RTO New Rules : एकीकडे पुणे अपघात प्रकरणी संताप तर दुसरीकडे आरटीओचा 'हा' नवा नियम

१ जूनपासून आरटीओच्या नियमांमध्ये होणार बदल


नवी दिल्ली : पुण्यात एका अल्पवयीन मुलाने मद्यधुंद अवस्थेत कार चालवत दोघांना चिरडल्याने राज्यभरातून सर्वत्र संताप व्यक्त होत आहे. त्यातच या कारला नंबर प्लेट नसल्याची व ही कार विनानोंदणी धावत असल्याचीही धक्कादायक माहिती समोर आली आहे. या घटनेतील आरोपी मुलगा हा १७ वर्षांचा होता, मात्र, घटनेनंतर पाच तासांतच त्याला जामीन देण्यात आला, त्यामुळेही संतापाची लाट उसळली आहे. त्यातच आता आरटीओने काही नवे नियम जाहीर केले आहेत. त्यानुसार, ड्रायव्हिंग लायसन्स काढणे सोपे होणार असून १६ व्या वर्षीदेखील लायसन्स मिळू शकणार आहे.



ड्रायव्हिंग लायसन्स काढणे झाले सोपे


आरटीओच्या नव्या नियमावलीनुसार, आता ड्रायव्हिंग लायसन्स काढणे सोपे झाले आहे. सरकारने वाहनचालकांसाठी ड्रायव्हिंग लायसेन्स टेस्टसाठी आणखी एक सोपा पर्याय उपलब्ध करुन दिल्यामुळे चालकांना आता आरटीओमध्ये जाऊन चाचणी देण्याची गरज भासणार नाही. हा नियम १ जून पासून लागू होणार असून लोकांना खासगी ड्रायव्हिंग स्कूलमध्ये ड्रायव्हिंग टेस्ट देता येणार आहे. तसेच टेस्टनंतर यासंदर्भातील सर्टिफिकेट ही ड्रायव्हिंग स्कूलमधून दिले जाईल, असे रस्ते वाहतूक आणि महामार्ग मंत्रालयाने सांगितले आहे.



१६ व्या वर्षीही मिळणार लायसेन्स


जर एखाद्या व्यक्तीचे वय १८ वर्षे पूर्ण झाले असेल तर त्याला ड्रायव्हिंग लायसन्स मिळू शकते. पण ५० सीसी क्षमतेच्या मोटारसायकलचा परवाना वयाच्या १६ व्या वर्षीही मिळू शकतो. मात्र, हा परवाना १८ वर्षे झाल्यानंतर अपडेट करावा लागेल.


यासोबतच दंडांच्या रक्कमेत मोठ्या प्रमाणात वाढ झाली आहे, त्यामुळे वाहनधारकांच्या खिशाला कात्री लागू शकते. प्रदूषण कमी करण्याच्या दृष्टीने नियमांत बदल केले असून १ जूनपासून नवीन वाहतूक नियम लागू होणार आहेत.



शुल्क किती असेल?


नवीन नियमानुसार, शिकावू लायसेन्ससाठी १५० रुपये आकारले जातील. टेस्टसाठी किंवा रिपिट रेस्टसाठी ५० रुपये अतिरिक्त आकारले जातील. ड्रायव्हिंग टेस्टसाठी ३०० रुपये आकारले जातील. लायसेन्स जारी करण्यासाठी २०० रुपये तर नवीन क्लास मिळवण्यासाठी ३०० रुपयांचे शुल्क आकारले जाईल.


त्याचबोरबर ड्रायव्हिंग स्कूलने ट्रेनिंगशिवाय ड्रायव्हिंग लायसेन्स दिल्यास ५ हजार रुपयांचा दंड आकारला जाईल. डुप्लिकेट लायसेन्स मिळवण्यासाठी ५०० रुपये भरावे लागतील. तर ड्रायव्हिंग लायसेन्सवरील पत्ता बदलणे किंवा इतर माहिती बदलायची असल्यास २०० रुपये शुल्क लागेल.



दंड आकारणीत वाढ


दरम्यान, वेगाने वाहन चालवण्यासाठीचा दंड एक हजार ते दोन हजार रुपये असणार आहे. पण, अल्पवयीन मुलगा वाहन चालवताना आढळल्यास त्याला २५ हजार रुपये दंड भरावा लागेल. शिवाय, वाहन धारकाची नोंदणी रद्द केली जाईल. तसेच वयाचे २५ वर्षे होईपर्यंत अल्पवयीन चालकाला ड्रायव्हिंग लायसेन्स मिळवता येणार नाही.


Comments
Add Comment

शेतकऱ्यांच्या कर्जमाफीसाठी मुख्यमंत्र्यांच्या सल्लागारांच्या अध्यक्षतेखाली ‘उच्चाधिकार समिती’ गठीत

मुंबई : शेतकऱ्यांची थकीत कर्जाच्या विळख्यातून कायमस्वरुपी सोडवणूक करण्यासाठी, त्यांचे जीवनमान उंचावण्यासाठी

राष्ट्रीय सागरी मत्स्यव्यवसाय जनगणना २०२५ ला प्रारंभ

मुंबई : भारतातील सागरी मत्स्य व्यवसायाला अधिक बळकटी देण्यासाठी व मच्छीमार समुदायाच्या सर्वांगीण विकासासाठी

“आजच्या तुलनेत आठ महिन्यांनी होणारी कर्जमाफी अधिक फायद्याची” – बच्चू कडू

नागपूर : राज्यातील शेतकऱ्यांकडून तात्काळ कर्जमाफीची मागणी होत असताना, आजच्या तुलनेत 8 महिन्यांनी जाहीर होणारी

कार्तिकीसाठी राज्यातील विविध मार्गावरून ५५० एसटी बसेस धावणार

सोलापूर : सावळ्या विठ्ठलाचे भक्त असलेल्या वारकऱ्यांसाठी राज्य परिवहन महामंडळाकडून सोलापूरसह सांगली, सातारा,

Madgaon Tejas Express : तेजस एक्स्प्रेसमध्ये नाश्त्याऐवजी बिस्किट पुडा! IRCTCकडून कंत्राटदाराला दणका!

मडगाव : मडगाव तेजस एक्स्प्रेसमध्ये (Madgaon Tejas Express) प्रवाशांना दिल्या गेलेल्या खाद्यपदार्थांच्या निकृष्ट दर्जाबाबत

IMD Weather Update : चिंता वाढली! मोथा चक्रीवादळाचा प्रभाव कमी होताच 'कमी दाबाचा पट्टा' निर्माण; पुढचे ४८ तास धोक्याचे, महाराष्ट्रासाठी IMDचा नवा इशारा!

मुंबई : भारतीय हवामान विभागाकडून (IMD - Indian Meteorological Department) देशासह महाराष्ट्रात पुन्हा एकदा पावसाचा इशारा देण्यात आला आहे.