आता वंदे भारतने ३ तासांत पोहोचा काशीवरून अयोध्येला, पंतप्रधान मोदी आज दाखवणार हिरवा झेंडा

वाराणसी: अयोध्येमध्ये रामलल्ला विराजमान झाल्यानंतर काशीवरून अयोध्येला जाणाऱ्या भक्तांच्या संख्येत मोठी वाढ झाली आहे. अशातच पंतप्रधान नरेंद्र मोदी यांनी राम भक्तांसाठी शिवनगरी वाराणसीला मोठे गिफ्ट दिले आहे. आता काशीवरून भक्त अवघ्या ३ तासांत अयोध्येला पोहोचू शकतात. वंदे भारतच्या रुपाने हे गिफ्ट देण्यात आले आहे.

पंतप्रधान नरेंद्र मोदी मंगळवारी या रेल्वेला व्हर्च्युअली झेंडा दाखवतील. काशीाला आणखी एक वंदे भारत मिळत आहे. मंगळवारी सकाळी १२.३० वाजता पंतप्रधान नरेंद्र मोदी या वंदे भारतला हिरवा झेंडा दाखवतील. ही वंदे भारत पाटणा येथून वारणसी कँट रेल्वे स्टेशन व्हाया अयोध्या धाम आणि लखनऊपर्यंत धावले. यामुळे काशी येथून पर्यटकांना अयोध्येला जाणे सोपे होईल.

ही वंदे भारत पाटणा येथून सकाळी ९.३० वाजता वाराणसी कँट स्टेशनला पोहोचेल. १२.३० वाजता अयोध्येला पोहोचेल. म्हणजेच काशीवरून अयोध्येला अवघ्या तीन तासांत पोहोचता येईल.