Sudarshan Setu : अटल सेतूनंतर पंतप्रधानांच्या हस्ते पार पडलं 'सुदर्शन सेतू'चं उद्घाटन

गुजरातमधील हा पूल आहे खास; काय आहेत वैशिष्ट्ये?


सुरत : पंतप्रधान नरेंद्र मोदी (PM Narendra Modi) यांनी शिवडी ते न्हावाशिवा मार्गाला जोडणाऱ्या अटल सेतूचं (Atal Setu) उद्घाटन केलं होतं. हा पूल सर्वांच्याच पसंतीस उतरत आहे आणि दिवसेंदिवस प्रवास करणाऱ्यांची संख्या देखील वाढत आहे. यानंतर आज पंतप्रधानांनी देशातील सर्वात लांब केबल 'सुदर्शन सेतू'चं (Sudarshan Setu) उद्घाटन केलं. या पुलामुळे देशातील पायाभूत सुविधांचे आणखी एक अनोखे उदाहरण देशात निर्माण झाले आहे.


पंतप्रधान मोदींनी आज गुजरातमधील (Gujrat) द्वारका येथे 'सुदर्शन सेतू'चे उद्घाटन केले. हा केबल पूल ओखा ते समुद्राच्या मध्यभागी वसलेल्या बेट द्वारकाला जोडतो. याची लांबी सुमारे २.३२ किलोमीटर आहे. या पुलाच्या बांधकामाला केंद्रीय परिवहन मंत्री नितीन गडकरी (Nitin Gadkari) यांनी २०१६ साली मंजुरी दिली होती. पंतप्रधान मोदींनी ७ ऑक्टोबर २०१७ रोजी या पुलाची पायाभरणी केली होती. आधी त्याची अंदाजे किंमत ९६२ कोटी रुपये होती, मात्र नंतर ती वाढवण्यात आली. ९७९ कोटी रुपये खर्चून 'सुदर्शन सेतू' बांधण्यात आला आहे.



काय आहेत 'सुदर्शन सेतू'ची वैशिष्ट्ये?



  • सुदर्शन सेतू 'ओखा-बेट द्वारका सिग्नेचर ब्रिज' म्हणूनही ओळखला जाईल. रहिवासी आणि द्वारकाधीश मंदिरात येणाऱ्या यात्रेकरूंसाठी हा पूल महत्त्वाचा ठरणार आहे.

  • चौपदरी असलेल्या २७.२० मीटर रुंद पुलाच्या दोन्ही बाजूला २.५० मीटर रुंद पदपथ आहे.

  • सुदर्शन ब्रिजचे डिझाईन अनोखे असल्याचे सांगण्यात येत आहे. यात श्रीमद्भगवद्गीतेतील श्लोक आणि दोन्ही बाजूंना भगवान कृष्णाच्या प्रतिमांनी सजवलेला फूटपाथ आहे.

  • फूटपाथच्या वरच्या भागात सौरऊर्जेचे पॅनेलही बसवण्यात आले असून, यातून एक मेगावाट वीजनिर्मिती होणार आहे.


प्रवासी भाविकांचा वेळ वाचणार


सुदर्शन सेतू बांधण्यापूर्वी यात्रेकरूंना द्वारकेला जाण्यासाठी खूप संघर्ष करावा लागत होता. त्यांना बोटीवर अवलंबून राहावे लागत असे. हवामान खराब असेल तर लोकांना थांबावे लागत असे. मात्र, आता या पुलाच्या बांधकामामुळे मोठा दिलासा मिळाला असून ते द्वारकेचे प्रमुख पर्यटन केंद्र म्हणूनही काम करेल. याशिवाय प्रवासी भाविकांचा बराच वेळ वाचणार आहे.


Comments
Add Comment

“चहाशी माझा संबंध तुम्हाला माहिती आहे, पण आज मी...” मन की बातमध्ये पंतप्रधान मोदींचा खास खुलासा!

नवी दिल्ली : पंतप्रधान नरेंद्र मोदी यांनी आज त्यांच्या ‘मन की बात’ कार्यक्रमाच्या १२७ व्या भागातून देशवासीयांशी

तरुणांना नवोन्मेषाचे निर्माते बनवण्यासाठी दिल्लीत 'युवा-एआय' स्पर्धा

विद्यार्थ्यांच्या सहभागासाठी यूजीसीकडून सर्व विद्यापीठांना पत्र… ८५ लाखांची बक्षिसं! मुंबई  : भारतातील

संरक्षण दलाच्या तिन्ही दलांसाठी ७९ हजार कोटी

नवी दिल्ली  : भारताच्या तिन्ही सैन्य दलांना अधिक शक्तिशाली आणि आधुनिक बनवण्यासाठी संरक्षण मंत्रालयाने एक मोठा

अयोध्येतील राम मंदिरावर पंतप्रधान मोदी फडकवणार धर्म ध्वज

राष्ट्रीय स्वयंसेवक संघाचे मोहन भागवत प्रमुख पाहुणे अयोध्या : अयोध्येतील राम मंदिराच्या शिखरावर होणाऱ्या

तब्बल ५ हजार ५०० किलो वजनाची सोन्याची बुद्ध मूर्ती!

बुद्धांचे अनुयायी जगभरात अब्जावधींच्या संख्येने आहेत, जे अनेक देशांमध्ये पसरलेले आहेत. भगवान बुद्धांना भगवान

देशभरात पुढील आठवड्यापासून मतदार याद्यांची सखोल छाननी

पुढील वर्षी पश्चिम बंगालसह ५ राज्यांत निवडणुका निवडणूक आयोग पुढील आठवड्यात देशभरातील मतदार याद्यांचे विशेष