मडगाव : 'लगे रहो मुन्ना भाई', 'शहजादा', 'फॅशन', 'मैं तेरा हीरो' आणि 'देसी बॉईज' अशा निवडक हिंदी चित्रपटांतून चमकलेला अभिनेता अश्विन मुश्रान याच्या कारचा अपघात झाला. गोव्यातील मडगाव जिल्ह्यातील केपेम येथील कुसमानमध्ये रस्त्याच्या चुकीच्या बाजूने कार चालवताना दुचाकीवरून जात असलेल्या वडील-मुलाच्या जोडीला धडक दिल्याचा आरोप अभिनेत्यावर होत आहे. अपघातात वडील गंभीर जखमी झाले असून त्यांच्यावर रुग्णालयात उपचार सुरू आहेत. या घटनेनंतर अभिनेता अश्विन मुश्रान आणि त्याची पत्नी स्थानिकांशी वाद घालत असतानाचा व्हिडीओ व्हायरल होत आहे.
मुंबई : राज्यातील ऑटो-रिक्षा आणि टॅक्सी चालकांसाठी 18 ऑगस्टपासून कामापुरते मराठी भाषेचे ज्ञान अनिवार्य करण्यात आले आहे. या नियमाची अंमलबजावणी ...
दुचाकीस्वाराच्या चुकीमुळेच अपघात झाला, असे अभिनेता अश्विन मुश्रानचे म्हणणे आहे तर स्थानिकांनी अभिनेत्यावरच चूक केल्याचा आरोप केला आहे. अभिनेत्याच्या चुकीमुळे दुचाकीस्वार जखमी झाला. दुचाकीस्वाराच्या हाडाचा एक तुकडा अभिनेत्याच्या कारच्या उजव्या टायरच्या फेंडरमध्ये अडकला आहे. त्यामुळे अभिनेत्यानेच भरपाई द्यावी, अशी स्थानिकांची मागणी आहे. याच मुद्यावरून अभिनेता अश्विन मुश्रान आणि त्याची पत्नी स्थानिकांशी जोरदार वाद घालत असल्याचा व्हिडीओ व्हायरल होत आहे. वादादरम्यान मुश्रानची पत्नी थुंकली, असाही आरोप स्थानिकांनी केला आहे. यानंतर प्रकरण चिघळले. त्यावेळी परिस्थिती शांत करण्याऐवजी अश्विन मुश्रान आणि त्याची पत्नी कारमधून लगेच निघून गेले. पण थोड्या वेळाने अश्विन परत आला आणि त्याने स्थानिकांची माफी मागितली. पण माफी मागताना मुश्रानची वृत्ती बेफिकीर आणि प्रामाणिकपणाचा अभाव असलेली वाटली, असे स्थानिकांचे म्हणणे आहे. अपघात प्रकरणी अद्याप पोलिसांनी तसेच अभिनेता अश्विन मुश्रानने अधिकृतरित्या कोणतीही माहिती दिलेली नाही.
