मुंबई: क्रिकेट चाहत्यांसाठी एक खुशखबर समोर आली आहे. यावर्षी अमेरिका आणि वेस्ट इंडिजच्या यजमानपदामध्ये होणाऱ्या टी-२० वर्ल्डकप २०२४साठी तिकीटांची बुकिंग सुरू झाली आहे. ही तिकीटांची बुकिंग ७ फेब्रुवारी २०२४ पर्यंत सुरू राहणार आहे.
क्रिकेट चाहत्यांना वर्ल्डकपच्या सामन्यांची मजा घ्यायची असेल आणि तिकीट बुक करायचे असेल तर t20worldcup.com वेबसाईटवर जाऊन तिकीट बुक करू शकतात. वर्ल्डकप १ ते २९ जून दरम्यान खेळवला जाणार आहे.
आंतरराष्ट्रीय क्रिकेट काऊन्सिलच्या माहितीनुसार यावेळेस तिकीटांची विक्री फर्स्ट कम फर्स्ट सर्व्ह या आधारावर असणार नाही तर ७ दिवसांत तिकीट खरेदी करण्यासाठी सर्वांना समान संधी दिली जाईल.
आयसीसीने स्पष्ट केले की एक व्यक्ती म्हणजेच आयडीएवर एका सामन्यांचे जास्तीत जास्त ६ तिकीट मिळू शकतात. या पद्धतीने कितीही सामन्यांचे तिकीट बुक करू शकतात. तिकीटांची किंमत कमीत कमी ६ डॉलर(५०० रूपयांपासून ) सुरू आहे.
२.६० लाखाहून अधिक तिकीट
ग्रुप स्टेज, सुपर ८ आणि सेमीफायनलपर्यंतच्या सामन्यांसाठी २.६० लाखाहून अधिक तिकीट जारी करण्यात आले आहे. प्रत्येक तिकीटाची किंमत त्याच्या कॅटेगरीच्या हिशेबाने वेगवेगळी ठेवण्यात आली आहे. यावेळेस टी-२० वर्ल्डकप १ ते २९ जूनदरम्यान असणार आहे. या अंतर्गत फायनलसह एकूण ५५ सामने खेळवले जातील. हे सर्व सामने ९ शहरांमध्ये असणार आहेत.