महाराष्ट्र राज्य प्राथमिक शिक्षक भारतीचे १९ जानेवारीला जिल्हा अधिवेशन

  67

मंत्री नितेश राणे यांच्या हस्ते होणार उद्घाटन


संघटनेच्या नव्या कार्यकारिणीची होणार निवड


मसूरे | झुंजार पेडणेकर


महाराष्ट्र राज्य प्राथमिक शिक्षक भारती सिंधुदुर्ग शाखेचे त्रैवार्षिक जिल्हा अधिवेशन १९ जानेवारीला ओरोस येथे होणार आहे. या अधिवेशनाचे उदघाट्न मत्स्य व बंदरे मंत्री नितेश राणे यांच्या हस्ते होणार असून संघटनेचे राज्य संघटक किसन दुखंडे हे कार्यक्रमाचे अध्यक्ष असणार अशी माहिती जिल्हाध्यक्ष संतोष पाताडे यांनी दिली.


महाराष्ट्र राज्य प्राथमिक शिक्षक भारती ही संघटना अनेक वर्षांपासून शिक्षणाच्या हक्कासाठी शिक्षकांच्या सन्मानासाठी, शिक्षकांचा विविध प्रश्नांवर नेहमी संघर्ष करणारी राज्यव्यापी संघटना आहे. शिक्षकांचे विविध प्रश्न शासन दरबारी मांडत नेहमीच रस्त्यावर उतरणारी संघटना म्हणून संघटनेची ओळख आहे.अशा शिक्षक भारती संघटनेचे जिल्हा अधिवेशन १९ जानेवारी रोजी सकाळी १०.३० ते २.०० या वेळेत संपन्न होणार आहे.


या अधिवेशनाला मंत्री नितेश राणे हे प्रमुख उदघाटक असणार आहेत. तर विशेष अतिथी आम. दीपक केसरकर, आमदार निलेश राणे, माजी आमदार कपिल पाटील, मुख्य कार्यकारी अधिकारी मकरंद देशमुख, शिक्षणाधिकारी गणपती कमळकर, संघटनेचे राज्य उपाध्यक्ष दया नाईक, राज्य संघटक किसन दुखंडे, शिक्षक नेते संजय वेतुरेकर, माध्यमिक शिक्षक भारती अध्यक्ष प्रशांत आडेलकर, भाजप अध्यक्ष प्रभाकर सावंत, युवा उदयोजक भाई सावंत, संतोष वालावलकर तर संघटनेचे सर्व पदाधिकारी यांची प्रमुख उपस्थिती असणार आहे.


अधिवेशनात शिक्षण क्षेत्रात उल्लेखनीय काम करणाऱ्या शिक्षकांचा व आदर्श शाळाचा सत्कार होणार असून विविध शैक्षणिक ठराव मांडले जाणार आहेत. तर नवी जिल्हा कार्यकारणीची निवड केली जाणार आहे. १९ जानेवारीला इच्छापूर्ती मंगल कार्यालय सिंधुदुर्ग नगरी येथे होणाऱ्या या अधिवेशनाला सर्व शिक्षकांनी मोठ्या संख्येने उपस्थित राहावे, असे आवाहन जिल्हाध्यक्ष संतोष पाताडे यांनी केले आहे.

Comments
Add Comment

मंत्री नितेश राणे उद्या घेणार अश्विनी वैष्णव यांची भेट

कोकण रेल्वे प्रवासी समितीच्या भेटीत समस्यांवर सविस्तर चर्चा  कणकवली : कोकण रेल्वे मार्गावरील प्रवाशांच्या

कुणकेश्वर तीर्थक्षेत्री होणार शिवशंभोचा गजर

देवगड : श्रावणी सोमवार उत्सवाला २८ जुलैपासून सुरुवात होत आहे. दक्षिण कोकणची काशी म्हणून प्रसिध्द असलेल्या

पालकमंत्री नितेश राणे यांच्या जनता दरबारातून वंचित घटकाला मिळाला न्याय

२०० पेक्षा जास्त तक्रारदारांचे झाले शंका समाधान वंचित घटकांना न्याय देण्याचा स्तुत्य उपक्रम; जनतेतून समाधान

शनिवारी अनुसूचित जमातीचा समाज संवाद, समस्या निवारण मेळावा

जिल्हा नियोजन कक्षात पालकमंत्री नितेश राणे यांची उपस्थिती सावंतवाडी : संविधानिक हितकरिणी महासंघाच्यावतीने

कोकणकन्या एक्सप्रेसमधून पडून तरुणाचा मृत्यू

सिंधुदुर्ग : मुंबईहून मडगावला जात असलेल्या कोकणकन्या एक्सप्रेसमधून पडून राहुल संतोष सावर्डेकर (वय २९, रा. चिपळूण,

सिंधुदुर्गमध्ये महाराष्ट्राचा पहिला काचेचा पूल सज्ज! नापणे धबधब्यावर पालकमंत्री नितेश राणे यांच्या हस्ते लोकार्पण, कोकण पर्यटनाला नवी झळाळी

सिंधुदुर्ग: कोकणच्या निसर्गरम्य सिंधुदुर्ग जिल्ह्यात, पर्यटनाला आंतरराष्ट्रीय स्तरावर नेणारे एक महत्त्वाचे