अमरावती : महामार्गावरून गावाला परत जाणाऱ्या युवकांच्या दुचाकीला मागून येणाऱ्या भरधाव वाहनाने धडक दिल्याने झालेल्या अपघातात एका युवकाचा जागीच मृत्यू झाला तर, दुसरा युवक गंभीर जखमी असल्याची घटना सावर्डीजवळील रिलायंस पेट्रोल पंपाजवळ घडली. राहुल संजय डिवरे (२६) रा. शिवणगाव फत्तेपूर असे मृतकाचे तर, रोशन गजानन पांडे (२५) रा. शिवणगाव फत्तेपूर असे जखमीचे नाव आहे. घटनेनंतर बराच वेळ वाहतूक ठप्प झाली होती.
घटनेबाबत सविस्तर वृत्त असे की, राहुल व रोशन हे दोघे दुचाकीने अमरावतीवरून राष्ट्रीय महामार्गाने गावी शिवणगाव फत्तेपूरला जात होते. सावर्डीजवळ असलेल्या रिलायन्स पेट्रोलपंपा जवळ अचानक मागून आलेल्या भरधाव वाहनाने त्यांच्या दुचाकीला जोरदार धडक दिली. या अपघातात राहुलचा जागीच करुण अंत झाला. तर, रोशन जखमी झाला. अपघातानंतर त्यांच्या दुचाकीने पेट घेतला. अपघाताची माहिती मिळताच नांदगाव पेठचे ठाणेदार महेंद्र अंभोरे यांनी आपल्या ताफ्यासह घटनास्थळ गाठून पंचनामा केला व जखमी रोशनला तातडीने उपचारार्थ जिल्हा सामान्य रुग्णालयात पाठविले. घटनेनंतर अपघात बघण्यासाठी अनेकांनी गर्दी केली. काहींनी बचावकार्य केले.
दरम्यान, वाहतूक कोंडी झाल्याने बराचवेळ वाहतूक ठप्प झाली. नांदगाव पेठ पोलिसांनी तातडीने घटनास्थळ गाठून जखमीला रुग्णालयात पाठवले व वाहतूक सुरळीत केली. या प्रकरणी अज्ञात वाहनचालकाविरुद्ध गुन्हा दाखल करण्यात आला असून त्याचा शोध सुरू आहे.
यमुंबई: इंडियन प्रीमियर लीगमधील ३२व्या सामन्यात दिल्ली कॅपिटल्स आणि राजस्थान रॉयल्स यांच्यातील सामना सुपर ओव्हरपर्यंत…
मुंबई : येत्या काही दिवसांत मुंबईकरांना उष्णतेसह वाढत्या आर्द्रतेचा तडाखा सहन करावा लागण्याची शक्यता आहे.…
मुख्यमंत्री फडणवीसांची शेतकऱ्यांना भावनिक साद अमरावती : विदर्भातील अमरावती येथे विमानतळाचे लोकार्पण केल्यानंतर विदर्भातील प्रकल्पग्रस्त…
मुंबई : नॅशनल हेराल्डची मालमत्ता हडपणा-या काँग्रेसच्या आंदोलनाला भाजपाचा कडवा विरोध असून काँग्रेसचे हे आंदोलन…
मुंबई : लांब पल्ल्याच्या प्रवासादरम्यान एसटी बसेस थांबत असलेल्या हॉटेल-मोटेल थांब्यावर प्रवाशांना आरोग्यदायी आणि किफायतशीर…
मुंबई : आगामी काळात रायगड जिल्ह्यात भाजपा शतप्रतिशत होणार असा विश्वास भाजपाचे कार्यकारी अध्यक्ष रविंद्र…