पाकिस्तानमध्ये पाण्यावरुन दंगल, सिंध प्रांताच्या गृहमंत्र्यांचे जाळले घर

  123

इस्लामाबाद : पाकिस्तानमध्ये पाण्यावरुन दंगली पेटण्यास सुरुवात झाली आहे. सिंध प्रांतात नागरिकांनी राज्याच्या गृहमंत्र्यांचे घर जाळले. बंगला जाळण्याआधी नागरिकांनी गृहमंत्र्यांचा घरातल्या अनेक वस्तू लुटल्या अथवा त्यांची तोडफोड केली.

पहलगाममध्ये पाकिस्तान पुरस्कृत अतिरेक्यांनी हल्ला केला. या हल्ल्यानंतर भारताने पाकिस्तान सोबतचा सिंधू नदी पाणी वाटप करार स्थगित केला आहे. करार स्थगित झाला तरी मर्यादीत प्रमाणात नदीचे पाणी आजही पाकिस्तानला मिळत आहे. या उपलब्ध पाण्याचे व्यवस्थापन करण्याचे कारण देत पाकिस्तान सरकारने सिंधू नदीवर ६ कालवे बांधण्याचा प्रकल्प तयार केला आहे. या कालव्यांमुळे सिंधू नदीतून मिळणारे जास्तीत जास्त पाणी पाकिस्तानमधील पंजाब प्रांताकडे वळवले जाणार आहे. पाकिस्तान सरकार करत असलेल्या या भेदभावामुळे सिंध प्रांतातील नागरिकांचा संताप अनावर झाला आहे.

सिंध प्रांताच्या सरकारने विरोध केला नाही म्हणून पाकिस्तान सरकारने पंजाबच्या हितांचे रक्षण करणारा कालवा प्रकल्प तयार केल्याचा आरोप स्थानिक करत आहेत. सिंध प्रांतात सिंधचे सरकार आणि पाकिस्तान सरकार विरोधात निषेधाचे मोर्चे निघू लागले आहेत. अनेकांनी आंदोलन सुरू केले आहे. आंदोलकांनी सिंधचे गृहमंत्री झियाउल हसन लांजर यांचे नौशहरो फिरोज जिल्ह्यातील घर जाळले. जाळण्याआधी नागरिकांनी गृहमंत्र्यांचा घरातल्या अनेक वस्तू लुटल्या अथवा त्यांची तोडफोड केली. घराबाहेर पार्क केलेली सर्व वाहने नागरिकांनी जाळली.

पाकिस्तान सरकार सिंधू नदीवर सहा कालवे बांधून उपलब्ध पाणीसाठ्यातील जास्तीत जास्त साठा पंजाब प्रांताकडे वळवणार आहे. या कालव्यांद्वारे चोलिस्तानमधील सिंचन व्यवस्था मजबूत करण्याचा प्रयत्न केला जात आहे. पाकिस्तान सरकारच्या या योजनेवरुन पाकिस्तान पीपल्स पार्टी आणि पाकिस्तान मुस्लीम लीग - नवाझ गट हे दोन राष्ट्रीय पक्ष आमनेसामने आहेत. सिंध प्रांतातील इतर राजकीय पक्षांनीही पाकिस्तान सरकारच्या कालव्यांच्या योजनेला विरोध केला आहे.
Comments
Add Comment

दक्षिण कोरियात शाळेत मोबाईल वापरण्यावर बंदी

सियोल : दक्षिण कोरियामध्ये शाळेत मोबाईल वापरण्यावर बंदी घालणारे विधेयक मंजूर झाले आहे. मार्च २०२६ पासून हा कायदा

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या