निर्देशांकातील तेजी कायम

गुंतवणुकीचे साम्राज्य – डॉ. सर्वेश सुहास सोमण

आठवड्यात दोन मोठ्या कंपन्यांचे लिस्टिंग झाले. यामध्ये पीएन गाडगीळ ज्वेलर्स लिमिटेडचे शेअर्स बॉम्बे स्टॉक एक्स्चेंज (BSE) वर ₹८३४ वर सूचीबद्ध झाले, इश्यू किमतीपेक्षा ७३.७५% जास्त. नॅशनल स्टॉक एक्स्चेंज (NSE) वर शेअर ₹८३०वर सूचीबद्ध झाला, इश्यू किमतीपेक्षा ७२.९१% जास्त. या प्रारंभिक सार्वजनिक ऑफरची इश्यू किंमत ₹४८०होती. हा IPO १० सप्टेंबर ते १२ सप्टेंबर या कालावधीत बोलीसाठी खुला होता. तीन ट्रेडिंग दिवसांत IPO एकूण ५९.४१ वेळा सबस्क्राइब झाला. किरकोळ श्रेणीत १६.५८ पट, पात्र संस्थात्मक खरेदीदार (QIB) मध्ये १३६.८५ पट आणि गैर-संस्थात्मक गुंतवणूकदार (NII) श्रेणीमध्ये ५६.०८ पट सदस्यता घेतली गेली. पीएन गाडगीळ ज्वेलर्सचा इश्यू १,१०० कोटी रुपयांचा होता. पीएन गाडगीळ ज्वेलर्सचा हा इश्यू एकूण ₹१,१०० कोटी होता. यासाठी, कंपनीने ₹८५० कोटी किमतीचे शेअर्स जारी केले, तर कंपनीच्या विद्यमान गुंतवणूकदारांनी २५०कोटी रुपयांचे शेअर्स ऑफर फॉर सेल म्हणजेच OFS द्वारे विकले. यामध्ये किरकोळ गुंतवणूकदार जास्तीत जास्त ४०३ शेअर्ससाठी बोली लावू शकले. प्रायमरी मार्केटला पीएन गाडगीळ ज्वेलर्सने इश्यूची किंमत ₹४५६ ते ₹४८० निश्चित केली होती. किरकोळ गुंतवणूकदार किमान एक लॉट म्हणजे ३१ शेअर्ससाठी बोली लावू शकले. जर तुम्ही ₹ ४८०च्या IPOच्या वरच्या प्राइस बँडवर १ लॉटसाठी अर्ज केला असता, तर तुम्हाला ₹१४,८८०ची गुंतवणूक करावी लागली असती. त्याचवेळी, किरकोळ गुंतवणूकदार जास्तीत जास्त १३ लॉटसाठी म्हणजेच ४०३ शेअर्ससाठी अर्ज करू शकणार होते. यासाठी गुंतवणूकदारांना वरच्या किमतीच्या बँडनुसार ₹१९३,४४० ची गुंतवणूक करावी लागली असती. यात ३५% इश्यू किरकोळ गुंतवणूकदारांसाठी राखीव होता. कंपनीने पात्र संस्थात्मक खरेदीदारांसाठी (QIB) इश्यूचा ५०% राखीव ठेवला आहे. याशिवाय, ३५% हिस्सा किरकोळ गुंतवणूकदारांसाठी राखीव आहे आणि उर्वरित १५% हिस्सा गैर-संस्थात्मक गुंतवणूकदारांसाठी (NII) राखीव होता.

मागील आठवड्यात बजाज हाऊसिंगची देखील धमाकेदार सुरुवात झाली. बीएसई आणि एनएसई या दोन्ही निर्देशांकांवर ११४.२९% प्रीमियमसह कंपनीचे शेअर्स १५० रुपयांवर सूचीबद्ध झाले असून IPO मध्ये एका शेअरची किंमत ७० रुपये होती. अशा स्थितीत, गुंतवणूकदारांना लिस्टिंगवर एका शेअरवर ८० रुपये नफा झाला जो इश्यू किमतीच्या दुपटीहून अधिक आहे. तसेच लिस्टिंगनंतर स्टॉक आणखी तेजी होत काही मिनिटांतच १५५ रुपयांच्या पुढे गेला. या आयपीओला देखील गुंतवणूकदारांचा उत्स्फूर्त प्रतिसाद मिळाला होता. अनलिस्टेड ग्रे मार्केटमधील ताबडतोब मागणीचा मागोवा घेत बजाजच्या आयपीओला तीन दिवसांत विक्रमी सबस्क्रिप्शन मिळाले. बजाज हाऊसिंग फायनान्सने ६,५६० कोटी रुपयांचा आयपीओ लाँच केला होता ज्याला ३.२४ कोटींची बोली मिळाली आणि आयपीओ एकूण ६४ पट सबस्क्रिप्शन मिळाले. या आयपीओअंतर्गत किरकोळ गुंतवणूकदारांसाठी (RII) राखीव भाग ७.०४ पट, पात्र संस्थात्मक खरेदीदारांसाठी राखीव भाग २०९.३६ पट आणि NII साठी आरक्षित भाग ४१.५१ पटी सबस्क्राइब करण्यात आला. सध्या तेजीच्या लाटांवर स्वार असणारा शेअर बाजार या आठवड्यात देखील मोठ्या तेजीत राहिला. पुढील आठवड्याचा विचार करता निफ्टीची २५३०० ही अत्यंत महत्त्वाची पातळी असून जोपर्यंत निफ्टी या पातळीच्यावर आहे तोपर्यंत ही तेजी कायम राहील. चार्टचा विचार करता ही तेजी अशीच कायम राहिली, तर निफ्टी २६ हजाराचा विक्रमी टप्पा गाठू शकते.

(सुचना: लेखकाची तसेच त्यांच्या जवळच्या नातेवाइकांची लेखात सुचवित असलेल्या कंपन्यांच्या शेअर्समध्ये कोणतीही गुंतवणूक नाही किंवा सुचविलेल्या कंपन्यांशी लेखकाचा कुठलाही संबंध नसून कंपनीकडून कोणतेही मानधन किंवा भेटवस्तू घेतलेली नाही)

samrajyainvestments@gmail.com