संजय राऊत स्वतःची खासदारकी वाचवण्यासाठी भाजपमध्ये येण्यासाठी आतुर

भाजपा प्रवक्ते आमदार नितेश राणे यांचा गौप्यस्फोट

दुसऱ्यांच्या प्रवेशाबद्दल बोलण्या अगोदर संजय राऊतने स्वतःचेच बोलावे

राऊत हा उबाठाचा सुद्धा नाही हे ठाकरेंना २३ नंतर कळेल

कणकवली : स्वतःची खासदारकी वाचवण्यासाठी संजय राऊत हे भारतीय जनता पक्षामध्ये येण्यासाठी किती आतुर झाले होते. याचे पुरावे मी महाराष्ट्रा समोर देईन तेव्हा संजय राऊत यांना तोंड काळे करत फिरावे लागेल. त्यामुळे संजय राऊत यांनी दुसऱ्यांच्या प्रवेशावर बोलू नये. तुम्ही काय दुधासारखे स्वच्छ नाही आहात. मातोश्रीमध्ये येणाऱ्यांमध्ये सर्वात मोठा बेइमान संजय राजाराम राऊत आहे हे उद्धव ठाकरे यांना जेव्हा कळेल तेव्हा उशीर झालेला असेल. उरली सुरली उबाठा सुद्धा संपवायच्या मार्गावर राऊत आहे, हे उद्धव ठाकरेंना २३ तारखे नंतर कळेल, अशी टीका भाजप प्रवक्ते आमदार नितेश राणे यांनी केली.

आमच्या कुठल्या नेत्यांच्या घराच्या बाहेर याचा भाऊ आ.सुनील राऊत चार तास उभा होता. हा जेव्हा जेलमध्ये गेलेला तेव्हा ह्याच्या आमदार भावाने मातोश्रीला कुठली धमकी दिली. कसे मातोश्रीला नागडे करू अशी धमकी दिली होती.ही भाषा मातोश्री बद्दल वापरलेली होती. ह्यांना भारतीय जनता पक्षामध्ये यायचं होते. पक्षात घेण्यासाठी भिक मागत होता. याचा पूर्ण तपशील महाराष्ट्राला मला दाखवावा लागेल, सांगायला लागेल म्हणून दुसऱ्यांच्या प्रवेशाबद्दल बोलण्या अगोदर तुम्ही तुमचे पहा. जनता पक्षामध्ये प्रवेश आमच्या वरिष्ठांनी नाकारल्यामुळे आज तुम्ही उबाठा मध्ये बसलेला आहात त्याबद्दल बोला, असे संजय राऊत यांना नितेश राणे यांनी सुनावले.