मुंबई : दादर येथील शिवाजी पार्क मैदानावर १७ मे रोजी महायुतीच्या समारोपाची सभा होणार आहे. राज्य सरकारच्या नगरविकास व मुंबई महापालिकेने मनसेला सभेसाठी मंजुरी दिली आहे. उद्धव बाळासाहेब ठाकरे यांच्या शिवसेनेनेही शिवाजी पार्क मैदानासाठी अर्ज केला होता. मात्र मनसेला परवानगी दिल्याने ठाकरेंच्या शिवसेनेने आता बीकेसीतील मैदानाची चाचपणी सुरु केली.
दरम्यान, १८ मे ला प्रचाराच्या तोफा थंडावणार आहेत. त्यात १७ मे रोजी होणाऱ्या महायुतीच्या या सभेला पंतप्रधान नरेंद्र मोदी व मनसे अध्यक्ष राज ठाकरे यांची उपस्थिती राहणार असल्याने मोदी व राज ठाकरे मविआवर कोणते टीकास्त्र सोडणार याकडे मुंबईकरांसह राजकीय पक्षांचे लक्ष लागले आहे. लोकसभा निवडणुकीसाठी मुंबईत २० मे रोजी मतदान होणार आहे. यंदाच्या लोकसभा निवडणुकीत दोन शिवसेना, दोन राष्ट्रवादी काँग्रेस रिंगणात आहेत. लोकसभा निवडणुकीत संपूर्ण देशाचे लक्ष महाराष्ट्राकडे लागले असून मतदानाला फक्त १० दिवस शिल्लक असल्याने राजकीय वातावरण चांगलेच तापले आहे. २० मे रोजी मतदान होणार असल्याने १८ मे प्रचाराच्या तोफा थंडावणार आहेत.
मुंबईत महायुतीचा प्रचाराला वेग आला असून शिवाजी पार्क मैदानात पंतप्रधान नरेंद्र मोदी यांच्या उपस्थितीत सभा घेण्यासाठी पालिकेच्या जी उत्तर विभागाकडे मनसेने १८ मार्च रोजी रितसर अर्ज केला होता. त्याच दरम्यान ठाकरेंच्या शिवसेनेही १८ मेच्या सभेसाठी जी उत्तर विभागाकडे अर्ज केला होता. पालिकेच्या जी उत्तर विभागाने दोघांचे अर्ज नगर विकास विभागाकडे मंजुरीसाठी पाठवले होते. प्रथम येणाऱ्यास प्राधान्य या तत्त्वावर मनसेला परवानगी देण्याबाबत ८ मे रोजी नगर विकास विभागाने पालिकेला कळवले. त्यानंतर ९ मे गुरुवारी पालिकेच्या जी उत्तर विभागाने मनसेला सभेसाठी मंजुरी दिली आहे.
या सभेसाठी मनसेने प्रथम अर्ज केला असल्याने आम्हाला परवानगी मिळाली आहे. शिवाजी पार्क मैदानासाठी पालिकेकडे ३९ दिवस व राज्य सरकारकडे सहा दिवस परवानगीचे अधिकार आहेत. सरकारने आपल्या स्तरावर निर्णय घेऊन ही परवानगी दिली असल्याची माहिती मनसेचे विभाग प्रमुख यशवंत किल्लेदार यांनी दिली. दरम्यान, शिवसेनेने यापूर्वीच बीकेसीसाठी एमएमआरडीएकडे अर्ज सादर केला आहे. महाविकास आघाडीची समारोप सभा १७ मे रोजी बीकेसी मैदानात होणार असल्याची माहिती शिवसेनेचे विभाग प्रमुख महेश सावंत यांनी दिली आहे.
नवी दिल्ली : अतिरेक्यांनी जम्मू काश्मीरमधील पहलगाममध्ये पर्यटकांवर गोळीबार केला. या हल्ल्यात २६ पर्यटकांचा मृत्यू…
मुंबईचा वीजवापर ‘४००० मेगावॅट’ पार! तर राज्यभरात ३०,९२१ मेगावॅटची विक्रमी मागणी मुंबई : राज्यातील उष्णतेच्या…
शांघाय : बाजारात सोन्याच्या किमती ऐतिहासिक उच्चांक गाठत असतानाच, चीनमधील शांघाय शहरात एक भन्नाट तंत्रज्ञान…
तुर्कस्तान : तुर्कस्तानमध्ये (तुर्कीये किंवा टर्की) भूकंपामुळे जमीन हादरली. जर्मन भूगर्भतज्ज्ञांनी तुर्कस्तानमध्ये ६.२ रिश्टर क्षमतेचा…
चीयरलीडर्स आणि फटाक्याच्या आतषबाजीविना रंगणार सामना, काळी फित बांधून उतरणार खेळाडू हैदराबाद: पहलगाम येथे पर्यटकांवर…
मुंबई : मराठी चित्रपटसृष्टीत (Marathi Movie) सातत्याने नवनवीन चित्रपटांची घोषणा होत आहे. काही दिवसांपूर्वीच दिग्दर्शक…