पाकिस्तानचा झेंडा विकणा-या Amazon–Flipkart ला सरकारचा दणका
नवी दिल्ली : देशाच्या आत्मसन्मानाशी खेळ करणा-या ई-कॉमर्स कंपन्यांवर आता सरकारने थेट कारवाईचा बडगा उगारला आहे. Amazon India, Flipkart, UBuy India, Etsy, The Flag Company आणि The Flag Corporation या नामांकित ऑनलाईन कंपन्यांना पाकिस्तानी झेंड्याच्या विक्रीसंदर्भात केंद्रीय ग्राहक संरक्षण नियामक म्हणजेच CCPA (Central Consumer Protection Authority) कडून नोटीस बजावण्यात आली आहे. या कंपन्यांना अशा सर्व वस्तू तात्काळ हटवण्याचे निर्देश देण्यात आले आहेत.
"अशा असंवेदनशीलतेला माफ नाही!" - ग्राहक संरक्षण मंत्री प्रल्हाद जोशी
ग्राहक संरक्षण मंत्री प्रल्हाद जोशी यांनी ट्विटर/X वरून स्पष्ट इशारा दिला, “ई-कॉमर्स प्लॅटफॉर्म्सवर अशा देशविरोधी उत्पादनांची विक्री सहन केली जाणार नाही. अशा सर्व गोष्टी तत्काळ हटवा व देशाच्या कायद्यांचा आदर करा.”
या वक्तव्याने सरकारचा कणा किती मजबूत आहे, हे पुन्हा एकदा अधोरेखित झालं आहे.
मुंबई : ‘सार्वजनिक सेवा’ ही केवळ कागदावरच उरली आहे का? BEST प्रशासनाने ९ मेपासून बसभाड्यात अचानक वाढ केल्यानंतर, प्रवाशांनी बेस्टकडे थेट पाठ फिरवली आहे. ...
पाकिस्तानशी कनेक्शन?
ही कारवाई जम्मू-काश्मीरमधील पहलगाम येथील हल्ल्यानंतर करण्यात आली आहे. या हल्ल्यात २६ निष्पाप भारतीयांचे प्राण गेले. देशात संतापाची लाट उसळली असताना, काही ई-कॉमर्स कंपन्यांवर पाकिस्तानी झेंडे आणि चिन्हं विक्रीसाठी उपलब्ध असल्याचे उघड झाले. ही बाब देशवासीयांच्या जखमेवर मीठ चोळणारी ठरली.
CCPA चा आदेश – एक स्पष्ट इशारा!
CCPA ने स्पष्ट सांगितले की, देशाच्या भावना दुखावणारी कोणतीही वस्तू ऑनलाईन विक्रीसाठी ठेवली जाणार नाही.
ही कारवाई म्हणजे केवळ नोटीस नव्हे, तर ई-कॉमर्स कंपन्यांसाठी कडक इशारा आहे की, त्यांच्या प्लॅटफॉर्मवर कुठलीही राष्ट्रविरोधी, आक्षेपार्ह सामग्री सापडल्यास सरकारकडून कठोर कारवाई अनिवार्य आहे.
राष्ट्रभावना आणि कायद्याचे उल्लंघन
पाकिस्तानी झेंडा ही केवळ वस्तू नाही, तर भारतासाठी तो एक भावनिक जखम आहे. अशा वस्तूंची विक्री जरी ती थेट राष्ट्रद्रोह न ठरली, तरीही ती शत्रुत्वाची भावना भडकवणारी ठरू शकते. त्यामुळे या कृतीला सरकारने वेळेवर लगाम घालणं आवश्यक होतं, आणि ते केलं गेलं आहे.
ई-कॉमर्स कंपन्यांनी त्यांच्या व्यासपीठांवर काय विकलं जातं, याकडे जास्त लक्ष देण्याची गरज आहे. राष्ट्रीय सुरक्षेची, कायद्याची आणि नागरिकांच्या भावना जपण्याची जबाबदारी त्यांच्यावर आहे. अन्यथा पुढे अजूनही गंभीर कारवाया होण्याची शक्यता नाकारता येत नाही.
तुमच्याकडे पाकिस्तानी झेंडा असेल तर तो ताबडतोब उतरवा... नाहीतर सरकार उतरवेलच! राष्ट्रहितासमोर कोणीही मोठा नाही! हा आदेश देशाच्या राष्ट्रीय भावनेबद्दल संवेदनशीलता आणि आदर दर्शवतो. पाकिस्तानी झेंड्यासारख्या चिन्हांची विक्री भारतामध्ये करणे आक्षेपार्ह आणि राष्ट्रविरोधी आहे. विशेषत: सध्याच्या भू-राजकीय परिस्थितीत आणि पहलगाममध्ये झालेल्या दहशतवादी हल्ल्यानंतर लोकांच्या भावना अधिक तीव्र झाल्या आहेत. अशा उत्पादनांची ऑनलाइन विक्री राष्ट्रीय सुरक्षेच्या दृष्टीने देखील चिंताजनक ठरू शकते. जरी हे थेट सुरक्षेला धोका देत नसले, तरी ते शत्रुतापूर्ण भावनांना प्रोत्साहन देऊ शकते.