मुंबई : मुंबईतील ट्रायडेंट हॉटेलची बातमी ताजी असतानाच भांडुप मधील बंद असलेल्या मॉलच्या नजीकच्या भागात महिलेचा मृतदेह आढळला आहे. या घटनेने भांडुप परिसरात खळबळ उडाली आहे. पोलीस या महिलेबद्दल अधिक माहिती मिळवत असून तिच्या नातेवाइकांबद्दलही तपास करत आहेत.
मुंबईच्या उपनगरातील भांडुप स्टेशनच्या नजीक बंद असलेल्या ड्रीम मॉलच्या बेसमेंटमध्ये साचलेल्या पाण्यात आज सकाळी ९:४० च्या सुमारास एका अज्ञात महिलेचा मृतदेह सापडला आहे. हा ड्रीम मॉल कित्येक वर्षांपासून बंद आहे. मुसळधार पाऊस पडल्यावर या भागात पाणी साचत असल्याने बऱ्याच व्यापारांनी या मॉल मधून काढता पाय घेतला. तसेच या मॉल मध्ये मध्यंतरी आग लागल्याने हॉस्पिटलमधील पेशंट इतरत्र हलवण्यात आले होते.
तेव्हापासून या मॉलचा दर्जा खालावला होता. त्यानंतर आज या मॉल मध्ये बेवारस मृतदेह आढळल्याने परिसरात भीतीचे वातावरण निर्माण झाले आहे. मृत महिला ३० वर्षांची असल्याचा अंदाज पोलिसांनी दर्शवला आहे. मिळालेल्या माहितीनुसार महिलेच्या अंगावर गुलाबी ड्रेस आणि पांढरी ओढणी असल्याचे समजले आहे. दरम्यान ही महिला कोण, ती इथे कशी आली, तिचा मृत्यू कशामुळे झाला, ही आत्महत्या आहे कि खूण अशा अनेक प्रश्नांचा छडा पोलीस लावत आहेत.
उच्च न्यायालयाकडून कारवाईला स्थगिती मुंबई : विलेपार्ले येथील दिगंबर जैन मंदिर तोडक कारवाईप्रकरणी पालिकेचे विभाग…
स्टेटलाइन : डॉ. सुकृत खांडेकर डायरेक्टोरेट ऑफ इर्फोसमेन्ट (ईडी)ने मनी लाँड्रिंगच्या आरोपाखाली सोनिया गांधी व…
मुंबई : भारतीय सैन्यदल, नौदल व वायुदलामध्ये अधिकारी पदावर भरती होण्याची इच्छा असलेल्या महाराष्ट्रातील युवक-युवतींसाठी…
दक्षिण भारतीय साईभक्तांकडून सर्वाधिक मुकुट शिर्डी : ज्यांच्या चरणी श्रद्धा आणि सबुरीने नतमस्तक झाल्यावर माणसाचं…
'शिट्टी वाजली रे' ला टक्कर द्यायला आला नवीन शो मुंबई: सध्या मराठी वाहिन्यांवर नवनवीन मालिका…
मुंबई: अनेकांना आपलं आरोग्य कसं आहे, आणि आपण किती वर्ष जगणार हे जाणून घेण्यासाठी अनेकजण…