Jammu Kashmir Accident : लष्कराचा ट्रक ७०० फूट खोल दरीत कोसळला! ३ जवान शहीद

  102

श्रीनगर : जम्मू-काश्मीरमध्ये (Jammu Kashmir) रामबन जिल्ह्यात आज मोठी दुर्घटना घडल्याचे समोर आले आहे. जम्मू-श्रीनगर राष्ट्रीय महामार्गावर बॅटरी चष्मा येथे लष्कराची गाडी घसरुन थेट ७०० फूट दरीत कोसळून भीषण अपघात (Jammu Kashmir Accident) घडला. या घटनेत तीन सैनिकांचा मृत्यू झाला. अपघात झाल्यानंतर लगेच मदत आणि बचाव कार्य सुरू करण्यात आले. तसेच पोलिसांनी या घटनेची एफआयआर दाखल केली आहे.



मिळालेल्या माहितीनुसार, रविवारी (दि.४) सकाळी ११ वाजून ३० मिनिटांच्या सुमारास रामबन जिल्ह्यातील बॅटरी चष्मा भागात लष्कराचा ट्रक रस्त्यावरून घसरून २०० ते ३०० मीटर दरीत कोसळल्याने भीषण अपघात झाला. अपघअताची माहिती मिळताच एसडीआरएफ, पोलीस, सैन्य आणि स्थानिक स्वयंसेवकांनी एकत्र मिळून बचाव कार्य सुरु केले. या अपघातात वाहनाचा चक्काचूर झाला असून ट्रकमधील उपस्थित असलेल्या तीन जवानांचा मृत्यू झाला. अमित कुमार, सुजित कुमार आणि मान बहादूर असे तिन्ही जवानांचे नाव असून या तीन जवानांना आपला जीव गमवावा लागला.



अपघाताचे कारण काय?


गेल्या काही दिवसांपासून जम्मू-श्रीनगर राष्ट्रीय महामार्गावरील रामसू-रामबन भागात खूप पाऊस पडत आहे. त्यामुळे अनेक ठिकाणी भूस्खलन झाले आहे. भूस्खलनामुळे काही ठिकाणी रस्ते वाहून गेले आहेत. महामार्गाची दुरुस्ती करून तो वाहतुकीसाठी परत सुरू करण्यात आला आहे. तरीही, ४० किलोमीटरपेक्षा जास्त लांबीचा रामबन-रामसू पट्टा अजूनही धोकादायक आहे. हा जवळपास ३०० किलोमीटर लांबीच्या महामार्गाचा एक कमजोर भाग आहे.



यापूर्वीही घडला होता अपघात


जम्मू आणि काश्मीरमध्ये लष्कराच्या वाहनांशी संबंधित ही सहा महिन्यांतील तिसरी घटना आहे. यापूर्वी, ४ जानेवारी रोजी बांदीपोरा जिल्ह्यातील एसके पायीन भागात सहा जवानांना घेऊन जाणारा लष्कराचा ट्रक दरीत कोसळल्याने चार जवानांचा मृत्यू झाला होता आणि दोन गंभीर जखमी झाले होते. (Jammu Kashmir Accident)

Comments
Add Comment

गंभीर गुन्ह्याप्रकरणी तुरुंगात गेल्यास पीएम सीएमना हटवणाऱ्या विधेयकाप्रकरणी विरोधकांचा रडीचा डाव

नवी दिल्ली : गंभीर गुन्ह्याप्रकरणी किमान ३० दिवस तुरुंगात घालवले किंवा तशी कोठडी देण्यात आली तर संबंधित मंत्री

रस्ते अपघातामध्ये प्रसिद्ध भारतीय क्रिकेटपटूचा मृत्यू, सीसीटीव्हीमध्ये दुर्घटना कैद

जम्मू आणि काश्मीर: रस्ते अपघातामध्ये भारतीय क्रिकेटपटूचा मृत्यू झाल्याची हृदयद्रावक घटना घडली आहे. या अपघाताचं

गगनयान मोहिमेसाठीची इस्रोची एअर ड्रॉप चाचणी यशस्वी

नवी दिल्ली : गगनयान मोहिमेसाठी इस्रोने यशस्वी एअर ड्रॉप चाचणी घेतली. ही पहिली एअर ड्रॉप चाचणी होती, जी पूर्ण

भारताच्या स्वदेशी हवाई संरक्षण यंत्रणांची यशस्वी चाचणी

नवी दिल्ली : डीआरडीओने भारताच्या एकात्मिक हवाई संरक्षण यंत्रणेसाठी शुक्रवारी २३ ऑगस्ट रोजी यशस्वी चाचण्या

भटक्या कुत्र्यांच्या हल्ल्यात २१ वर्षीय विद्यार्थीनी जखमी

लखनऊ : भटक्या कुत्र्यांचा हल्ला सध्या चर्चेत असून भटक्या कुत्र्यांच्या जीवघेण्या हल्ल्याच्या बातम्या अजूनही

ऐन सणासुदीच्या काळात सर्वसामान्यांना महागाईचा फटका, डाळी, रवा, मैदा, खाद्यतेल, साखरेचे भाव वधारले

नवी दिल्ली (वृत्तसंस्था) : गणेश चतुर्थीला ३, ४ दिवस बाकी असून या सणादरम्यान लागणाऱ्या