मुंबई : ठाकरे गटाचे खासदार संजय राऊत (Sanjay Raut) हे आपल्या चुकीच्या वक्तव्यांनी कायम स्वतःला अडचणीत टाकत असतात. त्यामुळे ठाकरे गटाचं (Thackeray Group) मोठं नुकसान होतं. त्यातच आता लोकसभा निवडणुका (Loksabha Election) मतदानाच्या शेवटच्या टप्प्यात असताना संजय राऊत पुन्हा एकदा अडचणीत सापडले आहेत. देशाचे पंतप्रधान नरेंद्र मोदी (PM Narendra Modi) यांच्यावर पातळी सोडून टीका केल्यामुळे व त्यांची तुलना औरंगजेबाशी (Aurangzeb) केल्यामुळे संजय राऊतांविरोधात गुन्हा दाखल करण्यात आला आहे. औरंगजेबाच्या जन्मस्थानाचा दाखला देत पंतप्रधान नरेंद्र मोदींचा एकेरी उल्लेख केल्याप्रकरणी अहमदनगरच्या (Ahmednagar) कोतवाली पोलीस ठाण्यात हा गुन्हा दाखल करण्यात आला आहे.
पोलीस हेड कॉन्स्टेबल अतुल काजळे यांनी या प्रकरणी फिर्याद दिली आहे. याबाबत निवडणूक आयोगाकडे तक्रार दाखल करण्यात आली होती. या तक्रारीची दखल घेऊन जिल्हा निवडणूक शाखेकडून राऊत यांच्यावर कारवाईबाबत कोतवाली पोलिसांना प्रस्ताव देण्यात आला होता. त्यानुसार राऊत यांच्यावर गुन्हा दाखल करण्यात आला आहे. समाजात तेढ निर्माण करण्याचा प्रयत्न केल्याने राऊत यांच्या विरोधात भादंवि कलम १७१(क), ५०६ आणि लोकप्रतिनिधी अधिनियम १२३ (३) नुसार गुन्हा दाखल करण्यात आला आहे.
नगर-दक्षिण लोकसभा मतदारसंघातील महाविकास आघाडीचे उमेदवार निलेश लंके यांच्या प्रचारासाठी संजय राऊत यांनी ८ मे रोजी अहमदनगर शहरातील क्लेराब्रूस मैदानावर सायंकाळी प्रचारसभा घेतली होती. या सभेत त्यांनी औरंगजेबाच्या जन्मस्थळाचा संदर्भ देत पंतप्रधान नरेंद्र मोदी यांच्यावर टीका केली. त्यांनी पंतप्रधानांचा एकेरी उल्लेखही केला. त्यामुळे वाद उसळला आणि राऊतांवर गुन्हा दाखल करण्यात आला.
संजय राऊत म्हणाले होते की, “आपल्याला इतिहासामध्ये जावं लागेल. औरंगजेबाचा जन्म गुजरात मध्ये झाला होता, तेथील माती औरंगजेबाची माती आहे. त्या मातीतील हे दोन व्यापारी आहेत. औरंगजेबाचा जन्म आणि नरेंद्र मोदी यांचा जन्म दावत मध्ये झाला आहे. औरंगजेब तिथे जन्माला आला आहे. त्यामुळे आपल्याशी औरंगजेब्याच्या वृत्तीने हे दोन व्यापारी वागत आहेत. एका औरंगजेबाला महाराष्ट्रामध्ये आम्ही गाडला आहे. तर तू कोण?” अशा प्रकारे पंतप्रधानांविषयी एकेरी भाषेत वक्तव्य करणं संजय राऊतांना चांगलंच भोवणार आहे.
नवी दिल्ली: पंतप्रधान नरेंद्र मोदी हे रशियाची राजधानी मॉस्को येथे पोहोचले आहेत. राष्ट्रपती व्लादीमीर पुतिन…
मुसळधार पावसाचा पालघरमध्ये पहिला बळी पालघर : मुंबई, ठाण्यासह उपनगरीय भागात काल रात्रभर जोरदार पाऊस…
मुंबई : कांदिवली पश्चिमेकडील पोयसर नदीवर बसवण्यात आलेल्या सक्शन पंपाचे पाईप फुटल्याने आज कांदिवलीत मोठ्या…
मुंबई मनपा, पोलीस प्रशासन आणि आपत्कालीन यंत्रणेला सहकार्य करा : एकनाथ शिंदे अजित पवार यांनीही…
हार्बर रेल्वे तसेच मेल एक्स्प्रेस रद्द झाल्याने अडकलेल्या प्रवाशांच्या सोयीसाठी बससेवा मुंबई : मुंबईत काल…
मुसळधार पावसामुळे घडली दुर्दैवी घटना मुंबई : मुंबईसह ठाणे आणि उपनगरांत काल रात्रीपासून मुसळधार पाऊन…