Pune News : हवाई प्रवाशांसाठी आनंदवार्ता! इंडिगोने सुरू केले पुणे-भोपाळ उड्डाण

  48

इतर मार्गांवरही वाढवणार उड्डाणांची संख्या


पुणे : इंडिगो या भारतातील पसंतीच्या एअरलाइनने (Indigo Airlines) पुणे आणि भोपाळ यांना जोडणारा नवीन मार्ग सुरू करत असल्याचे जाहीर केले आहे. या नवीन मार्गामुळे पर्यटना बरोबरच या दोन शहरांमधील महत्त्वाच्या व्यापार व्यवसायाला देखील प्रोत्साहन मिळेल. २७ ऑक्टोबर २०२४ पासून दररोज या मार्गावर उड्डाण सुरू होईल. यामुळे कनेक्टिव्हिटी वाढेल आणि या भागात राहणाऱ्या प्रवाशांची सोय होईल.


ग्लोबल सेल्स, इंडिगोचे प्रमुख श्री. विनय मल्होत्रा म्हणाले, “२७ ऑक्टोबरपासून भोपाळ आणि पुणे या शहरांमध्ये दररोज थेट उड्डाणे सुरू करताना आम्हाला आनंद होत आहे. ही नवीन उड्डाणे सोयीस्कर समयी असतील आणि ती दोन प्रांतांना जोडण्याचे महत्त्वाचे काम करतील. भारतातील आघाडीची विमान सेवा म्हणून आम्ही व्यवसाय तसेच पर्यटनासाठी नवनवीन मार्गांवर उड्डाणे सुरू करून विशेषतः सणासुदीच्या मोसमातील वाढत्या मागण्या पूर्ण करण्याचे वचन पाळण्याबाबत कटिबद्ध आहोत. आमच्या व्यापक ६ ई नेटवर्कच्या माध्यमातून आम्ही भारतात आणि भारताच्या बाहेर सुरक्षित, किफायतशिर आणि वेळ पाळणारी सेवा व त्रासमुक्त प्रवास ऑफर करण्याची परंपरा चालू ठेवली आहे.”


तसेच ‘पूर्वेचे ऑक्सफर्ड’ किंवा विद्येचे माहेरघर म्हणून ओळखले जाणारे पुणे हे महाराष्ट्रातील एक गजबजलेले शहर आहे. येथील शैक्षणिक संस्था आणि सांस्कृतिक वारसा ही पुण्याची ओळख असून . पुणे हे आयटी आणि व्यवसायांचे हब आहे, त्यामुळे देशभरातून व्यावसायिक येथे आकर्षित होत असतात. भारतातील ऑटोमोटिव्ह उद्योगाचे देखील पुणे हे मोठे केंद्र आहे. भोपाळ ही मध्य प्रदेशाची राजधानी असून इतिहास आणि नैसर्गिक सौंदर्य यांचा अनोखा संगम येथे झालेला दिसतो. ‘तलावांचे शहर’ म्हणून ओळखल्या जाणाऱ्या भोपाळमध्ये अनेक सुंदर तलाव आणि हिरवीगार उद्याने आहेत. सांस्कृतिक वैविध्याच्या बाबतीत भोपाळ समृद्ध आहे. येथे ताज-उल्-मस्जिद आणि भारत भवन सारखे अप्रतिम वास्तूकलेचे नमुने बघायला मिळतात.



उड्डाणांची संख्या वाढणार


पुणे-इंदूर, पुणे-चेन्नई आणि पुणे-रायपूर या मार्गांवर, इंडिगो दिवाळीच्या आधीच म्हणजे २७ ऑक्टोबर पासून आपल्या उड्डाणांची संख्या देखील वाढवणार आहे. या उड्डाणांचा उपयोग पुण्याहून आणि पुण्याला जाणाऱ्या प्रवाशांना तर होईलच, शिवाय देशातील नवीन जागांवर फिरण्यासाठीची आकर्षक संधी मिळेल.



उड्डाणांचे वेळापत्रक



  • ६E २५८ पुणे भोपाळ दररोज २७ ऑक्टोबर २०२४ १:०० २:३५

  • 6E २५७ भोपाळ पुणे दररोज २७ ऑक्टोबर २०२४ ३:०५ ४:५०

Comments
Add Comment

MSBTE च्या विद्यार्थ्यांसाठी मोठी बातमी! निकाल रोखून ठेवलेल्या, अनुत्तीर्ण विद्यार्थ्यांना पुन्हा परीक्षा देण्याची संधी - लोढा

मुंबई: महाराष्ट्र राज्य तंत्रशिक्षण मंडळाच्या जुलै २०२५ या सत्रातील एक वर्ष कालावधी अभ्यासक्रमाच्या निकाल

श्री तुळजाभवानी मंदिरातील तलवार चोरीच्या बातम्या खोट्या, अफवांवर विश्वास ठेवू नका!

धाराशिव : श्री तुळजाभवानी मंदिरात सध्या जतन,संवर्धन व विविध विकासकामे मोठ्या प्रमाणावर सुरू असून,या अनुषंगाने

Daund Yawat Tension: ५०० जणांविरुद्ध गुन्हा दाखल, १७ जणांना अटक, कलम १६३ लागू...

पुण्यातील जातीय हिंसाचारावर कारवाई पुणे जिल्ह्यातील दौंड तालुक्यामधील यवत गावात शुक्रवारी एका सोशल मीडिया

महाराष्ट्रात ४.१७ कोटींची बेनामी मालमत्ता उघड!

मुंबई : महाराष्ट्र लाचलुचपत प्रतिबंधक विभागाने (ACB) यावर्षी भ्रष्ट लोकसेवक आणि खाजगी व्यक्तींविरुद्ध चार

पतीची न्यायालयीन कोठडीत रवानगी, रोहिणी खडसेंनी घेतली शरद पवारांची भेट

पुणे : पुण्यातील खराडी परिसरातल्या रेव्ह पार्टीवर पोलिसांनी धाड टाकली. घटनास्थळावरुन अमली पदार्थ जप्त केले. या

‘महादेवी हत्तिणी’च्या ‘नांदणी’वापसीचा मार्ग मोकळा, पण कायद्याचा अडसर

कोल्हापूर : संपूर्ण कोल्हापूर जिल्ह्याचे लक्ष लागून राहिलेल्या महादेवी हत्तिणीला जनभावनांचा आदर करत ‘वनतारा’