंगाली आणि मल्याळम चित्रपटांमध्ये तसेच टीव्ही मालिकांमध्ये अभिनेता म्हणून काम केले आहे. त्याच्या अभिनय क्षेत्रातील कारकिर्दीची सुरुवात १९९६ मध्ये 'मुमकिन' या टीव्ही मालिकेतून झाली होती. त्याने सुष्मिता सेनसोबत 'दस्तक' या चित्रपटातून चित्रपटसृष्टीत पदार्पण केले होते. यमला पगला दीवाना, सन ऑफ सरदार, आर... राजकुमार आणि जय हो या चित्रपटांमध्ये तो दिसला होता.

दिल्लीतील सेंट कोलंबा स्कूलमधून पदवीधर झालेल्या मुकुलने रायबरेली येथील इंदिरा गांधी इन्स्टिट्यूट ऑफ एव्हिएशनमधून वैमानिक अर्थात पायलट हा अभ्यासक्रम केला होता. नंतर चित्रपटसृष्टीत तो कलाकार म्हणून स्वतःची ओळख निर्माण करू शकला. मुकुलने २१ सरफरोश - सारागढी १८९७ मध्ये अभिनय केला होता.
Comments
Add Comment

‘इंडियन आयडॉल : यादों की प्लेलिस्ट’ ला मराठी मनोरंजन क्षेत्रातील प्रियदर्शिनी इंदळकर आणि नम्रता संभेराव यांचा भरभरून प्रतिसाद!

मुंबई: सोनी एंटरटेनमेंट टेलिव्हिजन, भारतातील सर्वाधिक लोकप्रिय मनोरंजन वाहिन्यांपैकी एक असून पुन्हा एकदा

'क्यों की सास भी कभी बहू थी-पर्व २' लवकरच होणार बंद! चाहत्यांची भावनिक प्रतिक्रिया

मुंबई: टीव्ही जगतातील चर्चेत असलेली एकता कपूरची लोकप्रिय मालिका ‘क्यों की सास भी कभी बहू थी – सीझन 2’ सध्या

कलर्स मराठीच्या प्रेक्षकांना मिळणार नव्या मालिकेची मेजवानी! सुचित्रा बांदेकर, विनायक माळी घेऊन येत आहेत ‘मच्छीका पानी’

मुंबई: मराठी प्रेक्षकांच्या मनोरंजनात भर घालण्यासाठी मराठीतील दैनंदिन मालिका महत्त्वाची भूमिका निभावतात.

'द ताज स्टोरी' वादात! हायकोर्टाचा तातडीच्या सुनावणीस नकार; काय आहे नेमकं प्रकरण?

नवी दिल्ली : अभिनेते परेश रावल यांची प्रमुख भूमिका असलेला आगामी चित्रपट 'द ताज स्टोरी' प्रदर्शनापूर्वीच वादाच्या

अभिनेत्री सुपर्णा श्याम लवकरच मोठ्या पडद्यावर! नोव्हेंबरमध्ये प्रदर्शित होणार नवा चित्रपट

मुंबई: छोट्या पडद्यावरील ‘दुहेरी’ या मालिकेतून अल्पावधीत घराघरांत सुपरिचित झालेली अभिनेत्री सुपर्णा श्याम

मराठी मालिका विश्वातील लोकप्रिय जोडी होणार विभक्त? सोशल मीडीयावरील सोबतचे फोटो केले डिलीट

मुंबई: 'जीव माझा गुंतला' या मालिकेतून घराघरात पोहोचलेली लोकप्रिय जोडी म्हणजे योगिता आणि समीर चौगुले यांनी एक