Nagpur : फहीम खानच्या घरावर चालला बुलडोझर

  86

आरोपीच्या घराचा अवैध हिस्सा पाडण्यात आला


नागपूर : नागपूर हिंसाचार प्रकरणातील प्रमुख आरोपी फहीम खानच्या घरावर आज, सोमवारी बुलडोझर कारवाई करण्यात आली. नागपूर महापालिकेच्या अधिकाऱ्यांनी फहीमच्या घराचा बेकायदेशीर भाग पाडला. मायनॉरिटी डेमोक्रॅटिक पार्टीचा (एमडीपी) नेता असलेल्या फहीम वर १७ मार्च रोजी झालेल्या हिंसाचाराचा मुख्य आरोपी आहे.


या संदर्भात मिळालेल्या अधिकृत माहितीनुसार, नागपूर हिंसाचाराचा सूत्रधार फहीम खान याच्या घराचा मोठा भाग बेकायदेशीरपणे बांधण्यात आला होता. नागपूरमधील यशोधरानगर पोलिस ठाण्याच्या हद्दीत संजय बाग कॉलनीत दंगलखोर फहीम खानने २ मजली इमारत बांधल्याचे तपासात उघड झाले. नागपूर महापालिकेने काल रविवारी त्यांच्या घरातील बेकायदेशीर बांधकाम हटविण्यासाठी नोटीस बजावली होती. आणि त्याला बेकायदेशीर बांधकाम हटविण्यासाठी २४ तासांची मुदत देण्यात आली होती. महापालिकेची नोटीस मिळाल्यानंतर फहीम खानचे कुटुंब घाबरले. त्यानंतर घराला कुलूप लावून त्याचे कुटुंबिय परांगदा झाले. स्थानिक लोकांचे म्हणणे आहे की फहीमचे कुटुंबिय त्यांच्या नातेवाईकांच्या घरी गेले आहे. त्यामुळे महापालिकेने त्यांच्या अनुपस्थितीत घरातील अवैध बांधकाम जमीनदोस्त केले.



नागपूर हिंसाचार प्रकरणी नोंदवलेल्या एफआयआर अनुसार फहीम खान हा १७ मार्च रोजी झालेल्या हिंसाचाराचा मुख्य आरोपी आहे. त्यानेच नागरिकांना एकत्र करून हिंसाचार घडवल्याचे एफआयआरमध्ये स्पष्टपणे नमूद करण्यात आले आहे. याच आरोपाखाली त्याला अटक करण्यात आली आहे. दरम्यान फहीमच्या घराचा काही भाग अवैध असल्याने महापालिकेने त्याला नोटीस बजावर अवैध भागावर बुलडोजर कारवाई केली.

Comments
Add Comment

सिंधुदुर्ग : कार ऑन रेल सेवेने पाचपैकी चार वाहने नांदगावला उतरली

सिंधुदुर्ग : कोकण रेल्वेची पहिली कार ऑन ट्रेन कोलाड (जि. रायगड) स्थानकावरून निघाली आणि रात्री नांदगाव (जि.

आता २९ ऑगस्टला फाईट, चलो मुंबई; जरांगेंचा इशारा

मुंबई : मराठा आरक्षणासाठी २९ ऑगस्ट रोजी मुंबईत मुख्यमंत्र्यांच्या घराबाहेर येतोय, असा इशारा मनोज जरांगे यांनी

अवघे 2 दिवस बाकी कोकणच्या बाप्पाची ओढ, 'मोदी एक्सप्रेस' निघाली गावाला

गणेशोत्सव आणि कोकण या नात्याची, आपुलकीची, श्रद्धेची माहिती सांगण्याची आवश्यकता नाही, गणपती म्हटलं की कोणत्याही

गणपतीआधी मुंबई महापालिका निवडणुकीच्या पार्श्वभूमीवर भाजपाची तातडीची बैठक, भाजपचं मिशन बीएमसी सुरू

येणाऱ्या पालिका निवडणुकीसाठी भाजपने आतापासून कंबर कसली आहे. मुंबई महापालिका निवडणूक ही राज्याच्या

साई बाबांचा प्रसाद महागला! दरवाढीमुळे जनसामान्यांमध्ये नाराजी

अहिल्यानगर: शिर्डीच्या साईबाबांच्या दर्शनाला दररोज लाखों भाविक शिर्डीत येतात. साईबाबांचे दर्शन घेऊन घरी

अजित पवारांच्या जिल्ह्यातच लाडकी बहीण योजनेचे सर्वाधिक बोगस लाभार्थी

राज्य सरकारची 'मुख्यमंत्री-माझी लाडकी बहीण' योजनेचा गैरफायदा घेतलेल्या बोगस लाभार्त्यांच्या संख्येत वाढ