Stree 2 Box Office Collection : ‘स्त्री-२’ ने बॉक्स ऑफिसवर केली छप्परफाड कमाई, 'गदर २' ला टाकलं मागं

मुंबई: श्रद्धा कपूर आणि राजकुमार राव मुख्य भूमिकेत असलेल्या ‘स्त्री-२’ (Stree 2) चित्रपटाचे चाहते प्रतिक्षेत होते. २०१८ मध्ये प्रदर्शित झालेला स्त्री हा चित्रपट चांगलाच गाजला होता. या चित्रपटानंतर स्त्री २ या चित्रपटाची प्रेक्षक आतुरतेने वाट पाहत होते. अखेर गुरुवारी (१५ ऑगस्ट) रोजी सर्वत्र हा चित्रपट प्रदर्शित झाला. चित्रपटगृहात प्रदर्शित होताच 'स्त्री २'ने बॉक्स ऑफिसला पछाडून सोडलेलं आहे. या चित्रपटाचं सात दिवसात बॉक्स ऑफिसवर अफलातून केलेल्या कमाईचं कलेक्शन समोर आलं आहे.


मिळालेल्या माहितीनुसार, पहिल्याच दिवशी 'स्त्री २'ने छप्परफ़ाड ओपनिंग केली. चित्रपट प्रदर्शनाच्या दिवशी श्रद्धा कपूरच्या चित्रपटाने तब्बल ५१.८ कोटींचा गल्ला कमावला. यंदाच्या वर्षामधला बॉलीवूडचा सर्वाधिक ओपनिंग करणारा 'स्त्री २' दुसरा सिनेमा ठरला आहे. चित्रपटाच्या प्रदर्शनांनतर दुसऱ्या दिवशी कमाईत घट झाल्याचं पाहायला मिळालं. मात्र, वीकेंडला या चित्रपटाने पुन्हा बॉक्स ऑफिस गाजवलं. सध्या बॉक्स ऑफिसवर केवळ स्त्री २ या चित्रपटाचच बोलबाला चालू असल्याचं पाहायला मिळत आहे.



सध्या स्त्री २ (Stree 2) चित्रपटाची जादू सर्वत्र पाहायला मिळत आहे. श्रद्धा कपूर यावेळी या चित्रपटात चंदेरी गावावर आलेल्या संकटाचा अंत करण्यासाठी डायन बनून लढताना दिसत आहे. प्रेक्षकांना हा चित्रपट भलताच पसंतीस पडला आहे. स्त्री २ बॉक्स ऑफिसवर अनेक मोठ्या चित्रपटांना जबरदस्त स्पर्धा देत आहे. मिळालेल्या माहितीनुसार, स्त्री २ ने रिलीजच्या ८ व्या दिवशी सुमारे १६ कोटी रुपयांची अफलातून कमाई केली आहे.



स्त्री २ च्या कलेक्शनवर एक नजर


पेड प्रीव्यू ८ कोटी रुपये

१ दिवशी ५१.८ कोटी रुपये


२ दिवशी ३१.४ कोटी रुपये


३ दिवशी ४३.८५ कोटी रुपये


४ दिवशी ५५.९ कोटी रुपये


५ दिवशी ३८. १ कोटी रुपये


६ दिवशी २५.८ कोटी रुपये


७ दिवशी २० कोटी रुपये


८ दिवस १६ कोटी रुपये



आतापर्यंत एकूण कलेक्शन २९०.८५ कोटी रुपये


'स्त्री २' चे आतापर्यंतचे बॉक्स ऑफिस कलेक्शन (Box Office Collection) पाहिल्यास चित्रपटाने भारतात २९०.८५ कोटीची धमाकेदार कमाई केली आहे. ६० कोटींच्या बजेटमध्ये तयार झालेल्या या चित्रपटाने कमाईच्या बाबतीत जगभरात आपला ठसा उमटवला आहे. मिळालेल्या माहितीनुसार, जगभरात 'स्त्री २' ने ४०० कोटींचा आकडा पार केला आहे.



