ताज्या घडामोडीब्रेकिंग न्यूजठाणे

Dombivli : डोंबिवली रेल्वे स्थानकातील रखडलेल्या सरकत्या जिन्याच्या कामाला प्रारंभ

  53

डोंबिवली : डोंबिवली रेल्वे स्थानकातील फलाट क्र .३ आणि ४ वरील रखडलेल्या सरकत्या जिन्याच्या कामाला रेल्वे प्रशासनाने सुरूवात केली आहे. मागील सहा महिन्यांपासून हे काम रखडल्याने फलाटावरील प्रवाशांना वळसा घेऊन जिन्यावर जावे लागत होते. तसेच या कामामुळे फलाटाचा भाग अरूंद झाला होता.


फलाटावर वावर करणे प्रवाशांना मुश्किल झाले होते. डोंबिवली रेल्वे स्थानक मध्य रेल्वे स्थानकावरील सर्वाधिक गर्दीचे स्थानक म्हणून ओळखले जाते. या रेल्वे स्थानकातील वाढत्या गर्दीचा विचार करून रेल्वे प्रशासनाने फलाट क्रमांक १ ते ५ क्रमांकाला जोडणारा पादचारी पूल फलाटाच्या मध्यभागी सुरू केला. या सुविधा सुरू असताना डोंबिवली रेल्वे स्थानकातील फलाट क्र. ३ आणि ४ वर कल्याण बाजूकडे मागील सहा महिन्यापूर्वी रेल्वे प्रशासनाने या भागात प्रवाशांना उतरण्यासाठी असलेला जिना तोडून टाकला.



त्या जागी सरकत्या जिन्याच्या कामासाठी खड्डा आणि फलाटावर त्या कामाच्या ठिकाणी चारही बाजुने संरक्षित पत्रे लावले होते. हे काम लवकरच पूर्ण होईल अशी रेल्वे प्रवाशांना अपेक्षा होती. फलाट क्रमांक ३ आणि ४ वर कल्याण दिशेने उतरण्यासाठी जिना नसल्याने प्रवाशांना दक्षिण बाजूच्या जिन्याने जाऊन पुन्हा माघारी येऊन फलाटावर कल्याण दिशेकडे जावे लागत होते.


हा वळसा घेताना प्रवाशांची दमछाक होत होती. फलाट क्र.३ आणि ४ वर मुंबईला जाणाऱ्या आणि कर्जत, कसारा, अंबरनाथ, खोपोलीकडे जाणाऱ्या जलद लोकल धावतात. या दोन्ही बाजूकडील लोकल एकावेळी फलाटावर आल्या की कल्याण बाजूकडील भागात गर्दी होत होती. प्रवाशांमध्ये रेटारेटी होत होती.कल्याण दिशेने उतरलेला प्रवासी फलाटावर दक्षिण दिशेने चालत जाऊन तेथून जिन्यावर
जात होता.

Comments
Add Comment

Tata Motors: टाटा मोटर्सने २१.४९ लाखांत हॅरियर.इव्ही लॉन्च केली

१५ मिनिटांच्या चार्जिंगमध्ये २५० किमीची रेंज मुंबई: भारताच्या इलेक्ट्रिक वाहन क्रांतीत देशातील आघाडीचा

Pakistan Brahmaputra Water Threat : ब्रह्मपुत्रा नदीचं पाणी रोखण्याची पाकिस्तानची नापाक रणनीती!

पाकची धमकी, भारताकडून वाटाण्याच्या अक्षता भारत आणि पाकिस्तानमधील युद्ध थांबलं तरी पाण्यावरून सुरू झालेलं

Stock Market Analysis: 'प्रहार' शेअर बाजार विश्लेषण: एका सत्राअखेरीस गुंतवणूकदारांची २ लाख कोटींची कमाई

मोहित सोमण: सकाळचा वेग इक्विटी बेंचमार्क निर्देशांकाने कायम राखल्याने अखेरचे सत्र संपताना शेअर बाजारात किंचित