शिवशाही बसमध्ये बलात्कार केल्याचा आरोप असलेल्या दत्तात्रय गाडेची कुंडली उघड

  155

पुणे : स्वारगेट एसटी डेपोमध्ये शिवशाही बसमध्ये बलात्कार झाल्याची तक्रार पीडित तरुणीने पोलिसांकडे केली आहे. या प्रकरणी सीसीटीव्ही फूटेजच्या मदतीने पोलिसांनी आरोपीचा चेहरा ओळखला आहे. पण घटनास्थळावरुन पसार झालेला आरोपी दत्तात्रय गाडे अद्याप पोलिसांच्या हाती आलेला नाही. पोलिसांनी आरोपीचा फोटो प्रसिद्ध केला आहे. पाठोपाठ आरोपीच्या गुन्हेगारी पार्श्वभूमीची माहिती आणि त्याच्या विषयीची इतर महिती पण पोलिसांनी मिळवली आहे.



आरोपी दत्तात्रय गाडे हा एक सराईत गुन्हेगार आहे. त्याच्यावर राजकीय वरदहस्त आहे. आरोपी दत्तात्रय रामदास गाडे हा शिरुर तालुक्यातील गुणाट गावचा रहिवासी आहे. वृद्ध महिलांना लिफ्ट देण्याच्या बहाण्याने चारचाकी गाडीत बसवायचा आणि लुबाडायचा. मात्र एका महिलेच्या सतर्कतेमुळे त्याला पोलिसांनी पकडलं. त्याच्यावर शिक्रापूर आणि शिरुर पोलीस ठाण्यात गुन्हे दाखल आहेत. आरोपीचे गावात पक्क्या बांधकामातील पत्र्याचे छत असलेले घर आहे. तसेच वडिलोपार्जित तीन एकर शेतजमीन देखील आहे. आई-वडील शेतात काम करतात. तसेच त्याला एक भाऊ असून, पत्नी, लहान मुले आहेत. दत्तात्रय कामधंदा करत नव्हता. झटपट भरपूर पैसे कमावण्यासाठी त्याने चोरी करणे, लुबाडणे हे प्रकार सुरू केले.

ग्रामस्थांनी दिलेल्या माहितीनुसार दत्तात्रय गाडे याने २०१९ मध्ये कर्ज काढून एक वाहन विकत घेतले. या वाहनातून तो पुणे ते अहिल्यानगर अशी प्रवासी वाहतूक करत होता. ज्या महिलेने जास्त दागिने अंगावर घातले आहेत अशाच महिलेला तो वाहनातून लिफ्ट देत होता. त्यांना आडमार्गला नेऊन चाकूने धाक दाखवून दागिने लुबाडून पळून जात असे.

दत्तात्रय गाडे गुणाट गावाच्या तंटामुक्ती निवडणुकीसाठी उभा होता. या निवडणुकीत त्याचा पराभव झाला. विधानसभा निवडणुकीच्या काळात दत्तात्रय गाडेने एका नेत्यासाठी कार्यकर्ता म्हणून काम केले होते. नेत्यासोबतचे गाडेचे काही फोटो व्हायरल झाले होते. दत्तात्रय गाडेने २०२० मध्ये करे घाटात लुटालूट केली होती. त्याला एका दरोड्याप्रकरणी शिक्षा झाली होती. दत्तात्रय गाडे विरोधात शिक्रापूर येथे दोन तसेच अहिल्यानगर जिल्ह्यातील सुपा, केडगाव आणि कोतवाली पोलिस ठाण्यांत गुन्हे दाखल आहेत. काही गुन्ह्यांतील त्याच्या विरोधातले खटले प्रलंबित असल्याने तो मोकाट फिरत होता.

स्वारगेट एसटी डेपोमध्ये नेमके काय घडले ?

