Christmas : नाताळच्या सणानिमित्त काशिद-बिच पर्यटकांनी फुलला!

नववर्षाच्या स्वागतासाठी मुरुड हाऊसफुल्ल


मुरुड : नाताळच्या सणानिमित्त ख्रिसमसच्या (Christmas) स्वागतासाठी नववर्षाच्या स्वागतासाठी मुरुड जंजिरा पाहण्यासाठी तुफान गर्दी होत आहे. पर्यटनात जगाच्या पटलावर नावारूपाला आलेल्या मुरुड तालुक्यातील काशिद-बिच (Kashid Beach) समुद्र किनारा पर्यटकांनी फुलला असून रस्त्यावर दुतर्फा वाहनांच्या लांबचलांब रांगा लागलेल्या दिसून येतात.


काशिद-बिच समुद्र किनारा भरतीच्या वेळेस फेसाळणारे पाणी, उसळणाऱ्या लाटा, किनाऱ्यावरील शुभ्र वाळू येथे पर्यटकांना आकर्षित करते.पर्यटकांच्या सोयी-सुविधात याठिकाणी असलेली स्पीडबोट, पॅरेसेलिंगबोट, बनाना, बंफर तसेच घोडा-उंटावरील सफर पर्यटनाचा आनंद द्विगुणीत करते.याठिकाणी विविध खाद्य-पेय चहा-नाष्टा सोयी सुविधा उपलब्ध आहेत. याठिकाणी दर शनिवार, रविवार तसेच सुटीच्या दिवशी मोठ्या प्रमाणावर पर्यटक भेट देत असतात.



रस्त्यावर दुतर्फा वाहनांच्या रांगा लागलेल्या असतात. वेळप्रसंगी ट्रॅफिक जॅमलाही सामोरे जावे लागते. देश-विदेशातील पर्यटक देखील आवर्जून भेट देत असतात. पर्यटकांच्या सुरक्षेसाठी लाईफ गार्ड, स्थानिक, स्टॉलधारक, ग्रामपंचायतचे सहकार्य लाभते. पोलीस ही आपली कामगिरी उत्तम प्रकारे पार पाडतात. ग्रामपंचायत तसेच डॉ. नानासाहेब धर्माधिकारी प्रतिष्ठान, श्रीसदस्य, विविध सामाजिक संस्था यांच्या माध्यमातून या ठिकाणी वेळोवेळी स्वच्छता अभियान राबविण्यात येत असल्याने समुद्र किनारा चकाचक करण्यात येत असतो.


आतापासूनच याठिकाणी पर्यटकांची मांदियाळी दिसून येते आहे. सरत्या २०२४ सालाला निरोप देण्यासाठी व सन २०२५ चे स्वागत करण्यासाठी काशिद-बिच समुद्र किनारा फुलला असून थर्टीफस्टसाठी लॉज बुकिंग फुल होऊ लागले आहेत. नववर्षाच्या स्वागतासाठी समुद्र किनारे पर्यटकांनी फुलले आहेत.

Comments
Add Comment

ईशा केसकरच्या एक्झिटनंतर महिनाभरातच संपणार 'लक्ष्मीच्या पावलांनी'? नव्या मालिकेची घोषणा अन् वेळही तीच!

मुंबई : ‘लक्ष्मीच्या पावलांनी’ या मालिकेमध्ये ईशा केसकरच्या अचानक एक्झिटनंतर कथा मोठ्या वळणावर आली होती. तिच्या

"मोबाईल हातात असला की उंदरासारखे... " जया बच्चन यांची पापाराझींबद्दल स्पष्ट प्रतिक्रिया

मुंबई : अभिनेत्री आणि राज्यसभा खासदार जया बच्चन यांनी पुन्हा एकदा पापाराझींवर आपला कठोर सूर कायम ठेवला आहे. एका

मागाठाणेत उबाठाला शिवसेनेचेच आव्हान

चित्र पालिकेचे : मागाठाणे विधानसभा सचिन धानजी मुंबई : मागाठाणे विधानसभेत शिवसेनेचे प्रकाश सुर्वे हे आमदार असून

महापरिनिर्वाण दिनानिमित्त मध्य रेल्वेच्या विशेष अनारक्षित गाड्या

मुंबई : मध्य रेल्वेने महापरिनिर्वाण दिनानिमित्त आंबेडकरी अनुयायांसाठी ४ डिसेंबर ते ८ डिसेंबरपर्यंत १५ विशेष

बाईक टॅक्सी चालकाच्या खात्यात ३३१ कोटी रुपये

नवी दिल्ली : राजधानी दिल्लीत सक्तवसुली संचालनालयाला (ईडी) मनी लॉन्ड्रिंग प्रकरणाच्या तपासादरम्यान एका बाईक

ऑस्ट्रेलियन पीएम अल्बानीज यांनी ६२ व्या वर्षी बोहल्यावर , पत्नी १६ वर्षांनी लहान

कॅनबेरा : ऑस्ट्रेलियाचे पंतप्रधान अँथनी अल्बानीज यांनी नुकतेच त्यांची पार्टनर जोडी हेडन यांच्याशी लग्न केले. ६२