अहमदाबाद : सध्या लहान मुलांमध्ये आजाराचे प्रमाण मोठ्या प्रमाणात वाढत चालल्याचे समोर आले आहे. गुजरातमध्ये अहमदाबाद येथे एका ८ वर्षीय विद्यार्थीनीचा ह्रदय विकाराच्या झटक्याने (Heart Attack) शाळेतच मृत्यू झाल्याची धक्कादायक घटना घडली आहे. या घटनेमुळे शाळेय परिसरात एकच खळबळ उडाली आहे. तसेच या घटनेचा संपूर्ण व्हिडिओ सोशल मीडियावर व्हायरल होत आहे. (Viral Video)
नवी दिल्ली : दिल्ली विधानसभा निवडणुकीची रणधुमाळी सुरु असताना आप पक्षाला मोठा धक्का बसला आहे. पंजाबमधील आमदार गरप्रीत बस्सी गोगी (Gurpreet Gogi) यांच्या डोक्यात ...
मिळालेल्या माहितीनुसार, अहमदाबाद येथील झेबर स्कूल फॉर चिल्ड्रनमध्ये आज सकाळच्या सुमारास ही घटना घडली. तिसरीच्या वर्गात शिकणारी गार्गी रणपारा (८) असे मृत मुलीचे नाव असून आज सकाळी शाळेच्या वर्गात जात असताना लॉबीमध्ये खुर्चीवर बसल्यानंतर लगेचच बेशुद्ध पडली. यावेळी तिला श्वास घेण्यास त्रास होत असल्याने शालेय शिक्षकांनी तिला सीपीआर (कार्डिओपल्मोनरी रिसुसिटेशन) दिले आणि रुग्णवाहिका बोलावून तातडीने रुग्णालयात दाखल करण्यात आले. मात्र गार्गीला हृदयविकाराचा झटका आल्यामुळे तिचा जागीच मृत्यू झाल्याचे डॉक्टरांनी सांगितले.
दरम्यान, या घटनेचा संपूर्ण व्हिडिओ सीसीटीव्हीत कैद झाला आहे. यामध्ये आठ वर्षांची मुलगी शाळेच्या लॉबीमध्ये चालताना दिसत आहे. तथापि, तिच्या वर्गात जाताना तिला अस्वस्थ वाटू लागतं. त्यामुळे ती लॉबीमध्ये खुर्चीवर बसते. त्यानंतर ती बेशुद्ध झाल्यानंतर खुर्चीवरून सरकताना दिसत आहे. ती कोसळली तेव्हा शिक्षक आणि इतर विद्यार्थी लॉबीमध्ये उपस्थित होते. (Heart Attack)
