बीड जिल्हा पुन्हा हादरला, महिला दिनी पोलिसाने महिलेवर केला बलात्कार

  58

बीड : पाटोदा पोलीस ठाण्याचे बीट अमलदार उद्धव गडकर यांनी महिला दिनानिमित्त कार्यक्रमासाठी एका महिलेला बोलावून पाटोदा येथील स्टेट बँकेच्या बाजूला असलेल्या घरात नेले. नंतर या पोलिसानेच महिलेवर बलात्कार केला. या प्रकरणी महिलेने धाडस करुन पाटोदा पोलीस ठाण्यात जाऊन स्वतः पोलीस निरीक्षकांची भेट घेतली आणि बीट अमलदार उद्धव गडकर याच्या विरोधात तक्रार केली.



पीडित महिला मागील काही प्रकरणात पाटोदा पोलीस ठाण्यात ये-जा करत होती. यातून पाटोदा पोलीस ठाण्यातील बीट अमलदार उद्धव गडकर महिलेच्या संपर्कात आले. मोबाईल क्रमांकांची देवाणघेवाण झाली. संभाषण आणि मेसेज सुरू झाले. यातून एक वातावरण निर्माण झाले. या वातावरणाचा गैरफायदा घेत पाटोदा पोलीस ठाण्याचे बीट अमलदार उद्धव गडकर यांनी महिला दिनानिमित्त कार्यक्रमासाठी महिलेला बोलावून घेतले. महिला येताच तिला दिशाभूल करणारी माहिती देऊन एका घरात नेले आणि तिथे तिच्यावर बलात्कार केला. महिलेने विरोध करण्याचा प्रयत्न केला त्यावेळी तिच्यावर चोरीचा खोटा गुन्हा दाखल करण्याची धमकी देण्यात आली. यानंतर महिलेवर बलात्कार करण्यात आला.



पोलिसाकडून अन्याय झाल्यामुळे धास्तावलेल्या महिलेने धीर करुन दुपारी पाटोदा पोलीस ठाणे गाठले आणि पोलीस निरीक्षकांना भेटून तक्रार दिली. या प्रकरणी पाटोदा पोलीस निरीक्षक जाधव तपास करत आहेत. उद्धव गडकर विरोधात गुन्हा नोंदवण्यात आला आहे. पोलीस उपअधीक्षक बाळकृष्ण हुनगुडे पाटील यांनी महिलेवर झालेल्या अन्यायाची दखल घेतली आहे. तपास करण्यासाठी पाटोदा पोलीस ठाण्याला आवश्यक ते निर्देश दिले आहेत.
Comments
Add Comment

शेतीच्या वादावरून पुतण्याने केला काकी आणि चुलत भावाचा खून : वर्ध्यातील धक्कादायक प्रकार

वर्धा : शेती वाटपावरून २ जणांची कुऱ्हाडीने वार करत हत्या करुन , नंतर आरोपीने देखील विष पिऊन आत्महत्या केल्याचा

महिलांना नेतृत्वाची संधी ! जिल्ह्यातील ७७५ सरपंच पदाचं आरक्षण जाहीर, महिलांची आकडेवारी किती ?

मुंबई : राज्यातील ग्रामीण भागात ७५५ ग्रामपंचायतींचे आरक्षण नुकतेच जाहीर करण्यात आले आहे. त्यामुळे २०११ च्या

Pune Metro : पुणेकरांची गर्दीतून सुटका! लवकरच मेट्रोच्या ताफ्यात १५ नव्या ट्रेन, ४५ डबे वाढणार अन्...

पुणे : पुणेकरांसाठी दिलासादायक बातमी आहे. मेट्रोच्या ताफ्यात आगामी काळात १५ नव्या ट्रेन म्हणजेच एकूण १५ डबे

ST : राज्यातील सर्वात मोठे स्क्रॅपिंग सेंटर (भंगार केंद्र) एसटीच्या जागेवर उभारले जाणार, 'एसटी'साठी उत्पन्नाचा नवा स्त्रोत...

मुंबई : एसटी विभागीतल जुनी वाहने  स्क्रॅप करून त्याचे सुटे भाग पुन्हा वापरात येणार नाहीत, अशा पद्धतीने त्यांची

मुंबई-गोवा महामार्ग: १८ वर्षांची प्रतीक्षा, खड्डेमय प्रवास अन् अपघातांचा धोका कायम!

मुंबई : मुंबई-गोवा महामार्गाचे काम गेली १८ वर्षांपासून रखडलेले असतानाच, या पावसाळ्यातही प्रवाशांचे हाल कायम

राज्यात ५१ पोलीस अधिकाऱ्यांच्या बदल्या

नाशिक : राज्यातील ५१ पोलीस अधीक्षक आणि अप्पर पोलीस अधीक्षक यांच्या बदल्या करण्यात आल्या असून त्यामध्ये नाशिक