स्वारगेट एसटी डेपोमध्ये एका कोपऱ्यात उभ्या असलेल्या आणि सर्व दिवे बंद असलेल्या रिकाम्या शिवशाही बसमध्ये बलात्काराची घटना घडली. एका तरुणीला दिशाभूल करणारी माहिती देऊन बसमध्ये पाठवण्यात आले. ही तरुणी बसमध्ये शिरताच वेगाने आरोपी बसमध्ये आला, त्याने बसचा दरवाजा आतून बंद केला आणि तरुणीवर बलात्कार केला. पहाटे साडेपाच वाजता ही घटना घडली. कायम गर्दी असलेल्या स्वारगेट एसटी डेपोमध्ये ही घटना घडली त्यावेळी कोणाच्याही लक्षात आले नाही. घटनेनंतर आधी आरोपी बसमधून उतरला आणि वेगाने पसार झाला. थोड्या वेळाने पीडित तरुणी खाली आली आणि दुसऱ्या बसमधून पुढच्या प्रवासाला रवाना झाली. प्रवासादरम्यान पीडितेने एका मित्राला फोन करुन घटनेची माहिती दिली. या मित्राने दिलेला सल्ला पटला म्हणून तरुणी हडपसर जवळ बसमधून उतरली आणि दुसऱ्या वाहनाने पुन्हा स्वारगेट येथे आली. स्वारगेट पोलिसांकडे तरुणीने बलात्कार प्रकरणी तक्रार दिली. यानंतर पोलिसांनी तरुणीला वैद्यकीय तपासणीसाठी सरकारी रुग्णालयात नेले.
Comments
Add Comment

गणेशोत्सवाच्या पार्श्वभूमीवर मध्यवर्ती पेठांमध्ये वाहतुकीची कोंडी

वाहतुकीचा वेग संथ झाल्याने अडचणी पुणे : गणेशोत्सवाला अवघे तीन दिवस शिल्लक राहिले असताना मंडई, शनिपार, तुळशीबाग

गणेशोत्सवासाठी प्लास्टिक फुलांची दुकाने सजली...!

फुलशेती कोमेजली, शासनाने प्लास्टिक फूल, हार विक्रीवर बंदी घालावी श्रीरामपूर : एकीकडे प्लास्टिक बंदीचा जागर सुरू

ST Employees Salary: बाप्पा पावले! एसटी कर्मचाऱ्यांना ऑगस्टचा पगार गणेशोत्सवापूर्वीच मिळणार

मुंबई: राज्य शासनाच्या इतर कर्मचाऱ्याप्रमाणे एसटीच्या सुमारे ८३ हजार कर्मचारी व अधिकाऱ्यांचे ऑगस्ट महिन्याचा

अंतरवाली सराटीमधून 27 ऑगस्टला मुंबईसाठी निघणार, जरांगे पाटील यांचा सरकारला इशारा

मराठा आरक्षण चळवळीचे नेते मनोज जरांगे पाटील यांनी २९ ऑगस्टला सकाळी १० वाजल्यापासून मुंबईच्या आझाद मैदानावर

Atharv Sudame controversy: गणेशोत्सवापूर्वी व्हायरल झालेल्या 'त्या' रीलमुळे पुण्याचा कंटेंट क्रिएटर अथर्व सुदामे अडचणीत! मागितली माफी

पुणे: लोकप्रिय सोशल मीडिया इन्फ्ल्युएन्सर अथर्व सुदामेच्या पुणेरी रील्सचे अनेक चाहते आहेत. सुदामेने त्याच्या

Mumbai Nanded Vande Bharat : मुंबई-जालना वंदे भारत आता नांदेडपर्यंत धावणार, जाणून घ्या वेळापत्रक, थांबे अन् तिकीटदर

मुंबई : मुंबई आणि मराठवाड्यातील प्रवाशांसाठी एक मोठी आनंदाची बातमी समोर आली आहे. गेल्या अनेक वर्षांपासून सुरू