न्यूयॉर्क : हॉलिवूडची प्रसिद्ध अभिनेत्री मिशेल ट्रॅचटेनबर्गचा मृतदेह एका आलिशान अपार्टमेंटमध्ये आढळला. पोलीस या प्रकरणी तपास करत आहेत. अभिनेत्रीच्या मृत्यूचे कारण अद्याप समजलेले नाही. बालकलाकार म्हणून मनोरंजनसृष्टीत पदार्पण करणारी मिशेल ट्रॅचटेनबर्ग पुढे चित्रपट आणि टीव्ही जगतात एक लोकप्रिय अभिनेत्री म्हणून नावारुपाला आली.
घटस्फोट घेणार असल्याच्या वृत्तावर काय म्हणाला बॉलिवूड अभिनेता गोविंदा ?
मिशेल न्यू यॉर्कमधील सेंट्रल पार्क साउथ येथील वन कोलंबस प्लेस येथील तिच्या आलिशान अपार्टमेंटमध्ये राहत होती. याच अपार्टमेंटमध्ये मिशेल ट्रॅचटेनबर्गचा मृतदेह आढळला. मिशेलच्या आकस्मिक निधनाने तिच्या नातलगांना आणि चाहत्यांना धक्का बसला आहे.
बालपणी मिशेलने एका टीव्ही जाहिरातीतून अभिनयाच्या क्षेत्रात पदार्पण केले. यानंतर १९९० ते २००० च्या दशकात ती इंग्रजी चित्रपट आणि टीव्ही कार्यक्रमांमधून झळकत राहिली. ‘युरोट्रिप’, ‘आइस प्रिन्सेस’, ‘किलिंग केनेडी’ आणि ‘सिस्टर सिटीज’ हे मिशेलचे निवडक गाजलेले चित्रपट होते. मिशेलने नंतर ‘गॉसिप गर्ल’मध्ये मुख्य भूमिका साकारली होती. या प्रसिद्ध अभिनेत्रीने २०२१ मध्ये मीट, मॅरी, मर्डर ऑन टुबी या गुन्हेगारी घटनांवर आधारित माहितीपटांसाठी होस्ट म्हणून काम केले होते.