Tamhini Ghat : ताह्मिणी घाटात वाहून गेलेल्या तरुणाने लेकीला सांगितले व्हिडीओ काढ आणि...

  194

वडील वाहून जातानाचा 'तो' दुर्दैवी क्षण मुलीनेच केला रेकॉर्ड


पुणे : पावसाळी पर्यटनाचा (Monsoon trip) आनंद घेता घेता पाण्याच्या प्रवाहात वाहून गेलेल्या पर्यटकांच्या वाढत्या घटनांमुळे राज्यात चिंतेचं वातावरण निर्माण झालं आहे. लोणावळ्याच्या भुशी डॅममध्ये (Lonavla Bhushi Dam) वाहून गेलेल्या एकाच कुटुंबातील पाच जणांमुळे तर मन सुन्न झालं. यानंतर आणखी एक घटना पुण्याच्या ताम्हिणी घाटात (Tamhini Ghat) घडली. या ठिकाणी एका तरुणाने पाण्यात स्टंटबाजी करत उडी मारली आणि पाण्याच्या प्रवाहाचा अंदाज न आल्याने तो वाहून गेला. या घटनेचा व्हिडीओ सोशल मीडियावर प्रचंड प्रमाणात व्हायरल (Social media viral) झाला. आता हा व्हिडीओ वाहून जाणाऱ्या तरुणाच्या लेकीनेच काढला असल्याची माहिती समोर आली आहे.


मृत तरुणाचं नाव स्वप्नील धावडे (Swapnil Dhavde) असं असून आपल्या ३२ जणांच्या जिमच्या ग्रुपसमवेत तो पर्यटनासाठी ताम्हिणी घाटात आला होता. यावेळेस निघता निघता त्याने आपल्या मुलीला कॅमेऱ्यात पाण्यात उडी मारतानाचा व्हिडीओ काढायला सांगितले होते. त्याप्रमाणे मुलगी व्हिडीओ काढत होती. तरणाने पाण्यात उडी मारली खरी पण पाण्याचा प्रवाह जास्त असल्यामुळे त्याला वर येणं कठीण झालं. आजूबाजूच्या खडकाच्या आधारे तो वर येण्याचा प्रयत्न करत होता मात्र, जोरदार पाण्याने त्याला वाहून नेले. दुर्दैवाने हा क्षण त्याच्या मुलीकडूनच कॅमेऱ्यात कैद झाला. डोळ्यादेखत आपले वडील वाहून गेल्याने मुलीला मोठा धक्का बसला आहे.


स्वप्नील धावडे हा बॉक्सिंगचा राष्ट्रीय खेळाडू असून त्याने भारतीय सैन्य दलातही सेवा दिली. तो एक वर्षापूर्वीच आर्मीमधून सेवानिवृत्त झाला होता. त्यानंतर तो भोसरी परिसरामध्ये स्विमिंग आणि व्यायामाचे ट्रेनिंग देण्याचं काम करत होता. शनिवारच्या सुमारास ताम्हिणी घाटामध्ये असणाऱ्या प्लस व्हॅली परिसरामध्ये तो ३२ जणांचा ग्रुप घेऊन ट्रेकिंगसाठी गेला होता. दिवसभर ट्रेकिंग केल्यानंतर निघण्याच्या वेळी त्यांनी आपल्या मुलीला माझा पाण्यात उडी मारतानाचा व्हिडिओ काढ, असे सांगितले. या व्हिडिओमध्येच स्वप्नील धावडे हे वाहून जातानाचा क्षण कैद झाला.



काल रात्री उशिरा अंत्यसंस्कार


सोमवारी त्यांच्यावर रात्री उशिरा अंत्यसंस्कार करण्यात आले. धावडे यांच्या कुटुंबामध्ये आता कोणीही पुरुष व्यक्ती नाही. स्वप्नील धावडे यांच्या पश्चात कुटुंबात आई, पत्नी आणि मुलगी या तिघीच राहिल्या आहेत. स्वप्नील धावडे यांच्या जाण्याने धावडे कुटुंब पूर्णतः कोलमडले आहे.

Comments
Add Comment

XI Admission List: अकरावी प्रवेशाची पहिली यादी जाहीर, कुठं पाहाल यादी? जाणून घ्या

अकरावी प्रवेशाची यादी दोन दिवसांआधीच जाहीर  मुंबई :   अकरावीत प्रवेश घेणाऱ्या विद्यार्थ्यांसाठी एक मोठी बातमी

कोल्हापुरात जुन्या मराठी सिनेमांचं होणार मोफत प्रदर्शन, सांस्कृतिक मंत्री आशिष शेलार यांची घोषणा...

कोल्हापूर : येणाऱ्या वर्षभरात ‘कलापूर’ म्हणून ओळखल्या जाणाऱ्या कोल्हापूरमध्ये सांस्कृतिक कार्य विभागाकडून

किनारपट्टीवर 3.8 मीटर उंच लाटा धडकणार, लहान होड्यांना समुद्रास न जाण्याच्या सूचना...

मुंबई : राज्यात पुढील २४ तासात पुणे घाट, सातारा घाट परिसरात ऑरेंज अलर्ट देण्यात आला असून भारतीय राष्ट्रीय महासागर

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.

शेतीच्या वादावरून पुतण्याने केला काकी आणि चुलत भावाचा खून : वर्ध्यातील धक्कादायक प्रकार

वर्धा : शेती वाटपावरून २ जणांची कुऱ्हाडीने वार करत हत्या करुन , नंतर आरोपीने देखील विष पिऊन आत्महत्या केल्याचा

महिलांना नेतृत्वाची संधी ! जिल्ह्यातील ७७५ सरपंच पदाचं आरक्षण जाहीर, महिलांची आकडेवारी किती ?

मुंबई : राज्यातील ग्रामीण भागात ७५५ ग्रामपंचायतींचे आरक्षण नुकतेच जाहीर करण्यात आले आहे. त्यामुळे २०११ च्या