Monday, July 15, 2024
Homeताज्या घडामोडीPM Narendra Modi : पंतप्रधानांच्या कार्यक्रमासाठी उभारण्यात येणारा सभामंडप कोसळला!

PM Narendra Modi : पंतप्रधानांच्या कार्यक्रमासाठी उभारण्यात येणारा सभामंडप कोसळला!

४ कामगार जखमी; यवतमाळमध्ये घडली दुर्घटना

यवतमाळ : पंतप्रधान नरेंद्र मोदी (PM Narendra Modi) २८ फेब्रुवारीला यवतमाळ (Yavatmal) दौऱ्यावर येणार असून, त्यांची जाहीर सभा होणार आहे. मात्र, तत्पूर्वी एक दुर्घटना घडली. या कार्यक्रमासाठी उभारण्यात येणारा सभामंडप आज कोसळला. यात ४ कामगार जखमी झाले आहेत. इतर कामगार सुदैवाने बचावले आहेत. जखमी कामगारांना रुग्णालयात दाखल करण्यात आले असून त्यांच्यावर उपचार सुरु आहेत.

पंतप्रधान नरेंद्र मोदींच्या यवतमाळ दौऱ्यासाठी भारी गावात ४५ एकर जागेवर मंडप उभारण्यात येत आहे. मात्र, त्यातील एक डोम उभा करण्याचे काम सुरू असतानाच पिलर जमिनीतून निखळला. त्यामुळे त्याचे खांब खाली क्रेनवर कोसळले. याठिकाणी काही कामगार देखील होते, परंतु कामगार सुदैवाने बचावले असून,चार जण जखमी झाले आहेत.

पंतप्रधान नरेंद्र मोदी २८ फेब्रुवारीला यवतमाळ-नागपूर मार्गावरील भारी येथे आयोजित महिला बचत गटाच्या कार्यक्रमाला उपस्थित राहणार आहेत. या कार्यक्रमात ते दोन लाखांहून अधिक बचत गटांच्या महिलांना संबोधीत करणार आहेत. या मेळाव्याची जय्यत तयारी केली जात असतानाच हा अपघात घडला. पंतप्रधान मोदी मागील काही दिवसांपासून सतत महाराष्ट्र राज्याचा दौरा करत असून, ते चौथ्यांदा यवतमाळ जिल्हाच्या दौऱ्यावर येत आहेत.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -