डहाणूच्या महालक्ष्मी यात्रेसाठी प्रशासनाकडून आढावा बैठक

महालक्ष्मी यात्रा १२ एप्रिल पासून होणार सुरु


कासा : पालघर जिल्ह्यातील लाखो भाविकांचे श्रद्धा स्थान असलेल्या  डहाणू तालुक्यातील प्रसिद्ध महालक्ष्मी देवीची यात्रा  १२ एप्रिल पासून सुरू होणार आहे .या निमित्ताने भाविकांच्या सोयीसुविधा व तयारी संदर्भात मंदिर ट्रस्ट कार्यालयात  डहाणू प्रांताधिकारी सत्यम गांधी यांच्या अध्यक्षतेखाली सर्व विभागांच्या अधिकारी वर्ग , ट्रस्ट तसेच ग्रामस्थ यांच्या उपस्थीती मध्ये मंगळवारी नियोजन बाबतीत आढावा बैठक आयोजित केली होती.


सदर यात्रा जिल्हातील सर्वात मोठी यात्रा असून पालघर, ठाणे, मुंबई , नाशिक बरोबरच गुजरात राज्यातील हजारो भाविक या निमित्ताने येथे येत असतात. सतत १५ दिवस चालणाऱ्या हया यात्रेत दररोज दूरवरून लाखो भाविक येतात. त्यामुळे भाविकांच्या सोयीसुविधा, कायदा व सुव्यवस्था चोख राहावी तसेच सुरक्षेच्या दृष्टीने  ही नियोजन  बैठक पार पडली.



डहाणू तहसीलदार सुनील कोळी यांनी सर्व विभागाच्या अधिकाऱ्यांकडून त्यांच्या कामाची माहिती घेतली .तर प्रांतअधिकारी सत्यम गांधी यांनी यात्रेत होणारी भाविकांची गर्दी,सोयीसुविधा लक्षात घेता यात्रा सुरळीत चालावी यासाठी पाणी नियोजन ,दर्शन ,पार्किंग व्यवस्था , विज सुविधा या बाबतीत अधिकाऱ्यांना सुचना दिला तसेच पार्किंग मध्ये सुरक्षितादृष्टीने मालकांना सीसीटीव्ही कॅमेरे लावणे अनिवार्य असल्याचे सांगितले .यात्रे निमीत्त होणारी भाविकांची गर्दी लक्षात घेता ट्रस्ट कडून केल्या जाणाऱ्या सोयीसुविधा ची माहिती ट्रस्ट चे सचिव शशिकांत ठाकूर यांनी दिली तसेच कचरा नियोजन, पिण्याचे पाणी. या बाबतींत ग्रामपंचायत कडून माहिती दिली.


या आढावा बैठकीस डहाणू उपविभागीय पोलीस अधिकारी अनिल लाड, पोलीस उपअधीक्षक डॉ भागिरथी पवार,डहाणू पंचायत समिती गट विकास अधिकारी पल्लवी सस्ते, कासा पोलीस निरिक्षक अविनाश मांदळे , डहाणू पोलिस निरीक्षक दादासाहेब घुटूकडे ,डहाणू नगर परिषद मुख्यधिकारी अक्षय गुडदे, ट्रस्टचे उपाध्यक्ष चंदू सातवी, कोषाध्यक्ष किशोर सातवी, सरपंच नितेश भोईर ,रमेश मलावकर,अनंता खुलात ,योगेश सातवी तसेच महावितरण अधिकारी व आरोग्य, विद्युत, बांधकाम, महसूल, आदी विविध विभागाचे अधिकारी यावेळी उपस्थित होते तसेच दुकानदार व ग्रामस्थ उपस्थित होते.

Comments
Add Comment

मुंबई-अमरावती विमान पुन्हा रद्द, एअरलाइनने दिला ऑपरेशनल समस्येचा हवाला

अमरावती : अलायन्स मुंबईवरून आणि मुंबईला जाणाऱ्या विमानाचे एअरच्या येणाऱ्या उड्डाण शुक्रवारी (ता. तीन) रद्द

नगराध्यक्ष पदांचे आरक्षण सोमवारी

स्थानिक स्वराज्य संस्थांच्या निवडणुका दिवाळीनंतर राज्यातील २४७ नगर परिषदा व ४२ नगरपंचायतींच्या निवडणुका

गौतमी पाटीलच्या अडचणीत वाढ? पोलिसांची बजावली नोटीस

पुणे: महाराष्ट्राची लोकप्रिय नृत्यांगणा गौतमी पाटील हिच्या मालकीच्या कारला पुणे-मुंबई-बंगळूरू राष्ट्रीय

उद्धव ठाकरेंवर एकनाथ शिंदेंचा व्हॅनिटी व्हॅन टोला

दसऱ्याच्या पवित्र मुहूर्तावर महाराष्ट्राच्या राजकारणात दोन शिवसेनांचे मेळावे झाले. एकनाथ शिंदे यांच्या

सोलापूरच्या चिंचोली एमआयडीसीतील कंपनीला मोठी आग

सोलापूर : चिंचोली एमआयडीसीतील तुळजाई केमिकल्स कंपनीला शुक्रवारी ३ ऑक्टोबर रोजी संध्याकाळी आग लागली. आग

हिंसा नव्हे, लोकशाही मार्गच परिवर्तनाचा खरा उपाय - मोहन भागवत

विजयादशमीच्या औचित्याने नागपुरात राष्ट्रीय स्वयंसेवक संघाचे सरसंघचालक मोहन भागवत यांनी संघाच्या शताब्दी