जळगाव : राष्ट्रवादीच्या शरद पवार गटातून काही दिवसांतच स्वगृही म्हणजेच भाजपमध्ये परतणार असलेले नेते एकनाथ खडसे (Eknath Khadse) यांना जीवे मारण्याची धमकी देणारा कॉल (Death threat call) आला आहे. त्यांच्या घरी हा धमकीचा फोन आला होता. मात्र, धमकीचं कारण अद्याप समोर आलेलं नाही. याप्रकरणी पोलिसांत तक्रार दाखल करण्यात आली असून अज्ञात व्यक्तीवर पोलिसांनी गुन्हा दाखल केला आहे.
गेल्या दोन दिवसांपासून एका अज्ञात फोनवरून छोटा शकीलचे नाव सांगत आपल्याला जीवे मारण्यात येणार असल्याच्या धमक्या दिल्या जात असल्याचं खडसे यांनी म्हटलं आहे. एकनाथ खडसे यांना आतापर्यंत धमकीचे चार ते पाच फोन आले आहेत. हे फोन वेगवेगळ्या नंबरवरुन आणि विविध देशातून येत असल्याची माहिती एकनाथ खडसे यांनी दिली आहे. नुकताच अमेरिकेतून धमकीचा फोन आल्यानंतर त्यांनी जळगावच्या मुक्ताईनगर पोलीस ठाण्यात तक्रार दाखल केली आहे.
याविषयी बोलताना एकनाथ खडसे म्हणाले, धमकी मागे राजकीय संबंध असेल असं वाटत नाही. पोलीस चौकशी करत आहेत, काय तथ्य आहे ते बाहेर येईल. अशा धमक्या बऱ्याच वेळा आल्या आहेत. त्यामुळे भीतीचे वातावरण नाही. काळजी घ्यावी म्हणून पोलिसांना सूचित केले आहे. छोटा शकील, दाऊद यांनी धमकी दिली असेल असं वाटत नाही. धमकी कुठूनही येऊ शकते. अलीकडे सॉफ्टवेअर इतकी डेव्हलप आहेत की मुक्ताई नगरला बसूनही फेक कॉल केला जाऊ शकतो. धमकी दिल्यानंतर कोणतीही मागणी करण्यात आलेली नाही, असंही खडसे यांनी सांगितलं.
संतोष राऊळ मुंबई : वन्य प्राणी नागरी वस्तीत घुसणे, माणसांवर जीव घेणे हल्ले होणे.वन्य प्राण्यांपासून…
मुंबई: भारतीय क्रिकेट संघ टी-२० वर्ल्डकप जिंकल्यानंतर अद्याप मायदेशी परतलेले नाहीत. त्यातच त्यांचा २०२५मधील सगळ्यात…
मुंबई : राज्यातील नागरिकांना शासकीय सेवा वेळेत उपलब्ध करून देण्यासाठी लागू करण्यात आलेले महाराष्ट्र लोक…
मुंबई: रिलायन्स जिओने(reliance jio) आपल्या प्लानचे दर बदलले आहे. आजपासून नवे दर लागू झाले आहेत.…
मोठ्या रक्कमेचा दंड आणि शिक्षा होईल अशा पद्धतीचे कायदे अमलात आणा आमदार नितेश राणेंच्या मागणी…
शिवसेनेच्या प्रताप सरनाईकांनी वर्तविले भाकीत मुंबई : ठाकरे गटाकडून मिलिंद नार्वेकर यांच्या नावाची विधानपरिषद निवडणुकीसाठी…