मुंबई : वाढत्या महागाईत सोनं चांदी दराच्या बाबतीत (Gold Silver Rate) ग्राहकांसाठी आनंदाची बातमी आहे. १० ग्रॅम सोन्याचा दर जिथे ७२ हजार होता आणि चांदीचा दर लाखाच्या टप्प्यावर पोहोचला होता तिथे तेजीची घसरण झाल्यामुळे ग्राहकांना दिलासा मिळत आहे. गेल्या काही आठवड्यांपासून सोनं चांदीचे भाव उतरत चालल्याचे दिसून येत आहे. आज देखील चांदीच्या किमतीत २०० रुपयांपर्यंत मोठी घसरण दिसून आली. त्यानुसार चांदी सध्या ८८,५०० रुपये प्रति किलोच्या आसपास आहे. त्याचबरोबर सोने ६०० रुपये प्रति १० ग्रॅमने स्वस्त झाले आहे.
मल्टी कमोडिटी एक्स्चेंजवर चांदीच्या भावात मोठी घसरण झाली असून कालच्या तुलनेत चांदी १९२१ रुपये प्रति किलोने स्वस्त होऊन ८८,५२४ रुपये प्रति किलोवर आली आहे. तर वायदे बाजारात चांदीचा भाव ९०,५५४ रुपये प्रति किलोवर बंद झाला.
चांदीसोबतच वायदा बाजारात सोन्याच्या भावातही घसरण होत आहे. बुधवारी सोन्याचा भाव ७१,९७० रुपयांवर बंद झाला होता. त्यानंतर आज एमसीएक्सवर सोने कालच्या तुलनेत ५८२ रुपयांनी स्वस्त होऊन ७१,३८८ रुपयांवर आले आहे.
अमेरिकेतील फेडरल रिझर्व्हचे प्रमुख जेरोम पॉवेल यांनी दिलेल्या माहितीनुसार, देशांतर्गत बाजाराबरोबरच परदेशी बाजारातही सोन्या-चांदीच्या भावात मोठी घसरण पाहायला मिळत आहे. मात्र अजूनही तिचे दर जास्त असल्याचे दिसून येते. अर्थव्यवस्थेला मदत होण्यासाठो आम्ही महागाई दर २ टक्क्यांपर्यंत खाली आणण्यासाठी काम करत आहोत, असे त्यांनी सांगितले.
• दिल्लीत २४ कॅरेट सोने ७२,३१० रुपये प्रति १० ग्रॅम आणि चांदी ९५,२०० रुपये प्रति किलो दराने विकली जात आहे.
• चेन्नईमध्ये २४ कॅरेट सोने ७२,६६० रुपये प्रति १० ग्रॅम आणि चांदी ९५,२०० रुपये प्रति किलो दराने विकली जात आहे.
• मुंबईत २४ कॅरेट सोने ७२,१६० रुपये प्रति १० ग्रॅम आणि चांदी ९०,७०० रुपये प्रति किलो दराने विकली जात आहे.
मुंबई : आपण अनेक चित्रपटांची गाणी ऐकली आणि बघितली असतील. भारतीय चित्रपटात गाणी नसतील तर…
मुंबई : छत्रपती शिवाजी महाराज आंतरराष्ट्रीय विमानतळावरून प्रवास करणाऱ्या प्रवाशांसाठी महत्त्वाची बातमी समोर आली आहे.…
मुंबई(ज्ञानेश सावंत):सुरवातीच्या सामन्यात चेन्नईने मुंबईला फिरकीच्या जोरावर पराभवाचे पाणी पाजले. परंतु तो सामना चेन्नईच्या घरच्या…
पूजा काळे सृष्टीचे तत्त्व सांभाळा, नेहमीची येतो उन्हाळा. वर्षभरात तीन ऋतूंच्या तीन तऱ्हा सांभाळताना होणारा…
पुणे : काँग्रेस पक्षाने महाराष्ट्रात अध्यक्ष बदलला आहे. हर्षवर्धन सपकाळ महाराष्ट्र काँग्रेसचे अध्यक्ष झाले आहेत.…
डॉ. वीणा सानेकर भाषा हा शिक्षणातील पायाभूत घटक आहे. ती माणसाच्या अस्तित्वाची ओळख असल्यामुळे शिक्षणातील…