Sunday, July 21, 2024
Homeताज्या घडामोडीHair Fall: तुमचे केस खूप गळतायत? गंभीर आजाराचे लक्षण तर नाही ना..

Hair Fall: तुमचे केस खूप गळतायत? गंभीर आजाराचे लक्षण तर नाही ना..

मुंबई: आजकालच्या खराब लाईफस्टाईलमुळे केसांचे गळणे(hair fall) ही सामान्य गोष्ट बनली आहे. कमी वयातच अनेकांचे केस मोठ्या प्रमाणात गळू लागतात. आरोग्य तज्ञांच्या मते वय वाढण्यासोबतच केसांची लांबी तसेच प्रमाण कमी होऊ लागते. केसांचे गळहे हे वय वाढणे, जेनेटिक आणि हार्मोन्समधील बदलामुळे होऊ शकते मात्र त्रास तेव्हा वाढतो जेव्हा कमी वयात केस वेगाने गळू लागतात.

अशातच काही योग्य उपाय करून ही केसगळती रोखता येऊ शकते. अधिकतर केस गळणे ही स्काल्पची समस्या असू शकते. मात्र अनेकदा इतर कारणेही असतात.

केस तुटणे

तज्ञांच्या मते फिजीकल आणि मेंटल दोन्ही प्रकारचे आजार केसांच्या गळतीचे कारण बनू शकतात. ल्यूपस, सिफलिस, थायरॉईड, सेक्स हार्मोनमधील असंतुलन अथवा पोषणसंबंधी समस्येमुळे केस वेगाने गळतात. याशिवाय प्रोटीन, आर्यन, झिंक यांच्या कमतरतेमुळे केसांच्या आरोग्यावर परिणाम होतो.

तणावामुळे केस गळतात

अधिक तणाव अथवा डिप्रेशन असल्यासही केसांची समस्या उद्भवते. अशा लोकांमध्ये केस गळतीचे प्रमाण अधिक असते. जेव्हा आपण ताण घेतो तेव्हा स्ट्रेस हार्मोन कोर्टिसोल रिलीज होते. हे केसांच्या विकासासाठी गरजेच्या पेशींना नुकसान पोहोचवते. यामुळे केस कमकुवत होतात तसेच तुटण्याचा धोकाही वाढतो.

थायरॉईडमुळे गळू शकतात केस

ज्यांना थायरॉईडचा त्रास आहे त्यांचेही केस गळू शकतात. हायपर अथवा हायपोथायरॉईडिज्म या दोन्ही स्थिती केस गळण्याची समस्या होते.

पोषकतत्वांच्या कमतरतेमुळे गळतात केस

केसांचे आरोग्य टिकवण्यासाठी पोषकतत्वांची आवश्यकता असते. रायबोफ्लेविन, बायोटिन, फोलेट आणि व्हिटामिन बी१२ आणि व्हिटामिन ई केस गळती रोखू शकतात. जेवणात झिंक प्रोटीनसारखी पोषकत्वांची कमतरता असल्यास केस गळतात.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -