Sukhbir Singh Badal : मोठी बातमी! सुवर्ण मंदिराच्या गेटवर सुखबीर बादल यांच्यावर गोळीबार!

अमृतसर : अमृतसर येथील सुवर्ण मंदिराच्या प्रवेशद्वारावर शिरोमणी अकाली दलाचे नेते सुखबीर सिंग बादल (Sukhbir Singh Badal) यांच्यावर प्राणघातक हल्ला करण्यात आला आहे. सुखबीर सिंह बादल यांना आज पहाटे गोळ्या घालण्याचा प्रयत्न करण्यात आला. सुवर्ण मंदिराबाहेर हल्लेखोराच्या गोळीबारानं एकच खळबळ उडाली. मात्र, तिथे उपस्थित लोकांनी हल्लेखोराला पकडलं. सुखबीर सिंह बादल यांच्यावर हा जीवघेणा हल्ला तेव्हा झाला, जेव्हा ते सुवर्ण मंदिराच्या बाहेर द्वारपाल म्हणून धार्मिक शिक्षा भोगत होते.

अमृतसर इथल्या सुवर्ण मंदिराच्या प्रवेशद्वारावर शिरोमणी अकाली दलाचे नेते सुखबीर सिंग बादल यांच्यावर गोळीबाराचा प्रयत्न झाला आहे. एका व्यक्तीने त्यांच्यावर गोळीबार करण्याचा प्रयत्न केला. गोळीबार करणाऱ्या आरोपीला घटनास्थळी उपस्थित असलेल्या लोकांनी रोखलं व त्याला ताब्यात घेतलं. नारायण सिंह असं आरोपीचं नाव आहे. सुखबीर सिंग बादल यांना धार्मिक शिक्षा सुनावण्यात आली आहे. त्यासाठी ते सुवर्ण मंदिराच्या प्रवेशद्वारावर बसले होते. यावेळी अचानक एक व्यक्ती आला व त्याने सुखबीर सिंग बादल यांच्या दिशेने गोळीबार करण्याचा प्रयत्न केला. यावेळी तिथे उपस्थित लोकांनी त्याला पकडलं. आरोपी खालसाशी संबंधित असल्याचा संशय आहे.

गळ्यात फलक आणि हातात भाला घेऊन ते सुवर्ण मंदिराच्या प्रवेशद्वारावर बसले होते. यावेळी हल्ल्याचा प्रयत्न झाला. २ डिसेंबरला श्री अकाल तख्त साहीबने त्यांना ही शिक्षा दिली होती. २००७ ते २०१७ दरम्यान पंजाबमध्ये सत्तेवर असताना त्यांच्या पक्षाने आणि सरकारने केलेल्या चुकीबद्दल श्री अकाल तख्त साहीबने त्यांना ही शिक्षा सुनावली आहे.

A man opened fire at Shiromani Akali Dal leader Sukhbir Singh Badal at the entrance of Golden Temple Amritsar

हल्ला करण्यामागचं कारण ?

आरोपी खलिस्तान समर्थक असल्याचा संशय आहे. सुखबीर बादल यांच्यावर बेअदबी प्रकरणामुळे तो नाराज असल्याच बोललं जातय. शीख धर्मगुरुंकडून धार्मिक शिक्षा सुनावण्यात आली. त्यानंतर सुखबीर सिंग बादल यांनी काल सेवादार म्हणून सेवा दिली. आज त्यांच्या ‘तनखाह’ म्हणजे शिक्षेचा दुसरा दिवस होता. काल बादल यांनी निळ्या रंगाचा सेवादारचा पोषाख परिधान केला होता. सुवर्ण मंदिराच्या प्रवेशद्वारावर हातात भाला घेऊन व्हीलचेअरवर बसून ते तैनात होते. त्यांचा पाय फ्रॅक्चर झाल्याने ते व्हीलचेयरवर बसले होते.