Salman Khan House Firing : सलमान खानच्या घरावरील गोळीबार प्रकरणी दुसरं पिस्तुल पोलिसांच्या हाती

  53

गुजरातच्या तापी नदीत दोन दिवस सुरु होती शोधमोहिम


सुरत : बॉलिवूड अभिनेता सलमान खानच्या (Salman Khan) घरावर झालेल्या गोळीबारानंतर बॉलीवूडसह संपूर्ण देश हादरला. या गोळीबाराचं कनेक्शन थेट बिष्णोई गँगसोबत लावण्यात आलं. त्यानंतर त्याचे अनेक दाखलेही समोर आले. रविवार १४ एप्रिल रोजी सलमानच्या गॅलक्सी अपार्टमेंटवर दोन अज्ञात व्यक्तींनी गोळीबार केल्याचं समोर आलं होतं. दोन्ही आरोपींना ७२ तासांच्या आत गुजरातमधील भूज येथून पोलिसांनी अटक केली. या प्रकरणात आता मुंबई पोलिसांच्या (Mumbai Police) गुन्हे अन्वेषण शाखेला (Crime Branch) मोठं यश मिळाले आहे. गुजरातमधील सूरत येथे तापी नदीत (Tapi River) फेकलेलं दुसरं पिस्तुल पोलिसांनी हस्तगत केलं आहे.


सलमान खान प्रकरणात आरोपींच्या प्राथमिक चौकशीत गुन्ह्यातील हत्यार दोघांनी वांद्रेतच फेकल्याची माहिती देण्यात आली होती. मात्र, एन्काऊंटर स्पेशलिस्ट दया नायक (Daya Nayak) यांनी प्रकरणाचा तपास हाती घेतल्यानंतर गुजरातमध्ये पोलिसांना महत्त्वाची लीड मिळाली. त्याचा तपास करण्यासाठी सध्या मुंबई गुन्हे शाखेची एक टीम गुजरातमध्ये दाखली झाली.


गोळीबारासाठी वापरण्यात आलेलं पिस्तुल सुरतमधील एका नदीत फेकल्याची माहिती पोलिसांना मिळाली. त्यासाठी मुंबई पोलिसांच्या तपास पथकाकडून सलग दोन दिवस तापी नदीत शोधमोहिम सुरू होती. या दोन दिवसांच्या अथक शोधमोहिमेनंतर दोन पिस्तुल आणि ३ मॅगझिन नदीत सापडल्या. कालपासून गुन्हे शाखेचे पथक गुजरातच्या तापी नदीत शोधमोहिम करत होते. युनिट ९ चे वरिष्ठ पोलीस निरीक्षक दया नायक यांच्या नेतृत्वात शोधमोहिम सुरू होती.



शूटर्सला १० राउंड गोळीबार करण्याचे होते आदेश


मुंबईतील वांद्रे येथील गॅलेक्सी अपार्टमेंटच्या बाहेर १० राऊंड गोळीबार करण्याचे आदेश हल्लेखोरांना देण्यात आल्याची माहिती मुंबई पोलिसांनी दिली. गोळीबार केल्यानंतर हल्लेखोरांनी आपले शस्त्र सूरतमधील तापी नदीत फेकले असल्याची माहिती दिली. ज्या ठिकाणी पिस्तुल फेकण्यात आले, त्या ठिकाणी आरोपी विक्की गुप्ता याला नेण्यात आले होते. त्यानंतर शस्त्र शोधण्यास सुरुवात झाली. गोळीबार प्रकरणातील आरोपींविरोधात मुंबई पोलीस आणखी कलमे जोडण्याची शक्यता आहे.

Comments
Add Comment

महादेवी हत्तिणीला ‘वनतारा’मध्ये पाठवण्याबाबतचा अहवाल

पेटा संस्थेमार्फत सत्यपरिस्थिती नमूद कोल्हापूर : महादेवी या हत्तिणीला कोल्हापूर मधील एका मठातून वनतारा येथे

हुंड्याऐवजी मुलींसाठी फिक्स डिपॉझिट

मराठा समाजाची लग्न आचारसंहिता अहिल्यानगर : पुण्यातील वैष्णवी हगवणे आत्महत्याप्रकरणानंतर मराठा समाजातील

डॉक्टरांसाठी ‘क्यूआर कोड’ प्रणाली अनिवार्य

बोगस डॉक्टरांना बसणार आळा पुणे : राज्यातील बोगस डॉक्टरांच्या वाढत्या प्रकरणांना आळा घालण्यासाठी आता

भाऊरायांना राखी पाठवण्यासाठी पोस्ट ऑफिस सज्ज, पावसाची चिंता मिटली; राखीसाठी वॉटरप्रूफ लिफाफा

पुणे (वार्ताहर) : दूरगावी असणाऱ्या भावाला आपली प्रेमाची राखी पाठविण्यासाठी सध्या बहिणींची लगबग सुरू आहे. तसेच

शेतीचा दर्जा दिल्याने मत्स्यव्यवसाय प्राधान्याचे क्षेत्र : मुख्यमंत्री देवेंद्र फडणवीस

अमरावती : मत्स्य व्यवसायाला चालना देण्यासाठी राज्य शासन विविध प्रयत्न करीत आहेत. यातील सर्वात महत्त्वाचा भाग

नितीन गडकरी यांच्या घराला बॉम्बने उडवण्याची धमकी; आरोपी ताब्यात

नागपूर:  केंद्रीय रस्ते वाहतूक मंत्री नितीन गडकरी यांच्या महाल येथील निर्मानाधीन निवासस्थान बॉम्बने उडवण्याची