प्रियकराने प्रेयसीचे शिरच केले धडापासून वेगळे

  136

पोहोचला थेट पोलीस ठाण्यात; वांबोरीतील हृदयद्रावक घटना


राहुरी : अनैतिक संबंधातील वाद विकोपाला गेला तु मला नाही सांभाळले तर तुला सोडणार नाही. तुझ्या विरुध्द गुन्हा दाखल करेल, अशी धमकी देणाऱ्या २८ वर्षीय प्रेयसीला ५३ वर्षीय प्रियकराने लाकडी दांडा व दगडाने मारहाण केली. तसेच कोयत्याने वार करून तीचे शिर धडापासुन वेगळे करत थेट पोलिस ठाण्यात पोहोचला. ही घटना राहुरी तालुक्यातील वांबोरी परिसरात दि.१९ फेब्रुवारी रोजी रात्रीच्या सुमारास घडली.


या घटनेतील मयत सोनाली राजु जाधव, वय २८ वर्षे, रा. पोखरी ता. आंबेगांव, जि. पुणे हिचे सखाराम धोंडीबा वालकोळी, वय ५३ वर्षे, रा. निरगुडसर, ता. आंबेगांव, जि. पुणे याच्याशी अनैतिक संबंध होते. दोघेजण काही काळ पती पत्नी सारखे राहत होते. काही दिवसापूर्वी मयत सोनाली ही तीचा प्रियकर सखाराम याला सोडून तीच्या पतीकडे गेली होती. त्यानंतर तीने पून्हा सखाराम याला फोन करुन सांगीतले कि, मला तूझ्याकडे यायचे आहे, मला पैसे दे, मी ज्याच्या सोबत गेले होते. त्याच्यावर गुन्हा दाखल करणार आहे. तसेच तु मला नाही सांभाळले तर मी तुला सोडणार नाही. तुझ्या विरुध्द गुन्हा दाखल करेल, अशी धमकी देऊ लागली. त्यामुळे सखाराम तीच्या धमकीला वैतागला होता.



दि. १९ फेब्रुवारी २०२५ रोजी सायंकाळच्या सुमारास मयत सोनाली ही तीचा प्रियकर सखाराम याला भेटण्यासाठी पुणे येथुन नगर येथे आली. नगर बस स्थानकावर दोघांची भेट झाली. त्यानंतर सखाराम हा सोनाली हिला घेऊन राहुरी तालुक्यातील वांबोरी परिसरात असलेल्या पंचमुखी महादेव मंदीरा शेजारच्या डोंगराजवळ आला. सायंकाळी ७.३० वाजे दरम्यान त्या दोघांनी तेथे बसून गप्पा मारल्या. त्यानंतर दोघांमध्ये वाद झाला. आणि सखाराम याने सोनाली हिला लाकडी दांडा व दगडाने मारहाण केली. त्यानंतर त्याने कोयत्याने सोनालीवर वार करून तीचे शिर धडापासुन वेगळे करून तीची निर्घृणपणे हत्या केली. त्यानंतर आरोपी सखाराम हा स्वतः वांबोरी येथील पोलिस चौकीत हजर झाला आणि गुन्हा केल्याची कबूली दिली.


घटनेची माहिती मिळताच अप्पर पोलीस अधीक्षक वैभव कलुबर्मे, उप विभागीय पोलिस अधिकारी डाॅ. बसवराज शिवपूजे, पोलिस निरीक्षक संजय ठेंगे, हवालदार वाल्मीक पारधी, सुनिल निकम, आजिनाथ पालवे, अंकुश भोसले आदि पोलिस पथकाने तात्काळ घटनास्थळी धाव घेतली. आणि मयत सोनाली राजू जाधव हिचे धड व धडापासुन वेगळे झालेले शिर ताब्यात घेतले. त्यानंतर मृतदेह अहिल्यानगर येथील जिल्हा न्यायालयात उत्तरीय तपासणीसाठी पाठविण्यात आला. राहुरी पोलिस पथकाने आरोपीला गजाआड केले आहे. पोलिस नाईक सुनिल निकम यांच्या फिर्यादीवरून आरोपी सखाराम धोंडीबा वालकोळी, वय ५३ वर्षे, रा. निरगुडसर, ता. आंबेगांव, जि. पुणे याच्यावर गुन्हा रजि. नं. १३४/२०२५ भारतीय न्याय संहिता कलम १०३ प्रमाणे खुनाचा गुन्हा दाखल करण्यात आला. या घटनेचा पुढील तपास पोलिस निरीक्षक संजय ठेंगे यांच्या मार्गदर्शनाखाली पोलिस उप निरीक्षक सुदर्शन बोडके हे
करीत आहे.

Comments
Add Comment

शिवसेना आमदार अमोल खताळ यांच्यावर हल्ला

संगमनेर : संगमनेर विधानसभेचे शिवसेनेचे आमदार अमोल खताळ यांच्यावर हल्ला झाल्याची घटना गुरुवारी संध्याकाळी ७.४०

विरार दुर्घटना : मृतांच्या कुटुंबियांना ५ लाखांची मदत जाहीर

मुंबई : विरार भागात एक इमारत कोसळून झालेल्या दुर्घटनेत आतापर्यंत 17 जणांचा मृत्यू झालेला आहे, याबद्दल मुख्यमंत्री

Dagdusheth Halwai Ganpati Atharvashirsha : दगडूशेठ गणपतीसमोर ३५ हजार महिलांचे एकत्रित अथर्वशीर्ष पठण; खासदार सुनेत्रा पवारांचीदेखील खास उपस्थिती

पुणे : गणेशोत्सवाच्या दुसऱ्या दिवसाची सुरुवात पुण्यात भक्तिभाव आणि मंत्रोच्चारांच्या गजरात झाली. शहरातील

गडचिरोली जिल्ह्यात चकमक, एवढे जहाल नक्षलवादी ठार

गडचिरोली : महाराष्ट्रातील गडचिरोली जिल्ह्यात सुरक्षा पथक आणि नक्षलवादी यांच्यात चकमक झाली. या चकमकीत चार जहाल

Manoj Jarange Patil On Devendra Fadnavis : “शिवनेरीवरून शब्द देतो...” मनोज जरांगे पाटलांचा फडणवीसांना थेट इशारा!

पुणे : मराठा समाजाला आरक्षण (Maratha Reservation) मिळावे, या प्रमुख मागणीसाठी अंतरवाली सराटीतून २७ ऑगस्ट रोजी मुंबईच्या

विरार इमारत दुर्घटना, मृतांचा आकडा १५ वर

वसई: वसई तालुक्याच्या विरार येथील नारंगी रोडवरील रमाबाई अपार्टमेंट इमारत कोसळून झालेल्या दुर्घटनेतील मृतांचा