Milind Rege : क्रीडाविश्वात शोककळा! मुंबईचे माजी कर्णधार सुनील गावस्कर यांच्या जिवलग मित्राचे निधन

मुंबई : मुंबई क्रिकेटला दुःखाच्या छायेत टाकणाऱ्या एका घटनेत, मुंबईचे माजी कर्णधार आणि क्रिकेट दिग्गज सुनील गावस्कर (Sunil Gavaskar) यांचे जवळचे मित्र मिलिंद रेगे (Milind Rege) यांचे आज सकाळी हृदयविकाराच्या तीव्र झटक्याने निधन झाले. वयाच्या ७६व्या वर्षी त्यांनी अखेरचा श्वास घेतला. यामुळे क्रीडाक्षेत्रात शोककळा पसरली आहे.

प्रभादेवी येथील रहिवासी असलेले रेगे गावस्कर यांच्यासोबत सेंट झेवियर्स हायस्कूल आणि सेंट झेवियर्स कॉलेजमध्ये गेले आणि त्यांचे जवळचे मित्र बनले. खरं तर, रेगेच्या आग्रहामुळेच गावस्कर त्यांच्या आंतरशालेय क्रिकेटच्या दिवसांपासून सलामीवीर बनले. मिलिंद रेगे यांना क्रिकेटची खूप आवड होती. मात्र वयाच्या २६ व्या वर्षी त्यांना हृदयविकाराचा झटका आला. यामुळे त्यांना त्यांचा आवडता खेळ सोडावा लागला. मात्र क्रिकेटवर अतोनात प्रेम असल्यामुळे ते मुंबई क्रिकेट असोसिएशनची सेवा करत राहिले. ते जवळजवळ ३ दशके एमसीएचे निवडकर्ता होते. ते क्रिकेट सुधारणा समितीचाही भाग होते. सध्या ते मुंबई क्रिकेट असोसिएशनचे सल्लागार म्हणून कार्यरत होते. त्याचबरोबर रेगे हे स्थानिक क्रिकेटमध्ये टीव्ही समालोचक देखील होते.

सचिनला दिली संधी 

भारताचा महान क्रिकेटपटू सचिन तेंडुलकरने १९८८-८९ च्या हंगामात स्थानिक क्रिकेटमध्ये पदार्पण केले. तेव्हा तो फक्त १५ वर्षांचा होता. मिलिंद रेगे यांच्या मुंबई संघातील निवडीत त्यांचाही मोठा हात असल्याचे मानले जाते. १९८८-८९ मध्ये ते एमसीए निवड समितीचा भाग होते. त्याच्यामुळेच सचिनला प्रथम श्रेणी आणि लिस्ट ए मध्ये संधी मिळाली.

मिलिंद रेगे यांची कारकीर्द

• मुंबई रणजी संघाचे १९७० च्या दशकात नेतृत्व केले


• मुंबई रणजी संघाचे माजी अष्टपैलू खेळाडू


• निवृत्तीनंतर मुंबई क्रिकेट संघटनेत विविध पदांवर काम केले


• निवड समिती सदस्य, मार्गदर्शक आणि मुंबई क्रिकेट निवड समितीचे अध्यक्ष म्हणून काम केले


• अनेक युवा खेळाडूंना घडवण्यात योगदान दिले


• रेगेंचा जन्म १९४७ मध्ये झाला, त्यांनी १९६७ - ६८ ते १९७७ - ७८ दरम्यान मुंबई संघाचे प्रतिनिधित्व केले


• उजव्या हाताने फलंदाजी करणाऱ्या रेगेंनी ५२ प्रथम श्रेणी सामने खेळून ३६८३ धावा केल्या


• मध्यमगती गोलंदाजी करणाऱ्या रेगेंनी १२६ बळी घेतले. (Milind Rege)