धनंजय मुंडेंनी कोट्यवधींची जमीन २१ लाखांत हडपली, सारंगी महाजनांचा आरोप

बीड : सरपंच संतोष देशमुख हत्येचे प्रकरणाला आता इतर विषय जोडले जाण्यास आणि मंत्री धनंजय मुंडे यांच्या अडचणी वाढण्यास सुरुवात झाली आहे. धनंजय मुंडे यांच्या माणसांनी धमकावले आणि गावातली साडेतीन कोटी रुपयांची जमीन अवघ्या २१ लाख रुपयांत खरेदी केली. धमकावून जबरदस्तीने सह्या घेतल्या आणि जमिनीच्या सातबारा उताऱ्यावरील नोंदी बदलल्या, असा गंभीर आरोप सारंगी महाजन यांनी केला आहे. सारंगी महाजन या धनंजय मुंडेंच्या मामी आहेत.



प्रवीण महाजनांच्या निधनाला जवळपास पंधरा वर्षे झाली. आता आमच्या गावातल्या संपत्तीवर यांचा डोळा आहे. धनंजय मुंडेंचे नोकर गोविंद मुंडे यांनी धमकावले. धमकावून जबरदस्तीने सह्या घेतल्या आणि जमिनीच्या सातबारा उताऱ्यावरील नोंदी बदलल्या. आता जमीन गोविंद मुंडे, त्यांची सून आणि दशरथ साठे यांच्या नावावर आहे. आधी या विषयाची माहितीच नाही असे दाखवणाऱ्या धनंजय मुंडे यांनी मामी, काळजी करु नकोस. परळीत कोणतीही जमीन विकली गेली तर ती मला कळते असं सांगून धीर दिला होता. पण मी चोराकडेच गेले होते, ते नंतर माझ्या लक्षात आलं, असं सारंगी महाजन म्हणाल्या.



याआधी बीड जिल्ह्यातील मस्साजोग गावचे सरपंच संतोष देशमुख यांची हत्या झाली. या प्रकरणातील प्रमुख आरोपी वाल्मिक कराड सध्या पोलीस कोठडीत आहे. हा वाल्मिक कराड हा धनंजय मुंडेंचा विश्वासू आणि अतिशय जवळच्या माणसांपैकी एक असल्याच्या बातमी वृत्तवाहिन्यांनी दिल्या आहेत. यामुळे धनंजय मुंडे यांनी मंत्रि‍पदाचा राजीनामा द्यावा, अशी मागणी जोर धरू लागली आहे. ही मागणी जोर धरत असतानाच सारंगी महाजन यांनी जमीन हडपण्यात आल्याची माहिती प्रसारमाध्यमांना दिली आहे. यामुळे धनंजय मुंडे यांची आणखी कोंडी होण्याची शक्यता व्यक्त होत आहे.

कोण आहेत सारंगी महाजन ?

सारंगी महाजन या प्रवीण महाजनांच्या पत्नी आणि भाजपाचे दिवंगत नेते प्रमोद महाजन यांच्या वहिनी आहेत.
Comments
Add Comment

डॉक्टर तरुणीच्या आत्महत्येनंतर पहिल्यांदाच मुख्यमंत्र्यांचा फलटण दौरा

सातारा: फलटण उपजिल्हा रुग्णालयातील डॉक्टर तरुणीच्या आत्महत्येप्रकरणी आतापर्यंत दोन आरोपींना अटक झाली आहे.

रिद्धपूर येथे जागतिक कीर्तीचे विद्यापीठ साकारणार: फडणवीस

नाशिक : रिद्धपूर या तीर्थक्षेत्राने मराठी भाषा जीवंत ठेवण्याचे काम केले असून तेथे मराठी भाषा विद्यापीठ स्थापन

मुख्यमंत्री फडणवीस यांच्या व्यासपीठावर मनोज जरांगे येणार का?

सोलापूर : सोलापूर जिल्ह्यातील मंगळवेढा येथे उभारण्यात आलेल्या छत्रपती शिवाजी महाराजांच्या अश्वारूढ पुतळ्याचे

Sanjay Shirsat : संजय शिरसाटांच्या मनात नेमकं चाललंय काय? निवृत्ती की राजकीय खेळी?

शिंदे गटाच्या आमदाराच्या निर्णयामागे कुटुंबातील 'नवे नेतृत्व' आणण्याची खेळी? मुंबई : राज्याचे समाजकल्याण

मंत्री नितीन गडकरी यांच्यासमोर दोन महिला अधिकाऱ्यांमध्ये खुर्चीवरून भांडण! नागपूरचे पोस्टमास्टर जनरलपद नेमके कुणाकडे?

एकीने दुसरीच्या अंगावर पाणी ओतलं, चिमटाही काढला नागपूर : नागपूरमध्ये केंद्रीय मंत्री नितीन गडकरी यांच्या

फलटणच्या महिला डॉक्टर आत्महत्या प्रकरणाला नवं वळण, प्रशांतच्या बहिणीचा मोठा खुलासा

सातारा : साताऱ्यातील फलटण येथे महिला डॉक्टरने आत्महत्या केल्याच्या प्रकरणाला आता धक्कादायक वळण मिळालं आहे. या