स्त्री २ ने गदर २ ला दिली मात


१५ ऑगस्टला रिलीज झालेल्या हॉरर-कॉमेडी स्त्री २ ने पहिल्या आठवड्यात 8 दिवस बॉक्स ऑफिसवर अगदी धुमाकूळ घातली आहे. कमी बजेटमध्ये चित्रपट बनवण्यात आल्यामुळे भारतातील मोठ्या ब्लॉकबस्टरच्या यादीत स्त्री २ चा समावेश करण्यात आला आहे. तर स्त्री २ ने दुसऱ्या गुरुवारी १६ कोटी रुपयांची कमाई केली.


कमाईच्या बाबतीत स्त्री २ ने भला मोठा आकडा गाठल्यामुळे तो अफलातून कमाई केलेला आता पर्यंतचा चौथा हिंदी चित्रपट ठरला आहे. या यादीमध्ये शाहरुख खानच्या पठाण आणि जवान या चित्रपटांची नावे प्रथम आहेत. रणबीर कपूरचा ॲनिमल (Animal) चित्रपट तिसऱ्या क्रमांकावर आहे. त्यानंतर सनी देओलच्या गदर २ (Gadar 2) चे नाव चौथ्या क्रमांकावर होते. पण आता मात्र त्याची जागा स्त्री २ या चित्रपटाने घेरली आहे. या वीकेंडला श्रद्धा कपूर आणि राजकुमार राव यांचा स्त्री २५००० कोटींची कमाई करेल अशी शक्यता वर्तवण्यात येत आहे.

Comments
Add Comment

"मोबाईल हातात असला की उंदरासारखे... " जया बच्चन यांची पापाराझींबद्दल स्पष्ट प्रतिक्रिया

मुंबई : अभिनेत्री आणि राज्यसभा खासदार जया बच्चन यांनी पुन्हा एकदा पापाराझींवर आपला कठोर सूर कायम ठेवला आहे. एका

सुरज चव्हाणच्या लग्नात गोंधळ, “सगळ्यांची डोकी फिरली आहेत” म्हणत जान्हवी किल्लेकरने घेतली माईकची जबाबदारी

मुंबई : बिग बॉस मराठीच्या पाचव्या पर्वाचा विजेता सूरज चव्हाण याचा विवाहसोहळा पुरंदर तालुक्यातील खळद येथील माऊली

Tere Ishk Mein Movie : धनुषने मोडला स्वतःचा रेकॉर्ड! 'तेरे इश्क में'ची जबरदस्त ओपनिंग; २०२५ मधील सर्वात मोठ्या हिट चित्रपटांच्या यादीत एन्ट्री

२०२५ हे वर्ष चित्रपटसृष्टीसाठी अत्यंत यशस्वी ठरले आहे. या वर्षात अनेक उत्कृष्ट चित्रपट प्रदर्शित झाले असून,

‘द फोल्क आख्यान’च्या संगीतकाराचे पहिल्यांदाच मराठी चित्रपटाला संगीत !

शाळेच्या आठवणींना पुन्हा उजाळा देणाऱ्या ‘क्रांतिज्योती विद्यालय - मराठी माध्यम’ या चित्रपटाचा टीझर नुकताच

लवकरच येतोय ‘मिस यू मिस्टर’

मंत्रा व्हिजनच्या सहकार्याने थर्ड आय क्रिएटिव्ह फिल्म्स प्रस्तुत ‘मिस यू मिस्टर’ हा चित्रपट प्रेक्षकांच्या

हृषिकेश जोशी यांचा ‘बोलविता धनी’ आहे तरी कोण?

आपल्या अभिनयाने प्रेक्षकांची मनं जिंकून घेतलेले आणि लेखक-दिग्दर्शक म्हणूनही आपली वेगळी ओळख निर्माण केलेले