ठाणे : मोबाईलवर वापरलेल्या अपशब्दामुळे सुरू झालेल्या वादाने भिवंडीतील देवनगर परिसरात गंभीर वळण घेतले. दोन कुटुंबांमध्ये सुरु झालेली शाब्दिक झटापट थेट हाणामारीत रूपांतरित झाली आणि त्याचा फटका एका तिसऱ्या कुटुंबाला बसला. त्यांच्या घराचे छत तुटले आणि नुकसान भरपाईही द्यावी लागली.
अंबरनाथ : अंबरनाथमध्ये मन हेलावून टाकणारी घटना समोर (Ambernath Crime) आली आहे. कलिंगड विक्रीच्या नावाखाली बाळ विकण्याचा धक्कादायक प्रकार घडला आहे. हा संपूर्ण ...
नेमकं घडलं काय?
देवनगरमधील एका महिलेने मोबाईल फोनवरून दुसऱ्या कुटुंबातील सदस्याला अपशब्द वापरले. यावरून दोन्ही कुटुंबांमध्ये वाद झाला आणि तो इतका चिघळला की शेजारच्या घराच्या पत्र्यावर गेलेल्या एकाला मारण्यासाठी काहीजण वर चढले. त्याला साथ देण्यासाठी दुस-या परिवारातील लोकही छतावर आले. त्यांनी एकमेकांना मारहाण करण्यास सुरुवात केली. या गोंधळात तिसऱ्याच कुटुंबाच्या घराचे छप्पर तुटले. यामध्ये काहीजण खाली कोसळले आणि किरकोळ जखमी झाले.
छताचे नुकसान, भरपाईचे पैसे
ज्या घराचे छत तुटले त्या घरात काही कामगार राहत होते. घटनेनंतर स्थानिक पातळीवर हस्तक्षेप करून वाद मिटवण्यात आला. पोलिसात कोणतीही तक्रार दाखल न करता दोन्ही कुटुंबांनी छप्पर तुटलेल्या घरासाठी नुकसान भरपाई देऊन समझोता केला.
पोलीस हस्तक्षेप न करता वाद मिटला
ही घटना भोईवाडा पोलीस ठाण्याच्या हद्दीत घडली असून, दोन्ही पक्षांनी आपापसात समझोता केल्यामुळे पोलिसांत गुन्हा नोंदवण्यात आलेली नाही, असे पोलिसांनी सांगितले.
