Sambhajinagar News : धक्कादायक! वृद्ध व्यक्तीच्या अंगावर पेट्रोल टाकून जिवंत जाळण्याचा प्रयत्न

  67

'माझ्या एरियात राहायचे नाही,असे म्हणत माचिसची पेटलेली काडी अंगावर फेकली अन्...


संपूर्ण थरार सीसीटीव्हीत कैद


छत्रपती संभाजीनगर : एका वयोवृद्ध व्यक्तीला काही तरुणांनी पेट्रोल टाकून जाळण्याचा धक्कादायक (Sambhajinagar News) प्रकार छत्रपती संभाजीनगर येथे घडला आहे. याठिकाणी एका वयोवृद्ध भिकाऱ्याची काही तरुणांसोबत बाचाबाची झाली होती. मात्र या वादामुळे तरुणांनी त्या वृद्ध व्यक्तीवर चक्क पेट्रोल ओतून त्याला जिवंत जाळण्याचा प्रयत्न केला. किरकोळ वादाचे रुपांतर जीवघेणा झाल्याने परिसरात एकच खळबळ उडाली आहे.


मिळालेल्या माहितीनुसार, छत्रपती संभाजीनगर शहरातील शंभूनगर येथील शहाणूर मिया दर्गा परिसरात असणाऱ्या त्रिशरण चौकात तीन तरुणांनी एका ५७ वर्षांच्या भिकारी व्यक्तीला जिवंत जाळण्याचे थरारक कृत्य केले आहे. या घटनेमध्ये वृद्ध व्यक्ती गंभीररित्या भाजली असून त्याच्यावर सध्या घाटी रुग्णालयात उपचार सुरू आहेत. संपूर्ण घटना सीसीटीव्हीमध्ये कैद झाली असून त्याच्या आधारे संभाजीनगर पोलिसांनी तिन्ही आरोपींना अटक केली आहे.


मिळालेल्या माहितीनुसार, छत्रपती संभाजीनगर शहरातील शहाणूर मिया दर्गा परिसरात असणाऱ्या त्रिशरण चौकात ही धक्कादायक घटना घडली आहे. गंभीर गुन्हे दाखल असलेल्या ३ तरुणांनी एका ५७ वर्षांच्या भिकारी व्यक्तीला जिवंत पेटवून दिले. या घटनेमध्ये महिपालसिंग रणधीरसिंग गौर हे ३५ टक्के भाजले असून त्यांच्यावर सध्या घाटी रुग्णालयात उपचार सुरू आहे.



संपूर्ण थरार सीसीटीव्हीत कैद


हा सगळा प्रकार सीसीटीव्ही कॅमेऱ्यामध्ये कैद झाला आहे. शहाणूर मिया दर्गा परिसरात राहणाऱ्या एका भिकारीला गंभीर गुन्हे दाखल असलेल्या तीन तरुणांनी 'तू माझ्या परिसरात राहायचे नाही, इथून निघून जा' अशी धमकी दिली. मात्र भिकाऱ्याने त्यांचे ऐकले नसल्यामुळे रागाच्या भरात तरुणांनी या व्यक्तीच्या अंगावर बाटलीतील पेट्रोल टाकले. त्यानंतर त्यांच्या अंगावर जळती माचिसची काडी फेकली. अंगावर पेट्रोल टाकल्यामुळे छोट्याशा काडीने आगीचा पेट घेतला व जोरदार आग भडकल्यामुळे महिपालसिंग नामक जखमी व्यक्ती ३५ टक्के भाजून गेले.


दरम्यान, परिसरातील व्यक्तींनी तातडीने जखमी व्यक्तीला घाटी रुग्णालयामध्ये दाखल करण्यात आले असून त्यांच्यावर उपचार सुरू आहेत.



आरोपींची माहिती


संभाजीनगर पोलिसांनी सीसीटीव्हीच्या आधारे आरोपींना ताब्यात घेतले आहे. आदिल शेख, कृष्णा शिंदे आणि शेख अयाज अशी आरोपींची नावे आहेत. या तरुणांविरोधात गुन्हा दाखल करत पोलिसांनी त्यांना अटक केली आहे. अटक केलेल्या आरोपींविरोधात यापूर्वीही विविध पोलिस ठाण्यात गंभीर स्वरूपाचे गुन्हे दाखल केले होते.

Comments
Add Comment

वादग्रस्त विधाने करू नयेत, सर्वांनी समन्वयाने काम करावे - आमदार दीपक केसरकर

सिंधुदुर्ग - महायुतीची सध्याची राजकीय परिस्थिती चांगली असून, कार्यकर्त्यांनी कोणत्याही प्रकारची वादग्रस्त

समृद्धीवर वेगमर्यादेचे उल्लंघन, आता असणार सीसीटीव्हीची नजर

अमरावती : नागपूर ते मुंबई या समृद्धी महामार्गावर सुसाट वेगाने धावणाऱ्या वाहनांच्या वेगावर नियंत्रण

मुंबई-गोवा महामार्गावर अपघात, महिलेचा मृत्यू

सिंधुदुर्ग : मुंबई गोवा महामार्गावर कसाल येथील खालसा धाब्यासमोर एका मोपेडला ईर्टीका कारने जोरदार धडक

Sambhajinagar Illegal Construction: छत्रपती संभाजीनगरमध्ये अवैध बांधकामावर हातोडा; विरोध करणाऱ्यावर होणार कायदेशीर कारवाई

विरोध करणाऱ्यावर कायदेशीर कारवाई करण्याचे आदेश  संभाजीनगर: छत्रपती संभाजीनगर महानगरपालिकेने दोन दिवसांच्या

OBC reservation : सर्वोच्च न्यायालयाचा ऐतिहासिक निर्णय! नवीन प्रभाग रचनेनुसार आणि ओबीसी आरक्षणासह निवडणुका होणार!

२७ टक्के ओबीसी आरक्षणाला आव्हान देणारी याचिका फेटाळली नवी दिल्ली : महाराष्ट्रातील राजकीय वर्तुळात गेल्या अनेक

शिक्षकाने लॉजमध्ये जाऊन का केली आत्महत्या?

नांदेड : नांदेड जिल्ह्यात एक धक्कादायक घटना समोर आली आहे. कंधार तालुक्यातील एका खासगी शिक्षण संस्थेत कार्यरत